ចង់បាននារីមានមហិច្ឆតាធំធ្វើជាភរិយា បុរសគួរមាន ៨ ចំណុចនេះក្នុងខ្លួនសិន

2018-04-19 10:30:00
ចំនួនមតិ 0 | ចំនួនចែករំលែក 0

មនុស្សស្រីដែលមានមហិច្ឆតាធំ តែងតែមានគោលដៅច្បាស់លាស់នៅក្នុងជីវិត។ ពួកគេព្យាយាមធ្វើអ្វីៗគ្រប់យ៉ាង មិនថាលំបាកយ៉ាងណាក៏ដោយ មិនព្រមចុះចាញ់ដាច់ខាត ដើម្បីសម្រេចនូវបំណងខ្លួនចង់បាន។ ទោះបីជានៅក្នុងទំនាក់ទំនងស្នេហាក្តី នារីបែបនេះក៏មិនងាយនឹងលង់ស្រលាញ់បុរសណាផ្ដេសផ្ដាសឡើយ។ យ៉ាងណាមិញ ទោះបីមានបេះដូងរឹងដូចដែកប៉ុណ្ណាក៏ដោយ នាងក៏អាចនឹងបាក់ចិត្តមិនខាន បើនបានជួប បុរសមានលក្ខណៈសម្បត្តិ ៨ ចំណុចដូចខាងក្រោមនេះ ៖

១. ចេះជួយគាំទ្រលើកទឹកចិត្ត

ត្រូវហើយប្តីប្រពន្ធណាក៏ត្រូវការ ការលើកទឹកចិត្តគ្នាដែរ ប៉ុន្តែបើប្រពន្ធជាស្រ្តីមានមហិច្ឆតាខ្ពស់ វាជារឿងចាំបាច់ដាច់ខាត ដែលស្វាមីត្រូវជួយគាំទ្រគំនិត លើកទឹកចិត្ត ជានិច្ច ដើម្បីឲ្យនាងជោគជ័យ ក្នុងកិច្ចការដែលនាងចង់បាន។

រូបតំណាង

**២. មានមហិច្ឆតាមិនចាញ់នាង**

បើនាងរៀបការជាមួយបុរស ដែលគ្មានមហិច្ឆតាធំជាង ឬស្មើនាង ទំនាក់ទំនងស្នេហាច្បាស់ជាមានភាព ល្អក់កករ ព្រោះនាងមិនចង់រស់នៅជាមួយមនុស្សបែបនេះទេ។ មនុស្សស្រីមានមហិច្ឆតាធំ គិតថាវានឹងគ្មានការរីកចម្រើនអភិវឌ្ឍទៅមុខ បើបានប្ដីគ្មានមហិច្ឆតា។

៣. ឆ្លាត

ជាធម្មតានារីមានមហិច្ឆតាខ្ពស់ គឺជាមនុស្សឆ្លាត ចេះគិតគូរវែងឆ្ងាយ ហើយនាងក៏លង់ស្រលាញ់តែបុរសណាដែលមានប្រាជ្ញា ប្រហាក់ប្រហែលនាង ឬយ៉ាងហោចណាស់ជាមនុស្សចូលចិត្តការសិក្សារៀនសូត្រ។

៤. អាចឲ្យនាងនៅតែមានភាពឯករាជ្យ

នាងត្រូវការពេលវេលាច្រើន សម្រាប់កិច្ចការផ្ទាល់ខ្លួន ម្ល៉ោះហើយនាងចង់មានស្វាមី ដែលចេះយោគយល់ និងទុកពេលឲ្យគ្នាទៅវិញទៅមក។

៥. មានការគិត និងចំណង់ចំណូលចិត្តស្រដៀងគ្នា

ថ្វីត្បិតតែនាងផ្តោតសំខាន់ទៅលើគម្រោងនានា នៅក្នុងជីវិតខ្លាំងយ៉ាងណាក៏ដោយ តែស្រ្តីប្រភេទនេះនៅតែត្រូវការបុរសដែលមានចំណង់ចំណូលចិត្តស្រដៀងគ្នា ទើបរស់នៅជាមួយគ្នាមានសុភមង្គល។

រូបតំណាង

៦. មានទំនុកចិត្តលើខ្លួនឯង

នាងចង់បានស្វាមី ដែលមានជំនឿចិត្តលើខ្លួនឯង ក្នុងការធ្វើអ្វីមួយ ហើយចេះសម្រេចចិត្តជ្រើសផ្លូវដើរដ៏ត្រឹមត្រូវ សម្រាប់ខ្លួនឯងដោយពុំមានភាពភ័យខ្លាច និងស្ទាក់ស្ទើរ។

៧. មានការប្រកួតប្រជែង

អ្នកមានមហិច្ឆតាខ្ពស់ គិតថាសម័យនេះហើយ ប្រាកដជាមានមនុស្សដែលមានសមត្ថភាពច្រើនណាស់ ដូច្នោះស្វាមីនាងក៏ត្រូវតែស្ថិតក្នុងការប្រកួតប្រជែងនោះដែរ មិនមែនយឺតយ៉ាវធ្វើអីមិនចេញនោះទេ។

៨. ជាមិត្តដ៏ល្អ

ក្រៅពីមានតួនាទីជាស្វាមីហើយ បុរសម្នាក់នោះអាចធ្វើជាមិត្តដ៏ល្អរបស់នាង ចេះចំណាយពេលឲ្យសប្បាយពេលនៅជាមួយគ្នា ស្មោះត្រង់ ចែករំលែកសុខទុក្ខ និងប្រឹក្សាយោបល់ជាមួយគ្នាជានិច្ច៕