សាមញ្ញៗ! ជោគជ័យនឹងរត់មករកអ្នក បើចេះហ្វឹកហាត់បែបនេះនៅពេលយប់

2018-03-30 08:04:44
ចំនួនមតិ 0 | ចំនួនចែករំលែក 0

ទម្លាប់គឺសំខាន់ណាស់សម្រាប់មនុស្សជោគជ័យ ព្រោះបើអ្នកគ្មានទម្លាប់ល្អទេ ពេលវេលាមានប្រយោជន៍ជាច្រើននឹងត្រូវខាតបង់។ ខាងក្រោមនេះជាវិធីសាស្ត្រងាយៗ សាមញ្ញៗសម្រាប់ជួយអ្នកឲ្យទទួលបានជោគជ័យ ៖

១. ចំណាយអាន

ចំណាយពេល១ម៉ោងសម្រាប់អាន ព្រោះការអានគឺសំខាន់ណាស់ដើម្បីហ្វឹកហាត់ខួរក្បាលឲ្យមានភាពឆ្លាតវៃ និង មានការគិតខ្លាំង។ ម្យ៉ាងទៀតវាជាទម្លាប់មួយដែលជួយឲ្យមនុស្សទទួលបានជោគជ័យយ៉ាងល្អបំផុតផងដែរ។ អ្នកជោគជ័យច្រើនណាស់ដែលចំណាយពេលជារៀងរាល់ថ្ងៃក្នុងការអាននេះ។

រូបតំណាង

**២. ទុកទូរស័ព្ទមួយឡែក**

មុនពេលចូលគេងមិនគួរលេងទូរស័ព្ទនោះទេ ព្រោះវាប៉ះពាល់ដល់សុខភាព និងនាំឲ្យអ្នកចំណាយពេលឥតប្រយោជន៍ និងខកខានក្នុងការគេងទៀតផង។ បើសិនជាអ្នកគ្មានការងារអីដែលត្រូវប្រើជាមួយទូរស័ព្ទទេ គួរតែកុំកាន់វាលេងអ្វីដែលគ្មានបានការអី គួរយកពេកធ្វើរឿងអីផ្សេងដែលមានសារៈសំខាន់វិញ។

៣. ចំណាយពេលដើរ

ដើរអាចជួយឲ្យខួរក្បាលអញនកធូរស្រាលជាងមុន និងធ្វើឲ្យផ្លូវចិត្តបានស្ងប់ស្ងាត់ផងដែរ។ ការដើរជួយឲ្យយើងធូរស្រាលពីការស្មុគស្មាញ ព្រោះវាបានបង្កើតអ្វីដែលថ្មីៗ និងធ្វើឲ្យយើងគេងលក់ស្រួលបន្ទាប់ពីដើរហើយ។

៤. សមាធិ

ការធ្វើសមាធិនេះ ជួយឲ្យយើងមានអារម្មណ៍ស្ងប់ស្ងាត់បោះចោលនៅរឿងមិនល្អដែលបានកើតឡើង ហើយអាចជួយរក្សាផ្លូវចិត្តរបស់យើងឲ្យមានផាសុកភាពទៀតផង។ សមាធិពិតជាមានប្រសិទ្ធភាពយ៉ាងខ្លាំងក្នុងការជួយជំរុញឲ្យមនុស្សទទួលបានជោគជ័យ ព្រោះវាបានឲ្យពួកគេមានការគិតល្អ ភ្លឺស្វាង មិនធ្វើឲ្យពួកគេគិតខុស ឬរញ៉េរញ៉ៃឡើយ។

រូបតំណាង

៥. ច្នៃប្រឌិត

មិនគួរនៅមួយកន្លែងនោះទេ គួរតែមានទម្លាប់ដើរទៅមុខព្រោះក្នុងការការងារបើអ្នកគ្មានគំនិតច្នៃប្រឌិតទេអ្នកនឹងត្រូវគេផ្ដួលបាន។ ត្រូវតែមានគំនិតថ្មីៗ និងច្នៃប្រឌិតជានិច្ច ព្រោះភាពជោគជ័យត្រូវពឹងលើគំនិតច្នៃប្រឌិតអ្នកបានល្អប៉ុណ្ណា។

៦. មានផែនការសម្រាប់ថ្ងៃថ្មី

គួរចំណាយពេលគិតនិងមានផែនការជាមុនសម្រាប់ថ្ងៃថ្មីមុនចូលគេង។ ដឹងដឹងថាខ្លួនឯងថ្ងៃស្អែកធ្វើអ្វី? រៀបចំអ្វីខ្លះ? ហើយបន្តធ្វើអ្វីខ្លះទៀតសម្រាប់សម្រេចគោលដៅទៅមុខ មិនមែនគេងទាំងគ្មានគិតអ្វីទាំងអស់នោះទេ។