ធ្វើជាមនុស្សម្នាក់នឹងគេដែរ មិនគួររំពឹងរឿងទាំងនេះពីអ្នកដទៃសោះ!

2018-04-19 02:07:00
ចំនួនមតិ 0 | ចំនួនចែករំលែក 0

ប្រភពដ៏ធំបំផុតនៃការរងទុក្ខវេទនារបស់មនុស្ស គឺការរំពឹងច្រើនពេកលើអ្នកដទៃ ដែលនេះជា។ ការរំពឹងលើមិត្តភ័ក្ដិ និងក្រុមគ្រួសារ គ្រាន់តែជាការស្នើសុំពីជួយហើយនៅពេលពួកគេមិនអាចបំពេញតាមចិត្តអ្នកបាន ការខកចិត្តក៏មនធំធេងណាស់ដែរ។

១.កុំរំពឹងថា មនុស្សរាល់គ្នាយល់ស្របតាមគំនិតអ្នកគ្រប់ពេលឲ្យសោះ ព្រោះការគិតរបស់មនុស្សម្នាក់ៗមានភាពខុសប្លែកពីគ្នា។ អ្នកគិតថាត្រូវ អ្នកដទៃមិនប្រាកដថាគិតឃើញបែបនោះដែរទេ។

២.ឈប់រំពឹងថា ពួកគេនឹងល្អឥតខ្ចោះ ព្រោះនៅលើលោកនេះគ្មានឡើយអ្នកដែលល្អឥតខ្ចោះរួមទាំងអ្នកផងដែរ។ ព្យាយាមពេញចិត្តនឹងអ្វីល្អបំផុតដែលពួកគេអាចធ្វើបាន ព្រោះគ្រប់គ្នាមានកម្រិតផ្ទាល់ខ្លួន។

៣.កុំគិតថានឹងមានអ្នកដទៃមកជួយ ពេលអ្នកបរាជ័យ។ ពេលជួបបញ្ហាបែបនេះ មានតែអ្នកខ្លួនឯងប៉ុណ្ណោះដែលអាចជួយខ្លួនឯងបាន អ្នកដទៃបានត្រឹមឈរមើល ឬឈរសើចចំអកដាក់អ្នកតែលើសដើម។

៤.មិនត្រូវរំពឹងថា អ្នកដទៃយល់ពីអ្នកសព្វគ្រប់ឡើយ កុំខ្ជះខ្ជាយពេលវេលា ដើម្បីពន្យល់ខ្លួនឯងថាអ្នកជិតខ្លួនគួរតែយល់ពីខ្លួនអ្នកហើយ ព្រោះនៅជិតស្និទ្ធគ្នាខ្លាំង។ តែនោះជាការចំណាយពេលឥតន័យ អ្នកគួរតែប្រាប់ខ្លួនឯងថា គឺមានតែអ្នកទើបយល់ពីខ្លួនឯង។

៥.មិនត្រូវគិតថា អ្នកដទៃអាចជួយអ្នកបាន ដូចដែលអ្នកធ្លាប់ជួយគេទេ។ ព្រោះស្ថានភាពខុសគ្នា ហើយកម្រិតនៃការស្វែងយល់ក៏មិនដូចគ្នាទៀត។

៦.ឈប់រំពឹងថា អ្នកក្រៅនឹងផ្លាស់ប្ដូរអាកប្បកិរិយារបស់ពួកគេ ឲ្យដូចអ្នក។ មនុស្សម្នាក់ៗមានអត្តចរិតផ្សេងគ្នា ហើយការបង្ហាញអាកប្បកិរិយារបស់ពួកគេក៏មិនដូចគ្នាដែរ ដូចនេះពេលអ្នកមិនពេញចិត្ត និងប្រាប់ឲ្យគេប្ដូរ ជារឿងមិនអាចទៅរួច។

៧.កុំគិតឲ្យសោះថា អ្នកផ្សេងចូលចិត្តដូចអ្នក។ បើអ្នកយល់ឃើញថាអាហារមួយ មានរសជាតិឆ្ងាញ់ ហើយអ្នកយកទៅឲ្យមិត្តភ័ក្ដិ ឬក្រុមគ្រួសារសាក ហើយគេថាមិនឆ្ងាញ់ សូមកុំខឹងគេ ព្រោះចំណង់ចំណូលចិត្តមនុស្សមានផ្សេងគ្នា៕

ចុចអាន៖ស្ត្រីគ្រប់រូបគួរតែដឹងអំពីច្បាប់វិន័យទាំងនេះ ទើបជួយឲ្យជីវិតរឹតតែងាយស្រួល

ប្រភព៖ womansbeautyextra ប្រែសម្រួល៖ ទ្រី រ៉ាវី