សំណួរ ៤ដែលអ្នកមិនគួរសួរទៅកាន់មិត្តប្រុស

2018-04-11 06:42:22
ចំនួនមតិ 0 | ចំនួនចែករំលែក 0

១. តើអ្នកកំពុងគិតអីឥលូវហ្នឹង?

ជាធម្មតានារីគ្រប់គ្នាតែងតែសួរសំណួរនេះទៅកាន់មិត្តប្រុស ប៉ុន្តែអ្នកមិនបានដឹងទេថាការគិតរបស់មនុស្សប្រុសគឺមិនដូចជាមនុស្សស្រីនោះទេ។ គាត់កម្រគិតពីផែនការប្រចាំថ្ងៃ ឬអង្គុយវិភាគថាថ្ងៃនេះបានធ្វើអីខ្លះ ព្រោះគេគិតថាជារឿងអត់ប្រយោជន៍។ ភាគច្រើនគេតែងតែចំណាយពេលឱ្យខ្លួនឯងជាជាងអង្គុយវិភាគសំណួរអស់ទាំងនេះ ជាពិសេសមនុស្សប្រុសមួយចំនួនមិនចង់ឱ្យគេដឹងថាខ្លួនគិតអ្វីទេ។ ហេតុនេះហើយ អ្នកមិនគួរសួរសំណួរបែបនេះ អ្នកគួរតែទុកពេលវេលាខ្លះឱ្យគាត់។

២. តើអ្នកនឹងស្រលាញ់ខ្ញុំទេ ប្រសិនបើខ្ញុំខ្វាក់ ពិការ ឬអាក្រក់ជាងនេះ?

អ្នកសួរសំណួរទាំងនេះប្រហែលចង់ឱ្យ សង្សាររបស់អ្នកឆ្លើយចម្លើយដែលអ្នកចង់បាន ដូចជា‌"បងនឹងស្រលាញ់អូនទោះបីជាយ៉ាងណាក៏ដោយ"។ល។ តែចម្លើយអស់ទាំងនេះ គួរតែចាំមិត្តប្រុសរបស់អ្នកនិយាយ និងបង្ហាញឱ្យដឹងទើបជាការល្អ។ទំនាក់ទំនងរបស់អ្នកទាំងពីរអាចនឹងមានមានបញ្ហាក៏ព្រោះតែអ្នកចង់ឱ្យគាត់ឆ្លើយចម្លើយដែលអ្នកចង់បាន ហើយគាត់មិនចង់និយាយពីរឿងនេះ។

៣. តើអ្នកកំពុងតែក្បត់ខ្ញុំមែនទេ?

នេះជាសំណួរទូទៅដែលអ្នកមិនគួរសួរទៅមិត្តប្រុសទេ ដោយសារតែហេតុផល២យ៉ាង៖

១. ប្រសិនបើមិត្តប្រុសរបស់អ្នកស្មោះនិងអ្នក គាត់ប្រាកដជាខឹងខ្លាំង ក៏ព្រោះតែសំណួរនេះ ប៉ះពាល់ដល់អារម្មណ៍គាត់ និងមើលងាយចិត្តស្មោះរបស់គាត់។
២. ប្រសិនបើគាត់កំពុងតែក្បត់អ្នក តើអ្នកគិតថាគាត់នឹងប្រាប់អ្នកដែរឬទេ? ច្បាស់ណាស់ថាប្រាកដជាអត់។

ដូច្នេះហើយការដែលសួរសំណួរនេះគឺអត់មានចំណេញអ្វីនោះទេ។ អ្នកគួរតែតាមដាន និងសង្កេតមើលគាត់វិញល្អជាង។

៤. រវាងខ្ញុំនិងសង្សារចាស់ តើអ្នកស្រលាញ់មួយណាជាង?

សំណួរនេះក៏ដូចជាសំណួរមុនដែរ អ្នកប្រាកដជាចង់ឱ្យគាត់ឆ្លើយថាស្រលាញ់អ្នកជាង។ ប៉ុន្តែពេលខ្លះការស្រលាញ់ពិបាកនិងប្រៀបធៀបណាស់ ម៉្យាងវិញទៀតគាត់ក៏មិនអាចប្រាប់អ្នកតាមត្រង់ដែរ បើសិនជាគាត់ស្រលាញ់អ្នកចាស់ជាង។ សំណួរនេះអាចធ្វើឱ្យគាត់គិតដល់រឿងចាស់ ហើយអារម្មណ៍មិនល្អ ៕

ចុចអាន៖

ប្រភព៖ blackloveadvice ប្រែសម្រួល៖ តាន់ ច័ន្ទលក្ខិណា