សញ្ញាទាំងនេះបង្ហាញថាប្រុសៗស្រលាញ់ខ្លាំង គ្រាន់តែខ្ជិលនិយាយចេញមកប៉ុណ្ណោះ!

2018-04-20 08:00:00
ចំនួនមតិ 0 | ចំនួនចែករំលែក 0

មនុស្សប្រុសពិតជាមិនសូវចូលចិត្តនិយាយស្ដីអីច្រើនទេ ទោះជាមានស្នេហាក៏ដោយ ប៉ុន្តែពួកគេស្រលាញ់ និងស្មោះត្រង់ពិតៗជាមួយនារី។ បើឃើញសញ្ញាទាំងនេះកុំភ័យថាគាត់មិនស្រលាញ់ គ្រាន់តែខ្ជិលនិយាយប៉ុណ្ណោះ ព្រោះទុកឲ្យទង្វើជាអ្នកបង្ហាញ៖

១.មានឫកពាជាសុភាពបុរស

ពេលនៅក្បែរ ហើយឃើញអ្នកធ្វើកិច្ចការណាធ្ងន់ គឺជាប់ជួយជានិច្ច ឬពេលដើរក្នុងចំណោមមនុស្សច្រើន គាត់នៅពីក្រោយ ដើម្បីមិនឲ្យអ្នកដទៃមកបន្លំលូកលាន់អ្នកបាន។ ទង្វើមនុស្សស្រលាញ់ តែមិនចេះមាត់កតែប៉ុណ្ណឹងឯង។

២.ថែរក្សា និងបំពេញតាមតម្រូវការរបស់អ្នក

ប្រសិនបើបុរសម្នាក់ពិតជាស្រលាញ់អ្នកមែន តែមាត់មិនដែលនិយាយអ្នកអាចសង្កេតពីចំណុចនេះបាន។ គាត់នឹងស្វែងរកវិធីដើម្បីធ្វើឲ្យជីវិតអ្នកកាន់តែប្រសើរ និងមានផាសុកភាព។

៣.កាន់ដៃអ្នក

នៅពេលជួបទុក្ខលំបាក ទោះជាមាត់មិននិយាយស្ដីអ្វី ក៏គាត់ចាប់កាន់ដៃអ្នក ដើម្បីផ្ដល់ជាកម្លាំងចិត្ត ក៏ដូចជាការគាំទ្រដល់អ្នក។

៤.ឲ្យតម្លៃចំពោះយោបល់អ្នក

នៅពេលអ្នកបញ្ចេញមតិ ទោះត្រូវ ឬមិនត្រូវក៏គាត់នៅតែឲ្យតម្លៃ ដោយមិននិយាយថា «គំនិតគ្មានបានការ»។ នេះជាការយកចិត្តរបស់បុរស គ្រាន់តែមិនសូវផ្អែមល្ហែមដូចអ្នកបានវោហារប៉ុណ្ណោះ។

៥.គាត់ប្រច័ណ្ឌពេលអ្នកស្និទ្ធស្នាលបុរសផ្សេង

ទោះមាត់មិននិយាយ តែស្រលាញ់អ្នកខ្លាំង ទើបប្រច័ណ្ឌពេលឃើញអ្នកនៅក្បែរបុរសផ្សេងដែលមានរូបរាងសង្ហា ព្រោះខ្លាចថា អ្នកប្រែចិត្តទៅស្រលាញ់បុរសនោះវិញ។ ឫកពាដែលប្រច័ណ្ឌភាគច្រើន មិននិយាយរកអ្នក ឬការសម្លក់សម្លឹងជាដើម។

៦.គាត់ប្រើពាក្យ «ពួកយើង»

ពីរមាត់នេះ ល្មមគ្រប់គ្រាន់តែគាត់ស្រលាញ់អ្នកខ្លាំងប៉ុណ្ណាហើយ ព្រោះ «ពួកយើង» ប្រើសម្រាប់តែមនុស្សជាគ្រួសារតែមួយប៉ុណ្ណោះ។

៧.កោតសរសើរអ្នកប្រាប់អ្នកដទៃ

នៅពីមុខធ្វើជាមិនខ្វល់ តែក្រោយខ្នងតែងតែអួតពីអ្នកទៅប្រាប់អ្នកដទៃឡើងគេជ្រេញ។

៨.ព្រមលះបង់សេចក្ដីសុខផ្ទាល់ខ្លួន ដើម្បីអ្នក

ទោះជាការមើល ឬទៅលេងបាល់ ហាត់ប្រាណធ្វើឲ្យគាត់មានក្ដីសុខយ៉ាងណាក៏ដោយ ក៏គាត់អាចបោះបង់ចោលបានដែរនៅពេលដែលឮថាអ្នកត្រូវការ។ ព្រោះគាត់ចាត់ទុកអ្នកជាមនុស្សសំខាន់បំផុតក្នុងជីវិត។

៩.បារម្ភពីអ្នក

នៅពេលដែលអ្នកទាំងពីរមិនបាននៅក្បែរគ្នា គាត់តែងតែខល និងផ្ញើសារទៅអ្នកជាញឹកញាប់ ដើម្បីចង់ឹងពីសុខទុក្ខ តាំងពីទៅរហូតដល់មកវិញ៕

ចុចអាន៖ចង់បាននារីមានមហិច្ឆតាធំធ្វើជាភរិយា បុរសគួរមាន ៨ ចំណុចនេះក្នុងខ្លួនសិន

ប្រភព៖ womansbeautyextra ប្រែសម្រួល៖ ទ្រី រ៉ាវី