៤ វិធីធ្វើឲ្យឪពុកម្ដាយទុកចិត្ត ហើយបណ្ដោយឲ្យធ្វើអ្វីដែលអ្នកចង់ធ្វើ

2018-04-19 07:00:00
ចំនួនមតិ 0 | ចំនួនចែករំលែក 0

របៀបនៃការប្រៀនប្រដៅកូនគឺខុសៗគ្នា ដោយពេលខ្លះមានបែបបទតឹងរឹង ឬធូរស្រាលតាមវិន័យគ្រួសារដែលធ្លាប់អនុវត្តន៍។ តែការប្រៀនប្រដៅនោះក្នុងលក្ខណតែមួយគឺចង់ឲ្យកូនបានល្អ។ ម្ដាយឪពុកខ្លះ មិនសូវចេះពិភាក្សាជាមួយកូនឡើយ ហើយពួកគាត់តែងតែបដិសេធនូវសំណើរបស់កូនៗក្រោមមូលហេតុអវិជ្ជមានផ្សេងៗ។ សំណើខ្លះគាត់អាចមើលឃើញហានិភ័យទើបធ្វើការជំទាស់ ដែលធ្វើឲ្យកូនអាក់អនចិត្ត។ ប៉ុន្តែវិធីសាស្ត្រ ៤ យ៉ាងនេះអាចបន្ទន់ចិត្តលោកទាំងពីរឲ្យយល់ព្រមសំណើរបស់អ្នកបាន៖

១. សន្សំទំនុកចិត្តដោយមិនកុហក

ទំនុកចិត្តត្រូវការពេលវេលា ដូច្នេះត្រូវសន្សំដោយប្រើរយៈពេលយូរ។ អ្វីដែលធ្វើឲ្យឪពុកម្ដាយទុកចិត្តនោះគឺការមិននិយាយកុហក។ មិនថារឿងតូចឬធំនោះទេ គួរតែនិយាយការពិតជៀសវាងការកុហកដែលពេលគាត់ចាប់បាន លែងមានទំនុកចិត្តលើយើង។

រូបតំណាង

**២. មិនត្រូវបញ្ចេញឥរិយាបថធ្វេសប្រហែស**

ឪពុកម្ដាយនឹងវាយតម្លៃតាមឥរិយាបថរបស់អ្នក ដូច្នេះហើយនៅមុខគាត់ត្រូវប្រុងប្រយ័ត្ន មិនត្រូវធ្វេសប្រហែសឲ្យមានកំហុសឆ្គងឡើយ។ តួយ៉ាងដូចជា ទៅក្រៅភ្លេចបិទហ្គាស ភ្លេចចាក់សោ ថយឡានបុកនេះនោះជាដើម។ កំហុសឆ្គងតិចតួចនេះ ធ្វើឲ្យគាត់វាយតម្លៃបានថា អ្នកនៅមិនទាន់មានម្ចាស់ការលើខ្លួនឯងទេ ដូច្នេះគាត់នឹងមិនបណ្ដោយឲ្យធ្វើអ្វីតាមចិត្តទេ។

រូបតំណាង

៣. មានគោលការណ៍ច្បាស់

នៅពេលដាក់សំណើសុំអ្វីមួយពីឪពុកម្ដាយ អ្នកគួរតែដឹងព័ត៌មានលំអិត មានហេតុផល និងគោលការណ៍ច្បាស់លាស់ ដើម្បីឲ្យលោកជឿជាក់។ ឧទាហរណ៍ដូចជាពេលចង់សុំដើរលេងកម្សាន្ត អ្នកទៅប៉ុន្មានថ្ងៃ ទៅជាមួយអ្នកណា ហើយពួកគាត់អាចទាក់ទងទៅអ្នកវិញតាមរបៀបណា និងគោលបំណងនៃដំណើរកម្សាន្តនោះគឺអ្វីជាដើម។

៤. ចេះយកចិត្តពេលសុំអ្វីមួយ

ចង់ឲ្យឪពុកម្ដាយព្រមព្រៀងនឹងសំណើអ្នកដោយងាយស្រួល អ្នកត្រូវដឹងថា តើអ្វីដែលជាចំណុចខ្លាំងរបស់អ្នក។ ឧទាហរណ៍ឪពុកម្ដាយខ្លះតឹងតែង តែនៅពេលកូនរំអុកសុំខ្លាំងពេក ពួកគាត់ច្បាស់ជាបោះពាក្យសម្ដីដែលធ្វើឲ្យកូនបាត់មាត់ដូចជា បើចង់ធ្វើអ្វីមួយ ត្រូវប្រើលុយខ្លួនឯងជាដើម។ ដូចនេះបើអ្នកចិត្តសឿងត្រូវមានលុយសាគួរតាមខ្លួន ឬបើគ្មានទេ សាកល្បងយកចិត្តថ្លើម ដោយធ្វើអ្វីដែលគាត់ចង់ឲ្យយើងធ្វើជាដើម៕