មនុស្សរឹងមាំមិននិយាយពាក្យ «សុំទោស» ក្នុងកាលៈទេសៈទាំងនេះដាច់ខាត

2018-04-16 01:00:00
ចំនួនមតិ 0 | ចំនួនចែករំលែក 0

ពាក្យ «សុំទោស» និយាយបានសម្រាប់តែពេលធ្វើខុសតែប៉ុណ្ណោះ។ ដូចនេះបើមិនបានប្រព្រឹត្តអ្វីមិនគប្បី សម្ដីបែបនេះមិនគួរប្រើឡើយ។ ដូចនេះបើអ្នកជាមនុស្សរឹងមាំ មិនគួរនិយាយពាក្យនេះ ក្នុងកាលៈទេសៈទាំង ៩ ខាងក្រោម៖

១.ការបង្កើតអ្វីដោយខ្លួនឯង ដែលមានសារសំខាន់បំផុតក្នុងជីវិតរបស់អ្នក៖ ហេតុអ្វីអ្នកត្រូវនិយាយសម្ដីបែបនេះទៅកាន់អ្នកដទៃ ដែលមិនអាចជួយឲ្យជីវិតអ្នកប្រសើរផងនោះ។ អ្នកធ្វើវាជាសិទ្ធរបស់អ្នក កុំឲ្យតែប៉ះពាល់ទៅអ្នកផ្សេងទៅ គឺមិនខុសទេ។

២.ធ្វើតាមក្ដីស្រមៃរបស់អ្នក៖ គ្រាន់តែបំពេញបំណងខ្លួនឯង តើខុសដែរឬយ៉ាងណា? អ្នកផ្សេងទៀតប្រហែលចាត់ទុកសុបិនរបស់អ្នកគ្មានតម្លៃ តែខ្លួនឯងត្រូវធ្វើអ្វីតាមចិត្តខ្លួនចង់ នេះជាការរកឃើញសុភមង្គលពិតប្រាកដ។ ដូចនេះមិនចាំបាច់ទៅ សុំទោស នរណាឡើយ។

៣.ក្ដោបពេលវេលាសម្រាប់ខ្លួនឯង៖ ផែនដីវិលលឿនណាស់ ដូចនេះអ្វីដែលជាការមានប្រយោជន៍សម្រាប់ខ្លួនឯង គួរតែក្ដោបពេលឲ្យជាប់កុំឲ្យបាត់បង់។ អ្នកដទៃមិនចាប់យកជារឿងរបស់គេ តែអ្នកជារឿងផ្សេង។

៤.ការបង្ហាញពីអារម្មណ៍៖ មានអារម្មណ៍ល្អជាមួយនរណាក៏បង្ហាញទៅ ព្រោះវានឹងធ្វើឲ្យអ្នកស្ងប់ចិត្ត ហើយក៏មិនបានខុសឆ្គងអ្វីដែរ។

៥.របៀបដែលអ្នករកលុយបាន៖ ដរាបណាអ្នកមានអារម្មណ៍ពេញចិត្តចំពោះការងាររបស់អ្នកចូរកុំនិយាយថា "ខ្ញុំសុំទោស" ទៅកាន់អ្នកមិនបានទទួលវា ព្រោះគេមិនចេះសង្វាតរកដោយខ្លួនគេ។

៦.មានឆន្ទៈ៖ វាមិនបានខុសលើនរណាឡើយ ពេលអ្នកមានឆន្ទៈក្នុងការធ្វើអ្វីមួយ ដូចនេះបន្តឆន្ទៈរបស់អ្នកទៅមុខទៀតចុះ។

៧.ការតស៊ូដើម្បីជីវិតកាន់តែប្រសើរ៖ ប្រសិនបើអ្នកចង់មានជីវិតល្អប្រសើរដោយការទៅលួច ឆក់ ប្លន់គេ ទើបជារឿងខុស។ តែបើអ្នកគ្រាន់តែតស៊ូធ្វើសព្វគ្រប់បែបយ៉ាងដោយអំពើសុចរិត វាមិនខុសនោះទេ។

៨.ប្រកួតប្រជែងជាមួយអ្នកដទៃ៖ មិនមែនជាកំហុសនោះទេ គ្រាន់តែការប្រកួតប្រជែងក្នុងជីវិតមនុស្សម្នាក់ៗ។ ព្រោះវាអាចជួយឲ្យអ្នករីកចម្រើនទៅមុខ ហើយជីវិតមនុស្សម្នាក់ៗត្រូវតែធ្វើរឿងនេះគ្រប់គ្នា ទើបទៅដល់គោលដៅ។

៩.ទស្សនៈរបស់អ្នក៖ អ្នកនៅតែអាចគោរពនរណាម្នាក់ដោយ មិននិយាយឃ្លានេះ នៅពេលអ្នកបញ្ចេញមតិប្រឆាំង។ ព្រោះនោះជាការយល់ឃើញរបស់អ្នក ហើយមនុស្សម្នាក់ៗតែងតែមានការគិតខុសប្លែកពីគ្នា៕

ចុចអាន៖មុននិយាយថាខ្លួនជានារីចាស់ទុំ គួរមើលចំណុចទាំងនេះសិនទៅ

ប្រភព៖ womansbeautyextra ប្រែសម្រួល៖ ទ្រី រ៉ាវី