ចង់បានកូនថ្លោសទ្រលុកទ្រលន់ក្នុងផ្ទៃ និងកើតមកគ្រប់គីឡូ អ្នកម្ដាយគួរញ៉ាំអាហារ ៦ មុខនេះ

2018-04-22 04:00:00
ចំនួនមតិ 0 | ចំនួនចែករំលែក 0

អំឡុងពេលមានផ្ទៃពោះ អ្នកម្ដាយពិតជាចង់ឲ្យកូនលូតលាស់ល្អគ្រប់គីឡូ តែអ្នកខ្លះមិនដឹងថាគួរញ៉ាំអ្វីទើបធ្វើឲ្យកូនល្អបែបនោះបាន។ ទម្ងន់ដែលត្រូវពេលទារកកើតមកគឺចាប់ពី ២ គីឡូជាង ទៅ ៣ គីឡូ។ ដូចនេះ កញ្ញា សូមណែនាំពីអាហារដែលជួយឲ្យកូនធំធាត់ចម្រើនបានល្អ៖

១.ចេក

ផ្លែឈើនេះគឺល្អសម្រាប់មនុស្សជាច្រើន ហើយផលប្រយោជន៍ដ៏អស្ចារ្យរបស់វាក៏អាចជួយដល់ទារកបានមិនធម្មតាដែរ។ ចេកល្អសម្រាប់ស្ត្រីពពោះ ព្រោះវាមានសារធាតុចម្រុះដែលជួយជំរុញដល់ការលូតលាស់ឆ្អឹង ប្រព័ន្ធសរសៃប្រសាទ ប្រព័ន្ធរំលាយអាហារ និងជួយបង្ការការឈឺចាប់នៅពេលមានផ្ទៃពោះ។ ចេកអាចផ្គត់ផ្គង់សារធាតុចិញ្ចឹមមានប្រយោជន៍ដល់ទារក ដើម្បីជួយឲ្យពួកគេឡើងទម្ងន់ និងកម្ពស់។

រូបតំណាង

**២.សណ្តែក**

សណ្ដែកគ្រប់ប្រភេទដូចជាសណ្ដែកសៀង សណ្ដែកបៃតង ... គឺជាអាហារដ៏ល្អសម្រាប់អំប្រ៊ីយ៉ុង។ មូលហេតុគឺដោយសារតែសណ្ដែកមានជាតិសរសៃ និងប្រូតេអ៊ីនច្រើនជាងបន្លែផ្សេងទៀត។ ប្រូតេអ៊ីនមានសារៈសំខាន់ក្នុងអំឡុងពេលមានផ្ទៃពោះ ដើម្បីធានាដល់ទារកឡើងទម្ងន់។ បន្ថែមពីនេះសណ្ដែក ក៏ជាប្រភពដ៏ល្អនៃជាតិដែក ហ្វូឡាត ជាតិកាល់ស្យូម និងស័ង្កសី ល្អខ្លាំងណាស់សម្រាប់ម្ដាយ និងកូន។

៣.អំពៅ

ស្ករអំពៅមានជាតិស្ករធម្មជាតិខ្ពស់ដែលជួយបំពេញបន្ថែមជាតិទឹក និងផ្តល់នូវប្រភពថាមពលដ៏សំខាន់សម្រាប់ម្ដាយ។ ជាពិសេសបរិមាណកាល់ស្យូម ស្ពាន់ធ័រ ម៉ាញ៉េស្យូម ប៉ូតាស្យូម ជាតិដែកវីតាមីន A B C និងអាស៊ីដសរីរាង្គជិត ៣០ ផ្សេងទៀត ធានាបាននូវការរីកចម្រើនអតិបរមានៃទារកក្នុងពោះ។

៤.ដំឡូងជ្វា

ដំឡូងជ្វាគឺជាសារធាតុចិញ្ចឹមដែលមិនអាចខ្វះបានសម្រាប់ម្ដាយ ដោយសម្បូរជាតិសរសៃ វីតាមីន សារធាតុរ៉ែ និងវីតាមីន B6។ នៅក្នុងចំណីអាហារនេះនឹងជួយលើកកម្ពស់ការបង្កើតកោសិកាឈាម ដើម្បីជំរុញថាមពលទារកទាំងមូល។ ដំឡូងជ្វា ដើរតួនាទីយ៉ាងសំខាន់ក្នុងការអភិវឌ្ឍខួរក្បាលទារកដែលជំនួយដល់ការចងចាំ និងការរៀនសូត្រពេលពួកគេធំឡើង។ លើសពីនេះវាក៏ជួយបង្កើនកូលីនក្នុងពេលមានផ្ទៃពោះ ក៏ជួយកាត់បន្ថយគ្រោះថ្នាក់នៃភាពមិនប្រក្រតីរបស់ទារក។

៥.បន្លែបៃតង

ម្ដាយជាច្រើនបានជ្រើសរើសមានកំហុសមួយ ក្នុងពេលមានផ្ទៃពោះ ដោយមិនយកចិត្តទុកដាក់បរិភោគបន្លែបៃតង។ តាមការពិតប្រភពនៃកាល់ស្យូម វីតាមីន ជីវជាតិបំប៉នដែលកូនក្នុងពោះត្រូវការ គឺបន្លែពណ៌បៃតងនេះឯង។

៦.គ្រាប់ធញ្ញជាតិ

គ្រាប់ធញ្ញជាតិដូចជាសណ្ដែកដី គ្រាប់អាល់ម៉ុង គ្រាប់ផ្កាឈូក គ្រាប់ macadamia Walnut ... គឺល្អសម្រាប់ទារក។ វាមិនត្រឹមតែជួយកាត់បន្ថយការឃ្លានចំណីអាហារប៉ុណ្ណោះទេ ប៉ុន្តែវាថែមទាំងផ្តល់នូវវីតាមីន និងសារធាតុរ៉ែជាច្រើន ដើម្បីជួយឲ្យទារកឡើងទម្ងន់ និងកម្ពស់។ ការសិក្សាបានបង្ហាញថាម្ដាយមានគភ៌បរិភោគ Walnut អាចបង្កើន IQ របស់ពួកគេ៕