ម្ដាយគួរធ្វើរឿង ៧ យ៉ាងនេះ ដើម្បីជួយឲ្យកូនមានមិត្តសម្លាញ់តាំងពីនៅក្មេង
- 2018-05-17 09:04:34
- ចំនួនមតិ 0 | ចំនួនចែករំលែក 0
ម្ដាយគួរធ្វើរឿង ៧ យ៉ាងនេះ ដើម្បីជួយឲ្យកូនមានមិត្តសម្លាញ់តាំងពីនៅក្មេង
ម្ដាយឪពុកគួរតែជួយកូនឲ្យក្លាយជាក្មេងល្អ តាមរយៈការបង្កើតមិត្តជាមួយក្មេងដទៃបានស្និទ្ធស្នាល។ ទាំងនេះគឺជារឿង ៧ ដែលអ្នកធ្វើ ដើម្បីកូនៗមានមិត្តសម្លាញ់៖
១.កុំប្រៀបធៀបកូនទៅនឹងមិត្ត
ទោះជាពួកគេស្គាល់គ្នានៅតូចៗបែបនេះក៏ដោយ តែមនោសញ្ចេតនាមានមិនចាញ់មនុស្សធំឡើយ។ ដូចនេះបើឪពុកម្ដាយឃើញមិត្តគេធ្វើបានល្អជាង ហើយប្រៀបធៀបគ្នានោះ កូននឹងមានអារម្មណ៍អន់ចិត្ត ហើយលែងចូលចិត្តមិត្តទៀតផង។
**២.បង្រៀនកូនឲ្យចេះចែករំលែកជាមួយមិត្ត**
ពេលកូនមានរបស់លេងថ្មី ឬនំចំណីឆ្ងាញ់ៗអ្នកគួរតែប្រាប់ឲ្យគេចែកទៅមិត្តភ័ក្ដិ ហើយឲ្យមិត្តភ័ក្ដិចែករបស់គេមកវិញដែរ។ បែបនេះកូននឹងដក់ជាប់នូវភាពសប្បុរសនោះ ហើយពេលមានអ្វីថ្មីគេនឹងចែកទៅឲ្យឯងៗដោយមិនបាច់ប្រាប់។
៣.បង្កើតឱកាសសម្រាប់ការងារជាក្រុមជំនួសឲ្យការប្រជែង
ឪពុកម្ដាយគួរតែប្រាប់ឲ្យកូន និងមិត្តភ័ក្ដិគេធ្វើការរួមគ្នា ដើម្បីមានសមិទ្ធផលរួមគ្នា ជាជាងឲ្យពួកគេប្រកួតប្រជែងគ្នាសម្រេចកិច្ចការអ្វីមួយ។
៤.មានពេលលេងកម្សាន្តជាមួយគ្នាដោយមិនខ្លាចអ្នក
ក្មេងៗពេលលេងជាមួយគ្នាតែងមានប៉ះទង្គិចគ្នាជារឿងធម្មតា ដូចនេះពេលឃើញកូនយំកុំខឹងនឹងមិត្តគេដោយស្ដីឲ្យកូនឈប់ឲ្យទៅលេងជាមួយ។ ព្រោះក្មេងៗនឹងស្អប់ ឬលែងជិតស្និទ្ធគ្នាពេលក្រោយទៀត។
៥.ប្រើភាពកំប្លុកកំប្លែងក្នុងការដោះស្រាយជម្លោះ ឬភាពតានតឹង
វិធីសាស្ត្រនេះជាទូទៅគួរតែប្រើពេលក្មេងៗឈ្លោះប្រកែក ឬវ៉ៃគ្នា។
៦.កុំគិតពីអាយុ
បើកូនអ្នក និងកូនអ្នកជិតខាងមានគម្លាតអាយុខុសគ្នា មិនគួរដាក់សម្ពាធឲ្យគេហៅថា «បង» ឡើយ ព្រោះអាចឲ្យពួកគេមិនស្និទ្ធស្នាលគ្នា។ ដូចនេះអ្នកគួរតែបង្រៀនកូនធ្វើយ៉ាងណាឲ្យរាប់អានជាមួយមិត្តដោយស្មោះ មិនចាំបាច់គិតពីអាយុ។
៧.បង្រៀនកូនរបស់អ្នកកុំឲ្យចងកំហឹង
ក្មេងៗលេងជាមួយគ្នាយូរទៅ ជៀសមិនផុតពីការវ៉ៃតបគ្នា។ ដូចនេះអ្នកគួរតែប្រាប់កូនមិនឲ្យខឹង ចង់គុំកួនរឿងនោះឡើយ។ បង្រៀនពួកគេឲ្យចេះអភ័យទោស និងបោះបង់ចោលជម្លោះ ទើបជារឿងត្រឹមត្រូវ៕
ចុចអាន៖៩វិធីបង្រៀនកូនឲ្យពូកែ និងរឹងមាំជាងយើងទៅអនាគត