វិធីកម្ចាត់ស្នាមប្រឡាក់ឱ្យត្រឹមត្រូវតាមរូបមន្តនីមួយៗ

2018-05-21 04:38:00
ចំនួនមតិ 0 | ចំនួនចែករំលែក 0

ការកម្ចាត់ស្នាមប្រឡាក់គឺងាយស្រួលបំផុត ប្រសិនបើអ្នកជ្រើសរើសរបស់មកសម្អាតបានត្រឹមត្រូវ។ ស្នាមប្រឡាក់ទាំងអស់មិនមែនចេះតែប្រើសាប៊ូ ឬម្សៅសូដាតែមួយមុខនោះទេ។ តោះ! មកមើលពីរបស់ណាគួរកម្ចាត់ស្នាមប្រឡាក់ណាល្អ?

១. ស្នាមប្រឡាក់ដោយសារខ្លាញ់

នៅពេលដែលប្រឡាក់ខ្លាញ់ ឬក្រែមលាបមាត់ផ្សេងៗ អ្នកកុំភ្លេចដីសឱ្យសោះ។ គូសដីសនៅត្រង់កន្លែងដែលប្រឡាក់ខ្លាញ់ មុននឹងដាក់បោក។

២. ស្នាមប្រឡាក់ដោយសារកាហ្វេ

អស់បារម្ភរឿងប្រឡាក់កាហ្វេដោយគ្រាន់តែបោកវាជាមួយម្សៅសូដាឬត្រាំវាមួយសន្ទុះ។

៣. ស្នាមប្រឡាក់ដោយសារក្រែម

ខោអាវដែលមានជាប់ក្រែមនៅពេលដែលត្រូវជាមួយអាកុល( rubbing alcohol) ស្នាមប្រឡាក់នឹងបាត់អស់។

៤. ស្នាមប្រឡាក់ដោយសារប្រេងរំអិល

ប្រសិនបើខោអាវរបស់អ្នកប្រឡាក់ប្រេងរំអិលនោះអ្នកត្រូវការកូកាកូឡា(Coca Cola)។ គ្រាន់តែចាក់កូកាកូឡាទៅលើខោអាវ ហើយដាក់បោកធម្មតា។

៥. ស្នាមប្រឡាក់ដោយបែកញើស

លាយទឹកជាមួយក្រូចឆ្មារបរិមាណស្មើគ្នា ហើយចាក់លើកន្លែងប្រឡាក់។

៦. ស្នាមប្រឡាក់ដោយសារទឹកប៊ិច

ប្រហែលជាអ្នកមិនដឹងទេថាទឹកដោះគោអាចជួយបំបាត់ស្នាមទឹកប៊ិចបានយ៉ាងល្អ។ ត្រាំខោអាវដែលប្រឡាក់ជាមួយទឹកដោះគោពេញមួយយប់ ហើយបោកតាមធម្មតា។

៧. ស្នាមប្រឡាក់ដោយសារស្រាក្រហម

អំបិលអាចជួយសម្រួលដល់កម្ចាត់ស្នាមប្រឡាក់ដោយស្រាក្រហម ដោយគ្រាន់តែដាក់អំបិលបន្តិចរួចបោកធម្មតា។

៨. ស្នាមប្រឡាក់ដោយសារស្មៅ

បើសិនជាស្នាមប្រឡាក់ស្មៅនៅថ្មីៗនៅឡើយ អ្នកអាចចាក់ទឹកខ្មេះបន្តិចនៅលើស្នាមប្រឡាក់ជាការស្រេច។

៩. ស្នាមប្រឡាក់ដោយសារMake-Up

នៅពេលដែលអ្នកប្រឡាក់ម្សៅផាត់ ឬគ្រឿងផាត់មុខផ្សេងៗ អ្នកគួរតែប្រើក្រែមកោរពុកមាត់ដើម្បីសម្អាតវា។

១០. ស្នាមប្រឡាក់ដោយសារផ្លែឈើ(Berry)

អ្នកអាចសម្អាត ស្នាមប្រឡាក់ដោយសារផ្លែឈើបានយ៉ាងងាយដោយប្រើទឹកក្តៅ។ ចាក់ទឹកក្តៅទៅលើស្នាមប្រឡាក់ រួចត្រាំមួយសន្ទុះ។ ប្រសិនបើនៅតែមិនបាត់ អ្នកអាចប្រើទឹកខ្មេះជាំជំនួយ៕

ចុចអាន៖

ប្រភព៖ Businessinsider ប្រែសម្រួល៖ តាន់ ច័ន្ទលក្ខិណា