ល្បិចងាយៗជួយឲ្យចំណេញសម្រាប់អ្នកស្នាក់នៅសណ្ឋាគារញឹកញាប់

2018-04-25 04:18:41
ចំនួនមតិ 0 | ចំនួនចែករំលែក 0

ការធ្វើដំណើរកម្សាន្តគឺជារឿងដែលសប្បាយចិត្តបំផុត។ ប៉ុន្តែវាអាចនឹងពិបាកដោយសារតែថវិកាមានកំណត់ អ្នកត្រូវចាយវាយត្បិតត្បៀត។ ទាំងនេះជាតិចនិកខ្លះៗដើម្បីជួយសន្សំសំចៃអ្នកបានមួយកម្រិត ហើយថែមទាំងងាយស្រួលទៀតផង សម្រាប់អ្នកឧស្សាហ៍គេងនៅសណ្ឋាគារ៖

១. ស្ងោរពងទានៅក្នុងកំសៀវអគ្គិសនី

ប្រសិនបើអាហារពេលព្រឹកនៅក្នុងអូតែលនោះដូចជាថ្លៃពេក ហើយអ្នកក៏ធុញទ្រាន់ជាមួយនំកញ្ចប់ដែរនោះ អ្នកអាចរកវិធីងាយៗគឺដើរទៅហាងក្បែរៗនោះ ទិញពងទា និងនំបុ័ង។ បន្ទាប់មកយកពងទាមកស្ងោរក្នុងកំសៀវជាការស្រេច។

២. ប្រើឆ្នាំងអ៊ុតដើម្បីធ្វើនំបុ័ងអាំង

ប្រសិនបើពងទាមិនគ្រប់ ឬអ្នកចង់ញាំនំបុ័ងជាង អ្នកអាចប្រើវិធីនេះបាន។ គ្រាន់តែយកក្រដាសអាលុយមីញ៉ូមមករុំហើយដាក់ឆ្នាំងអ៊ុតពីលើជាការស្រេច។

៣. បង្កើតSpeakerដោយប្រើកែវទឹក

ប្រសិនបើអ្នកជាមនុស្សដែលចូលចិត្តស្តាប់បទចម្រៀង ឬជាមនុស្សដែលទ្រមក់ពេលក្រោកពីគេងម្តងៗ អ្នកគួរតែសាកប្រើវិធីនេះ។ វាអាចជំនួសម៉ោងរោទ៍នៅផ្ទះអ្នកបាន។

៤. ចំហុយខោអាវអ្នកនៅក្នុងបន្ទប់ទឹក

មិនមែនអូតែលទាំងអស់សុទ្ធតែមានឆ្នាំងអ៊ុតទេ។ ពេលខ្លះអ្នកត្រូវទៅប្រជុំ អ្នកមិនអាចពាក់អាវជ្រួញបានទេ។ តិចនិកនេះអាចជួយអ្នកបាន អ្នកគ្រាន់តែយកអាវមកដាក់ជិតកន្លែងអ្នកងូតទឹក នោះចំហាយទឹកក្តៅអាចជួយឱ្យប្រសើរឡើង។

៥. ជូតMake Upចេញដោយប្រើក្រែមអប់សក់ (Hair Conditioner)

ស្រីៗ! នេះជាវិធីដ៏ពិសេសសម្រាប់អ្នកដែលអស់ទឹកលុបMake Upកំឡុងពេលធ្វើដំណើរ ឬភ្លេចយកមក។ អ្នកអាចលុបMake Upបានយ៉ាងងាយ។

៦. ប្រើទូរទស្សន៍ដើម្បីសាកទូរស័ព្ទ

រឿងដ៏លំបាកបំផុតរបស់អ្នកធ្វើដំណើរគឺភ្លេចយកប្រដាប់សាកទូរស័ព្ទ។ តែកុំបារម្ភ នៅក្នុងអូតែលតែងតែមានទូរទស្សន៍ ហើយភាគច្រើនមានរន្ធដោតUSB។ អញ្ចឹងអ្នកអាចមើលទូរទស្សន៍បណ្តើរសាកថ្មបណ្តើរ។