សេដ្ឋកិច្ចគ្រួសារកាន់តែកើនឡើង ភរិយាគប្បីមាន ៥ ចំណុចនេះ

2018-04-03 03:00:00
ចំនួនមតិ 0 | ចំនួនចែករំលែក 0

គ្រួសារមួយដែលមានភាពរីកចម្រើនទៅបាន គឺអាស្រ័យលើភរិយាច្រើនជាងស្វាមី។ ដូចនេះបើចង់ឲ្យសេដ្ឋកិច្ចគ្រួសារកាន់តែកើនឡើងពីមួយថ្ងៃទៅមួយថ្ងៃ ភរិយាគួរតែមានចំណុចទាំងនេះ៖

១.ខ្លួនឯងមានជំនាញជាក់លាក់

សេដ្ឋកិច្ចគ្រួសារអាចទៅមុខបានលឿន គឺអាស្រ័យលើប្ដីជាអ្នករ៉ាប់រងច្រើន តែបើភរិយាមានមុខរបរ ឬការងារធ្វើបន្ទាប់បន្សំ នោះគ្រួសារកាន់តែរីកចម្រើន។ កាលណាអ្នកទាំងពីរមានស្រុះដៃគ្នាក្នុងការប្រកបកិច្ចការងារ នោះចំណូលក៏កាន់តែច្រើន។

២.ចេះសន្សំសំចៃ

បើទោះជាគ្មានការងារខាងក្រៅផ្ទះ តែអ្នកគួរតែជាស្ត្រីមេផ្ទះដែលចេះទុកដាក់ ចាត់ចែងប្រាក់កាស ប្ដីរកបាន សម្រាប់សន្សំសំចៃ។ ព្រោះបើអ្នកគ្មានការងារធ្វើហើយ ចាយវាយខ្ជះខ្ជាយទៀតនោះ គ្រួសារកាន់តែដុនដាបទៅៗ។

៣.មានគំនិតច្នៃប្រឌិត

មនុស្សស្រីដែលមានគំនិតចេះច្នៃប្រឌិតរបស់របស់របរផ្សេងៗសម្រាប់ទុកប្រើប្រាស់ក្នុងផ្ទះ ដោយមិនចាំបាច់ទិញគេ ពិតជាស្ត្រីដ៏គំរូដូចជាចេះកាត់ដេរតិចតួចខ្លួនឯង ចេះធ្វើ DYI សម្ភារៈផ្ទះបាយ បន្ទប់ទទួលភ្ញៀវ កែច្នៃសួនច្បារ...។ ព្រោះអាចជួយរិះថាំលុយដែលប្ដីរកបាន ទុកចំណាយពេលមានរវល់ធំដុំ។

៤.គិតគូរពីសុខភាព

បើមានប្រពន្ធជាមនុស្សរស់នៅស្អាត ហូបស្អាត ផឹកស្អាត សុខភាពគ្រួសារក៏នឹងល្អជានិច្ច កូនចៅមិនឈឺថ្កាត់ច្រើន ហើយមិនចាំបាច់អស់លុយលើថ្លៃព្យាបាលដោយថ្នាំឥតប្រយោជន៍ឡើយ។

៥.មានឆន្ទៈជួយសម្រាលការលំបាកប្ដី

ស្រ្តីមើលឃើញពីភាពចាំបាច់រាល់ថ្ងៃ ដែលជីវិតត្រូវការ ពិតជាជួយឲ្យស្ថានភាពគ្រួសាររីកចម្រើនបាន។ ទោះនៅតែផ្ទះ មិនមានការងារខាងក្រៅ តែចេះរៀបចំដាំបន្លែ ដើម្បីសម្រួលដល់ការចំណាយថ្លៃម្ហូបអាហារ ពិតជាមេផ្ទះដ៏វិសេសវិសាលមែន៕