រឿងតូចតាច ដើម្បីចងភ្ជាប់បេះដូងបុរសឲ្យស្រលាញ់យើងកាន់តែខ្លាំង មិនអាចចាកចេញបាន

2018-04-26 01:05:08
ចំនួនមតិ 0 | ចំនួនចែករំលែក 0

ចង់ចងបេះដូងមនុស្សប្រុសភ្ជាប់ជាមួយខ្លួន មិនមែនជារឿងលំបាកសម្រាប់មនុស្សស្រីទៀតទេ។ ស្ត្រីត្រូវការសេចក្ដីស្រលាញ់ និងការយកចិត្តទុកដាក់ពីមនុស្សប្រុសដែលខ្លួនស្រលាញ់ច្រើន។ ដូចនេះបើអាចធ្វើរឿងតូចតាចទាំង ៧ នេះបាន នោះអ្នកនឹងអាចចង់ភ្ជាប់បេះដូងបុរសបានរហូត៖

១.ប្រាប់សេចក្ដីស្រលាញ់

តាមពិតសកម្មភាពនោះ សំខាន់ជាងពាក្យសម្ដីទៅទៀត។ កសាងទំនុកចិត្តគ្នាទៅវិញទៅមក ហើយអ្នកក៏ចង់ឮពាក្យថា «បងស្រលាញ់អូន» រាល់ថ្ងៃ ដូចនេះអ្នកក៏ត្រូវតែនិយាយដាក់គាត់រាល់ងថ្ងៃផងដែរ។

២.ទុកចិត្តគាត់

ទុកចិត្តគាត់ជានិច្ច បើទោះជាស្ថិតនៅក្នុងស្ថានការណ៍អវិជ្ជមាន ក៏ដោយអ្នកត្រូវបង្ហាញពីជំហរទុកចិត្តគាត់មិនងាករេ។ បើអ្នកតែងតែបង្ហាញភាពមិនទុកចិត្តគាត់ ទោះមិនបានក្បត់ពិតមែន ក៏បុរសអាចនឹងធ្វើរឿងនោះនៅថ្ងៃណាមួយ។

៣.យកចិត្តទុកដាក់ចំពោះរឿងតូចតាច

មិនចាំបាច់ជ្រើសរើសភាពប្រណីតអ្វីនោះទេ អ្នកគ្រាន់តែការយកចិត្តទុកដាក់លម្អិតទៅលើរឿងរ៉ាវតូចតាចផ្ទាល់ខ្លួនរបស់ដៃគូ ក៏អាចធ្វើឲ្យគេងប់ងុលនឹងអ្នកបានដែរ។ គ្រាន់តែពិនិត្យមើលរបស់ប្រើប្រាស់គាត់មានខូចខាតត្រង់ណា ហើយអ្នកជួសជុលឲ្យ ឬខោអាវរហែកអ្នកជួយប៉ះទៅ។

៤.ចេះត្រូវរ៉ូវគ្នាជាមួយសាច់ញាតិគាត់

ឲ្យតែអ្នកចេះយកចិត្តយកថ្លើមសាច់ញាតិគាត់បាន នោះបុរសរឹតតែស្រលាញ់ខ្លាំងទៀត។ ការដែលមនុស្សស្រី អាចចុះសម្រុងជាមួយគ្រួសារបាន ជាអ្វីក្ដីបំណងដ៏ធំរបស់របស់គ្រប់រូប ព្រោះគាត់នឹងមិនរងសម្ពាធពីភាគីខាងណា។

៥.សរសេរកំណត់ហេតុស្នេហ៍

វិធីនេះមិនចេះ ហួសសម័យឡើយ។ អ្នកគួរតែមានកូនសៀវភៅតូចមួយតុបតែងដោយរូបបេះដូង ហើយសរសេររៀបរាប់ពីពេលវេលាផ្អែមល្ហែម និងពេលក្រៀមក្រំដែលហែលឆ្លងជាមួយគ្នា រួចប្រគល់ជូនគាត់។ នៅពេលឃើញការរៀបរាប់របស់អ្នក ធ្វើឲ្យបុរសក្ដុកក្ដួលចិត្តជាមិនខាន។

៦.ចេះរំអួយតិចៗ

មនុស្សប្រុសមិនចូលចិត្តនារីពូកែរំអួយឡើយ តែពួកគេលង់ចិត្តដកមិនរួច បើដៃគូរបស់ខ្លួនចេះក្និកក្នក់បន្តិច ដើម្បីបន្ថែមឱជារសនៃស្នេហាខ្លួន។

៧.ថែទាំខ្លួនឯង

នេះ គឺជារឿងសំខាន់ណាស់។ នៅពេលអ្នកថែរក្សាខ្លួនបានស្អាតបាតជានិច្ច មនុស្សប្រុសមានមោទនភាពនឹងសម្រស់ដៃគូ ហើយពេលឃើញប្រុសដទៃលួចច្រណែន គាត់រឹតតែសប្បាយចិត្ត៕

ចុចអាន៖មនុស្សប្រុសស្មោះពិត នឹងធ្វើរឿងទាំងនេះដាក់នារីដែលខ្លួនស្រលាញ់តែម្នាក់គត់

ប្រភព៖ Mthai ប្រែសម្រួល៖ ទ្រី រ៉ាវី