មានតែអ្នកលង់ស្រឡាញ់គេម្នាក់ឯងប៉ុណ្ណោះ ដែលយល់ពីរឿងគ្រាំចិត្ត ៥យ៉ាងនេះច្បាស់

2018-04-26 10:12:21
ចំនួនមតិ 0 | ចំនួនចែករំលែក 0

មានតែអ្នកដែលធ្លាប់ស្រឡាញ់គេតែម្ខាងប៉ុណ្ណោះដែលយល់ច្បាស់ពីអារម្មណ៍ទាំងនេះ ហើយដឹងថាការឈឺចាប់ខ្លាំងកម្រិតណា។ស្នេហាពិតជាច្របូកច្របល់ណាស់ ហេតុអីមិនស្រឡាញ់មនុស្សដែលខំស្រឡាញ់យើង តែបែរជាទៅស្រឡាញ់មនុស្សដែលមិនអាចនឹងស្រឡាញ់យើងទៅវិញ។ បើអ្នកកំពុងតែស្រឡាញ់គេម្នាក់ឯងច្បាស់ណាស់អ្នកនឹងរងនូវរឿងដ៏លំបាកទាំងនេះ៖

១.គ្រាំចិត្តដូចគេយកថ្មមកសង្កត់ទ្រូង

ពេលអ្នកលង់ស្រឡាញ់អ្នកណាម្នាក់តែម្ខាងអ្នកនឹងរងនឹងការឈឺចាប់ផ្លូវចិត្តសឹងតែរាល់ថ្ងៃ។ អ្នកតឹងណែនក្នុងទ្រូង ព្រោះម្ខាងទៀតមិនអាចតបស្នងនូវអ្វីដែលអ្នកចង់បាន។ មួយថ្ងៃៗត្រូវចាំមើលគេ ចង់ដឹងពីគេ ហើយពេលឃើញគេស្និទ្ធស្នាលជាមួយអ្នកផ្សេងមកអង្គុយយំ អង្គុយពិបាកចិត្តតែឯង។

រូបតំណាង

**២. រវើរវាយ**

ចាប់ផ្ដើមស្រឡាញ់អ្នកណាម្នាក់ អ្នកនឹងចាប់ផ្ដើមគិតអីតែម្នាក់ឯង។ រាល់ថ្ងៃតែងគិតពីគេ ស្រមៃនេះស្រមៃនោះថាបើគេព្រមមិនដឹងល្អយ៉ាងណា ហើយបើបាននៅជាមួយគេមិនដឹងសប្បាយចិត្តប៉ុណ្ណាបិទភ្នែកចេះតែឃើញតែមុខគេ។ លើសពីនេះចូលមើលរូបថត ឬអីដែលទាក់ទងពីគេមិនដែលខាន ហើយពេលខ្លះសើចតែឯង ខឹងតែតែឯង ទាំងម្ខាងទៀតគ្មានដឹងខ្យល់អីទាំងអស់។

៣. ឯកាលើសពីមុន

ពីមុនអត់ទាន់លង់ស្រឡាញ់គេគឺអាចនឹងមានអារម្មណ៍ឯកាល្មមៗទេ តែបន្ទាប់ពីស្រឡាញ់គេតែឯងហើយអ្នកនឹងចាប់ផ្ដើមមានអារម្មណ៍ឯកាទ្វេដង។ នៅពេលដែលគេមិនចាប់អារម្មណ៍ មិនរវល់ជាមួយអ្នកនឹងមានអារម្មណ៍ថាគ្មានអ្នកណាបារម្ភពីអ្នក គ្មានអ្នកណាល្អនឹងអ្នកទាំងដែលអ្នកមានអ្នកជុំវិញខ្លួនក៏ដោយ។ សំខាន់បំផុតគឺអ្នកលែងចង់បានការយកចិត្តទុកដាក់ ការស្រឡាញ់ពីអ្នកណាក្រៅពីចង់បានពីម្នាក់នោះ។

រូបតំណាង

៤. បិទផ្លូវខ្លួនឯងក្រៅពីម្នាក់ហ្នឹងមិនអាចទទួល

នៅពេលនោះអ្នកនឹងលែងមានអារម្មណ៍លើអ្នកណាទៀតក្រៅពីម្នាក់នោះ។ អ្នកបិទបេះដូងខ្លួនឯងចាំតែគេម្នាក់ប៉ុណ្ណោះរហូតដល់ពេលខ្លះអ្នកធ្វើបាបចិត្តអ្នកដែលខំស្រឡាញ់អ្នកទៀតក៏មាន។ អ្នកឃើញតែម្នាក់ហ្នឹងល្អ ហើយអ្នកផ្សេងគឺគ្មានឥទ្ធិពលមកលើចិត្តអ្នកបន្តិចនោះទេ។

៥. អស់សង្ឃឹម

នៅពេលដែលអ្នកខំដាក់ចិត្តស្រឡាញ់គេយ៉ាងខ្លាំង ចំណាយកម្លាំង ចំណាយទឹកចិត្តសឹងតែអស់ពីខ្លួន តែចុងក្រោយគេតបស្នងវិញត្រឹមតែពាក្យថា«មិនអាច»។ អារម្មណ៍នេះ ការឈឺចាប់នេះមានតែអ្នកដែលធ្លាប់ស្រឡាញ់គេតែម្ខាងប៉ុណ្ណោះទើបយល់ច្បាស់ ព្រោះវាលើសពីការមើលឃើញរបស់អ្នកដទៃ។