បើគេបដិសេធន៍ស្នេហ៍ ៥ចំណុចនេះត្រូវតែធ្វើដើម្បីកុំឲ្យឆ្កួតចិត្តកាន់តែខ្លាំង

2018-05-09 06:24:30
ចំនួនមតិ 0 | ចំនួនចែករំលែក 0

មានមនុស្សមិនតិចទេដែលតាមស្រឡាញ់គេតែឯង ហើយត្រូវបានគេបដិសេធន៍បន្ទាប់គេសារភាពស្នេហ៍។ យ៉ាងណាក៏ដោយអត្ថបទនេះនឹងជួយសម្រួលផ្លូវចិត្តអ្នកបន្ទាប់ពីមានរឿងខកចិត្តបែបនេះកើតឡើង។ ៥វិធីនេះអាចជួយសម្រួលផ្លូវចិត្តកុំឲ្យគ្រាំគ្រាខ្លាំង នៅពេលមនុស្សដែលអ្នកតាមស្រឡាញ់ជាយូរមកហើយ ប្រាប់ថា «មិនអាច»៖

១. ចាត់ទុកថាគ្មានរឿងអីកើតឡើង

បើប្រាប់គេហើយគេមិនបានតបស្នងអីមកវិញក៏មិនគួរមកដេកយំអីខ្លាំងពេកដែរ ចាត់ទុកថាថ្ងៃនេះយើងមិនបានធ្វើអីទាំងអស់។ បំភ្លេចចោលហើយចាត់ទុកថាគ្មានរឿងអីកើតឡើង មិនបានស្ដាប់ពាក្យគេឆ្លើយថា «ទេ» ឬ «ត្រឹមរាប់អានគ្នា» អីទាំងអស់ហ្នឹងទេ។ បែបនេះអ្នកក៏មិនបាច់គ្រាំចិត្តដោយសារពាក្យបដិសេធន៍គេដែរ។

រូបតំណាង

**២. លើកទឹកចិត្តខ្លួនឯង**

មនុស្សសំខាន់បំផុតគឺចេះលើកទឹកចិត្តខ្លួនឯង និងផ្ដល់ក្ដីសង្ឃឹមឲ្យខ្លួនឯង។ ត្រូវប្រាប់ខ្លួនឯងថាបើថ្ងៃនេះគេមិនអាច ថ្ងៃក្រោយប្រហែលជាអាច។ ម្យ៉ាងទៀតប្រហែលគេបដិសេធន៍ពេលហ្នឹងក៏ដោយសារគេចង់ដឹងថាយើងអាចតស៊ូស្រឡាញ់ប៉ុណ្ណាក៏ថាបានដូច្នេះកុំពិបាកចិត្តអី នៅមានឱកាសជាច្រើនទៀត។

៣. ប្ដូរទិសដៅ

បើអ្នកហើយថាជាតិនេះគេមិនអាចស្រឡាញ់អ្នកវិញទេ ជម្រើសល្អមានតែដកខ្លួនហើយប្ដូរទិសដៅតែប៉ុណ្ណោះ។ មុនដំបូងអាចពិបាកបន្តិចតែបើអ្នកចេះបង្វែរខ្លួនឯងពីការខកចិត្ត មកជាផ្លូវមួយដែលអាចនាំអ្នកជួបមនុស្សល្អជាងនេះនោះ គឺកាន់តែល្អ។ រំលឹកខ្លួនឯងថាក្នុងលោកនេះមានមនុស្សល្អច្រើនណាស់ ហើយគេមិនមែនជាគូយើងនោះទេ ដូច្នេះមិនគួរចំណាយពេលទាំងដឹងលទ្ធផលមុនទៀតទេ។

រូបតំណាង

៤. ធ្វើខ្លួនឲ្យកាន់តែល្អ

បើគេមិនព្រមហើយ អ្នកធ្វើខ្លួនកាន់តែដុនដាបទៀតនោះ គេកាន់តែមើលងាយហើយគិតថាគេគិតត្រូវហើយដែលមិនព្រម។ ដោយឡែកបើអ្នកធ្វើខ្លួនឲ្យកាន់តែល្អនោះ ផ្លូវចិត្តអ្នកក៏រឹងមាំ មិនសូវឈឺចាប់ ហើយថែមទាំងអាចឲ្យគេស្ដាយក្រោយវិញក៏ថាបានដែលបដិសេធន៍អ្នក។

៥. ចាត់ទុកថាគ្រាន់តែជាការខកចិត្តតិចតួចប៉ុណ្ណោះ

យ៉ាងណាក៏វាមិនឈឺចាប់ដូចពេលស្រឡាញ់គ្នារាប់ឆ្នាំហើយបែកគ្នាដែរ ត្រូវគិតថារឿងប៉ុណ្ណឹងគ្មានអីធំដុំទេ យ៉ាងណាក៏យើងបានធ្វើរឿងដែលយើងត្រូវធ្វើរួចហើយដែរ។ យើងគប្បីជាមួយបេះដូងខ្លួនឯង រីឯគេព្រមមិនព្រមជារឿងរបស់គេ មិនមែនមានន័យថាគ្មានគេពិភពលោកនេះរលាយឯណា យ៉ាងហោចណាស់ក៏មានមនុស្សជាច្រើនទៀតតាមស្រឡាញ់យើងដែរ។