ឈុតអាវប៉ាក់ស សំពត់បត់៣ពណ៌នេះស្លៀកទៅវត្តចូលឆ្នាំ ដឹងតែចាស់ៗសរសើរពេញៗមាត់
- 2018-04-02 07:10:27
- ចំនួនមតិ 0 | ចំនួនចែករំលែក 0
ឈុតអាវប៉ាក់ស សំពត់បត់៣ពណ៌នេះស្លៀកទៅវត្តចូលឆ្នាំ ដឹងតែចាស់ៗសរសើរពេញៗមាត់
នៅថ្ងៃបុណ្យចូលឆ្នាំខ្មែរប្រពៃណីជាតិ ប្រជាជនខ្មែរយើងទាំងក្មេងចាស់ប្រុសស្រីនិយមយកចង្ហាន់ទៅវត្តប្រគេនលោកដើម្បីធ្វើបុណ្យឧទ្ទិសកុសល។ ក្នុងនោះដែរ ការស្លៀកពាក់ឲ្យបានសមរម្យជាអ្វីដែលគ្រប់គ្នាត្រូវប្រតិបត្តិ ពេលទៅវត្តធ្វើបុណ្យ។
បច្ចុប្បន្ននេះ គេកម្រឃើញស្រីៗ ជាពិសេសយុវតីស្លៀកឈុតប្រពៃណីអាវប៉ាក់សំពត់បត់ទៅទីវត្តអារាមណាស់ ដោយសារពួកគេយល់ថា ពិបាកស្លៀកពាក់និងធ្វើដំណើរ។ ប៉ុន្តែម៉ូដសម្លៀកបំពាក់ប្រពៃណីទាំងនេះបង្ហាញពីសេចក្ដីថ្លៃថ្នូរ និងឆ្លុះបញ្ចាំងពីវប្បធម៌ទន់ភ្លន់ សុភាពរាបសារបស់នារីខ្មែរ ដែលកូនស្រីគ្រប់រូបគូរថែរក្សានិងអនុវត្ត។
ខាងក្រោមនេះជាម៉ូដអាវប៉ាក់ពណ៌ស គូនឹងសំពត់បត់៣ពណ៌សម្រាប់ទុកមើលជាម៉ូដ និងជាការជំរុញទឹកចិត្តឲ្យស្រីៗស្លៀកពាក់បែបនេះទៅវត្តធ្វើបុណ្យក្នុងឆ្នាំថ្មីនេះទាំងអស់គ្នា។ ឈុតប្រពៃណីនេះមានដូចជា អាវប៉ាក់ មានកន្សែងពានាព័ទ្ធឈៀងមានពណ៌ស៊ីគ្នាជាមួយសំពត់ ចំណែកសំពត់វិញ ខ្លះប្រើក្រណាត់ហូលគោមតូច ធំ ខ្លះទៀតសូត្រពណ៌លាត។
ពណ៌ចុងឈូក
នេះជាពណ៌ស្រគត់ស្រគំ និងមិនរើសសាច់ឡើយ។ មិនថានារីមានសាច់ស ឬស្រអែម មាឌធាត់ស្គម សុទ្ធតែ អាចរើសពណ៌នេះ ព្រោះវានឹងជួយឱ្យអ្នកមើលទៅសុភាព។
ពណ៌ស្វាយ
ពណ៌ដែលគេតែងនិយាយថាជាពណ៌រាយមាយ តែបែរជាជួយលើកសម្រស់នារីឱ្យស្រស់ស្អាតមួយកម្រិត ផ្សំនឹងអាវប៉ាក់ពណ៌សដូចព្រិល សុភាពថ្លៃថ្នូរសម្រាប់ចូលវត្ត។
ពណ៌លឿង*
ទោះបីជាពណ៌លេចជាងគេបន្តិច តែសំពត់ពណ៌លឿង គូនឹងក្រមាពានាពណ៌លឿងដូចគ្នា នឹងជួយឱ្យសម្លៀកបំពាក់នារិខ្មែរមួយឈុតកាន់តែលេចធ្លោ និងស័ក្ដិសមខ្លាំងសម្រាប់នារីដែលមានសាច់ស។ ប៉ុន្តែអ្នកដែលមានសម្បុរស្រអែមក៏នៅតែអាចប្រើបាន តាមចំណង់ចំណូលចិត្ត មិនមានខុសឆ្គងឡើយ។