មិន​ចង់​ស្លាប់​មុន​អាយុ ត្រូវ​​អនុវត្ត​ទម្លាប់​ល្អៗ​​​​​ទាំង​នេះ​ដើម្បី​អាយុ​វែង រស់​​បាន​យូរ

  • 2018-04-03 01:00:00
  • ចំនួនមតិ 0 | ចំនួនចែករំលែក 0

មនុស្ស​យើង​កើត​មក​​មាន​ជីវិត​តែ​មួយ ត្រូវ​​ចេះ​ឲ្យ​តម្លៃ​និង​គ្រប់​គ្រង​​ជីវិត​ខ្លួន​​ឯង​ឲ្យ​បាន​ល្អ​​ប្រសើរ រស់​នៅ​ប្រកប​ដោយ​សុខុមាលភាព​ ដើម្បី​ថែរក្សា​ជីវិត​មួយ​នេះ​ឲ្យ​​បាន​យូរ​អង្វែង។ ដូច្នេះ​អ្នក​ត្រូវ​ផ្លាស់ប្ដូរ​​ទម្លាប់​អាក្រក់​ចេញ​​ ហើយ​​​ព្យាយាម​អនុវត្ត​ទម្លាប់​ល្អ​ៗ​ប្រចាំ​ថ្ងៃ​ដូច​ជា៖

​១. កុំ​បរិភោគ​ហួស​ប្រមាណ

បើ​អ្នក​ចង់​រស់​បាន​យូរ កុំ​ញុំាំ​ច្រើន​ពេក។ អ្នក​គួរ​មាន​បរិមាណ​មួយ​ដែល​​សម​ល្មម ព្រោះ​តាម​ការ​ស្រាវជ្រាវ​ពី​​ជនជាតិ​ជប៉ុន​ម្នាក់​ដែល​មាន​អាយុ​វែង​ជាង​គេ​ គឺ​គាត់​មិន​បរិភោគ​​រហូត​ដល់​ហល់​ពេញ​ពោះ​ពេក​នោះ​ទេ​ ត្រឹម​តែ​៨០%បាន​ហើយ។

​២. កុំ​មើល​ទូរទស្សន៍​ច្រើន​ពេក

វា​ធ្វើ​ឲ្យ​ប៉ះ​ពាល់​ដល់​សុខភាព​ច្រើន​ណាស់ ប្រសិន​បើ​អ្នក​មើល​ទូរទស្សន៍​លើស​ពី​៤​ម៉ោង​ក្នុង​មួយ​ថ្ងៃ។

​៣. មិន​ត្រូវ​នៅ​ក្រោម​កម្តៅ​ថ្ងៃ​យូរ​ពេក​ទេ

កម្តៅ​ព្រះ​អាទិត្យ​មិន​មែន​ត្រឹម​តែ​ធ្វើ​ឲ្យ​ស្បែក​ស្រអាប់ មាន​ស្នាម​អុជ​ខ្មៅ​និង​ភាព​ជ្រីវ​ជ្រួញ​ប៉ុណ្ណោះ​ទេ​វា​ថែម​ទាំង​អាច​បង្ក​​មហារីក​​ដល់​​ស្បែក​ទៀត​ផង។ ដូច្នេះ​មុន​ចេញ​ទៅ​ខាង​ក្រៅ​អ្នក​គួរ​តែ​ ជ្រើសរើស​​ឡេ​ការពារ​កម្តៅ​ថ្ងៃ​ណា​ដែល​មាន SPF 30 ឡើង​ទៅ មក​លាប​នៅ​លើ​ស្បែក។ ​​​​​​​​

​៤. មាន​គ្នា​ជជែក​លេង

តាម​ការ​ស្រាវ​ជ្រាវ​បាន​បង្ហាញ​ឲ្យ​ឃើញ​ថា អ្នក​ដែល​មិន​សូវ​មាន​មិត្តភ័ក្ដិ និង​ទំនាក់​ទំនង​ល្អ​នៅ​ក្នុង​គ្រួសារ​ អាច​ប្រឈម​នឹង​ជំងឺ​បេះដូង។ ជា​ពិសេស​ចំពោះ​មនុស្ស​ចាស់​ដែល​មាន​ ភាព​​ឯកា​អផ្សុក​​ ធ្វើ​ឲ្យ​ប៉ះ​ពាល់​ដល់​សុខភាព​យ៉ាង​ខ្លាំង។

​៥. ញុំាំ​បន្លែ​ផ្លែឈើ​ឲ្យ​បាន​ច្រើន

​ជាតិ​ហ្វាយបឺរ​និង​វីតាមីន​នៅ​ក្នុង​បន្លែ​និង​ផ្លែឈើ អាច​ជួយ​កាត់​បន្ថយ​ជំងឺ​បេះ​ដូង​បាន​ដល់​ទៅ ៧៦% ព្រម​ទាំង​អាច​ជួយ​កាត់​បន្ថយ​នូវ​ជំងឺ​មហារីក​ដោះ​ផង​ដែរ។ ប៉ុន្តែ​គួរ​​ព្យាយាម​ជ្រើសរើស​បន្លែ​ដែល​គ្មាន​គីមី។

​៦. ហាត់ប្រាណ

​អ្នក​ខ្លះ​គ្រាន់​តែ​លឺ​ក៏​ខ្ជិល​បាត់​ទៅ​ហើយ ប៉ុន្តែ​អ្នក​ត្រូវ​តែ​ព្យាយាម​បន្តិច​ម្តងៗ​ជា​រៀង​រាល់​ថ្ងៃដើម្បី​សុខភាព​ល្អ ទាំង​ផ្លូវ​ចិត្ត​និង​ផ្លូវ​កាយ។

​៧. មិន​​ជក់​បារី

​មិន​ហួស​ពេល​ទេ​​ ទោះ​បី​អ្នក​ជា​មនុស្ស​ញៀន​បារី​ប៉ុណ្ណា​​ក៏​ដោយ អ្នក​ត្រូវ​តែ​បញ្ឈប់​វា​ភ្លាម​ទៅ ព្រោះ​បារី​អាច​ឲ្យ​អ្នក​មាន​ជំងឺ​មហារីក​សួត និង​អាយុ​ខ្លី។ ​

​៨.​ កុំ​កើត​ទុក​ច្រើន​ពេក

ការ​កើត​ទុក​ខ្វល់ខ្វាយ​ច្រើន​ពេក មាន​ផល​ប៉ះ​ពាល់​ដល់​សុខភាព​ជាង​អ្នក​ជក់​បារី​ទៅ​ទៀត។ ដូច្នេះ​មាន​ជីវិត​រស់​អ្នក​ត្រូវ​ចេះ​ធ្វើ​​ចិត្ត​​ និង​លំហែ​កាយ​ឲ្យ​មាន​ភាព​​សប្បាយ​រីក​រាយ​ទើប​មាន​ន័យ។

​៩. សម្រាក​ឲ្យ​បាន​គ្រប់​គ្រាន់

ត្រូវ​ចូល​គេង​ឲ្យ​បាន​ទៀង​ម៉ោង​ និង​គេង​ឲ្យ​បាន​យ៉ាង​ហោច​ណាស់​៨​ម៉ោង​ក្នុង​មួយ​ថ្ងៃ ៕

ប្រភព៖ Rd ប្រែសម្រួល៖ YU Ey

អត្ថបទពេញនិយម