៦ ចំណុចដាស់តឿន ឪពុកម្ដាយមានកូនតូចៗត្រូវប្រយ័ត្ន បើមិនចង់ស្ដាយក្រោយអស់មួយជីវិត
- 2018-04-26 05:30:00
- ចំនួនមតិ 0 | ចំនួនចែករំលែក 0
៦ ចំណុចដាស់តឿន ឪពុកម្ដាយមានកូនតូចៗត្រូវប្រយ័ត្ន បើមិនចង់ស្ដាយក្រោយអស់មួយជីវិត
ការមិនបានប្រុងប្រយ័ត្នខ្ពស់ចំពោះកូនតូចៗ អាចបណ្ដាលឲ្យមានគ្រោះថ្នាក់ផ្សេងៗ ហើយក្រោយកើតហេតុបានបន្សល់ការឈឺចាប់ជាពន់ពេកសម្រាប់ឪពុកម្ដាយ។ ជាពិសេសនៅវ័យដែលក្មេងចេះវារ គឺជាពេលវេលាមួយដែលមាតាបិតាគួប្រុងប្រយ័ត្នឲ្យបានខ្ពស់បំផុត។
យោងតាមការដកស្រង់ចេញពីអត្ថបទ លោកវេជ្ជបណ្ឌិត ប៉ែន កក្កដា ឯកទេសរោគកុមារ និងទារកនៃមន្ទីរពេទ្យកុមារជាតិ បានទូន្មានថា មិនមែនជារឿងងាយស្រួលទេ នៅពេលដែលក្នុងផ្ទះមានក្មេងតូច ហេីយអ្នកមេីលថែររវល់ ការងារផ្ទះ រកសុីផង។ មានរឿងខ្លះដែលអាចកេីតដោយចៃដន្យ និងអាចស្តាយក្រោយមួយជិវិតផងក៏មាន។ តេីពួកគេប្រឈមនឹងអ្វីខ្លះ? នៅពេលក្មេងចេះវារ និងរៀនដេីរ តេីឪពុកម្តាយ ត្រូវប្រយ័ត្នអ្វីខ្លះ?
១. ការធ្លាក់ពីទីកន្លែងខ្ពស់: កុមារតែតែចង់ដឹង និងចង់ឃេីញ។ ជាពិសេសកន្លែងខ្ពស់ តាមជណ្តេីរឡេីងជាដេីម។ គួររកកន្លែងឃាំងបាំង នៅជណ្តេីរ។
២. ឆក់ភ្លេីង: តាមផ្ទះល្វែងខ្លះ មានឌុយព្រីភ្លេីង ទាប ឬកុមារអាចឈោងដល់។ ពេលខ្លះពួកគេយកដៃលូក ឬសមញុកចូល អាចបណ្ដាលឲ្យឆក់ស្លាប់។ ដូច្នេះរៀបចំសំនុំខ្សែរភ្លើងឲ្យមានរបៀប និងសុវត្ថិភាព ដើម្បីជៀសវាងគ្រោះថ្នាក់ឆក់ខ្សែភ្លើង។
៣. លង់ទឹក: មានផ្ទះខ្លះនៅតាមបណ្តាខេត្ត ដែលមានត្រពាំង ស្រះនៅក្បែរ គួរប្រយ័ត្នការលង់ទឹក កុមារអាចវារទៅក្បែរ ឬធ្លាក់ទឹក។
៤. គ្រោះថ្នាក់ចរាចរណ៍: កុមារអាចឆ្លងថ្នល់ទៅលេងម្ខាងទៀត នៃផ្លូវថ្នល់ ដេីម្បីទិញនំ ឬទៅលេងជាដេីម។ មិនគួរប្រហែសអាចឲ្យក្មេងចេញពីផ្ទះបាននោះទេ។ បើឆ្លងផ្លូវម្តាយឪពុកត្រូវពរកូនឆ្លង ដោយមិនគួរសូម្បីកាន់ដៃឆ្លង។
៥. ស្លាក់របស់រឹង: ក្មេងក្នុងវ័យនេះឃេីញអ្វីតែងតែ រេីសយកមកញុកក្នុងមាត់ចង់ដឹងរសជាតិ។ ពួកគេប្រទះអ្វីដាក់ចូលភ្លាម។ ពេលខ្លះអាចនឹងស្លាក់ភ្លាមតែម្តង។ ដូច្នេះគួរជៀសវាងការផ្តល់អាហាររឹងគ្រប់ប្រភេទ ហើយអាហារគួរតែជាចំណិតតូចៗ ឬកិនម៉ត់។
៦. ងាយនឹងផ្តាសាយ: ក្នុងវ័យដ៏គួរឲ្យខ្នាញ់បែបនេះ អ្នកផងចង់បី ថេីបប្រលែង ដែលជាមូលហេតុមួយងាយឆ្លងជំងឺផ្តាសាយ រលាកសួតណាស់។ គួរឪពុកម្តាយ ចាក់វាក់សាំងផ្តាសាយឲ្យបានឆាប់បំផុត ចាប់ពីអាយុ ៦ ខែឡេីងទៅ៕
ចុចអាន៖កុំនិយមដាក់ឈ្មោះកូនជាភាសាបរទេសពេក មកមើលឈ្មោះខ្មែរ ពិរោះៗ ហើយមានអត្ថន័យល្អៗទៀត
អត្ថបទ និងរូបភាពផ្តល់សិទ្ធិដោយ៖បន្ទប់ពិគ្រេាះជំងឺកុមារ វត្តអង្គតាមិុញ