ប្រយោជន៍ ៥យ៉ាងបន្ថែមពីការប្រើប្រាស់ធ្យូងក្នុងផ្ទះ
- 2018-04-03 04:28:11
- ចំនួនមតិ 0 | ចំនួនចែករំលែក 0
ប្រយោជន៍ ៥យ៉ាងបន្ថែមពីការប្រើប្រាស់ធ្យូងក្នុងផ្ទះ
កាលពីមុន យើងឃើញគេនិយមប្រើធ្យូងក្នុងការចម្អិនម្ហូបណាស់ តែដោយសារបច្ចុប្បន្នបច្ចេកវិទ្យាជឿនលឿន គេប្តូរមកប្រើចង្ក្រានអគ្គិសនីទំនើបៗដែលមានភាពងាយស្រួល ជំនួសវិញ។ យ៉ាងណាក៏ដោយ ធ្យូងនៅតែអាចផ្តល់អត្ថប្រយោជន៍ផ្សេងទៀតសម្រាប់ការប្រើប្រាស់នៅក្នុងផ្ទះបានដដែល ដូចជា៖
១. បំបាត់ក្លិន
វាជួយបំបាត់ក្លិនអាក្រក់ពីធុងសំរាម ទូរទឹកកក បន្ទប់ទឹក និងក្លិនផ្សែងបារី ដោយគ្រាន់តែដាក់ដុំធ្យូងតូចៗទៅក្នុងនោះ។
**២. ប៉ះប៉ូវគ្រឿងសង្ហារិម និងជញ្ជាំង**
ប្រសិនបើក្នុងផ្ទះមានគ្រឿងសង្ហារិម ឬជញ្ជាំងដែលមានពណ៌ខ្មៅដិត អ្នកអាចយកធ្យូងទៅប៉ះប៉ូវត្រង់កន្លែងដែលខូចខាតបាន ឧទាហរណ៍ដូចជាជញ្ជាំងមានស្នាមប្រហោង ឬប្រេះ ជាដើម។
៣. ធ្វើឲ្យផ្កាស្រស់បានយូរ
ជាធម្មតានៅតាមផ្ទះមួយចំនួន ប្រាកដជាមានតុបតែងផ្កាស្រស់ក្នុងថូដើម្បីសោភ័ណភាព។ ដូចនេះបើចង់ឲ្យផ្កាក្នុងថូនៅស្រស់បានយូរ អ្នកអាចដាក់ធ្យូង ១ទៅ ២ដុំក្នុងថូដែលមានទឹកស្អាតនោះ។
៤. ផ្តល់ជីជាតិដល់ដីដាំដុះ
សម្រាប់អ្នកដែលចង់ឲ្យរុក្ខជាតិក្នុងផើងតាមផ្ទះ លូតលាស់បានល្អអាចសាកល្បងវិធីនេះបាន ដោយយកធ្យូងដាក់ក្នុងផើងរុក្ខជាតិដែលត្រូវដាំ។ វាជួយរក្សាសំណើមដី និងធ្វើឲ្យឲ្យដីមានជីជាតិ៕
ចុចអាន៖ខោអាវប្រឡាក់ច្រែះ មានវិធីអីកម្ចាត់ចេញបាន?