កុំឲ្យឈ្លោះទាស់ទែងគ្នាក្រោយរៀបការ គូស្នេហ៍គួរពិចារណាលើចំណុចនេះសិន

2018-03-30 06:32:37
ចំនួនមតិ 0 | ចំនួនចែករំលែក 0

កុំប្រថុយរៀបការទាំងអ្នកមិនទាន់មានគម្រោងអីច្បាស់លាស់នោះ ហើយក៏កុំរៀបការដើម្បីគ្រាន់តែបំពេញមុខគ្រួសារនោះ។ ជីវិតរៀបការមិនមែនងាយស្រួលឡើយ ចំណងជាច្រើននឹងត្រូវឲ្យអ្នកដោះស្រាយ។ យ៉ាងណាក៏ដោយមុនពេលរៀបការអ្នក និងដៃគូអ្នកគួរតែពិភាក្សាគ្នាឲ្យបានច្បាស់ ៖

១. លុយកាក់ និងការងារ

មុនរៀបការអ្នកទាំងពីគួរតែអង្គុយគិតគ្នាពីប្រាក់ចំណូល ការសន្សំ និងការទុកដាក់ជាមុនសិន។ អ្នកត្រូវគិតអំពីការចាត់ចែងលុយកាក់ដែលអ្នកមាន ថាតើគួរតែបើកគណនេយ្យសន្សំ ឬក៏វិនិយោគទៅលើអ្វីមួយដើម្បីរក្សា ឬរកចំណូលបន្ថែម។ ម្យ៉ាងទៀត អ្នកក៏គួរតែពិភាក្សាគ្នាអំពីការងារដែលត្រូវធ្វើ និង អ្វីដែលអ្នកទាំងពីររំពឹងទុកថានឹងមានផងដែរ។ តើអ្នកសម្រេចចិត្តធ្វើការទាំងពីរអ្នក? តើការងារដែលអ្នកធ្វើមានស្ថិរភាពដែរឬទេ? ហើយថាតើ ប្រាក់ខែអ្នកអាចផ្គត់ផ្គង់គ្រួសារអ្នកបានដែរឬក៏អត់?

២. គម្រោងនៅពេលដែលអ្នកមានកូន

រៀបចំឲ្យហើយគឺល្អណាស់ ចៀសវាងកូនកើតមកខ្វះមុខខ្វះក្រោយនាំឲ្យពិបាកចិត្ត។ អ្នកត្រូេះតែពិភាក្សាថាតើអ្នកគួរតែយកកូននៅពេលណា? រៀបការហើយភ្លាមឬក៏ក្រោយរៀបការរយៈពេលយូរ?ហើយគម្រោងយកកូនប៉ុន្មាន? ព្រោះវាអាចឲ្យអ្នកងាយស្រួលនៅពេលដែលអ្នករៀបចំទុកដាក់រឿងនេះរួច។

៣. កន្លែងដែលចង់រស់នៅ

តើរៀបការហើយអ្នកនិងដៃគូចង់រស់នៅកន្លែងណា? ជាមួយឪពុកម្ដាយ ឬដោយខ្លួន? ទីក្រុង ឬ ជនបទ? ពេលទៅនៅអាចប៉ះពាល់ដល់ការងាររបស់អ្នកទេ? ការផ្ដល់សេវាការអប់រំដល់កូនអ្នកល្អប្រសើរឬអត់? ហើយវាអាចជិតឬឆ្ងាយពីគ្រួសារអ្នកដែរឬក៏អត់?

៤. ការបែងចែកការងារ

វាជាការល្អបើអ្នកអាចនិយាយពីការងារដែលអ្នកអាចធ្វើបាន ហើយដៃគូអ្នកអាចធ្វើបាន ដូចជាការធ្វើការងារផ្ទះ ចម្អិនអាហារ ដើរផ្សារទិញអាហារឬក៏សម្ភារៈផ្សេងៗ។ អ្នកអាចជួយគ្នាធ្វើវា កុំប្រចាំថាវាជាការងារស្រី ឬប្រុស ដូច្នេះវានឹងធ្វើឲ្យគ្រួសារអ្នកមានសុភមង្គល។

៥. ពិភាក្សាអំពីគ្រួសារ

រៀបការហើយមិនមែនគិតតែគ្រួសារអ្នកទេតែត្រូវគិតគូរទាំងអស់។ អ្នកគួរតែពីគ្រួសារទាំងមូលមិនមែនតែប្ដីប្រពន្ធ និងកូននោះទេតែវារួមផ្សំទាំងឪពុកម្ដាយសាច់ញាតិសងខាង ថាតើអ្នកអាចផ្ដល់ពេលឲ្យពួកគាត់បានកម្រិតណា? ដូចជាការដើរកម្សាន្ត ជួបជុំគ្នា ចែករំលែកឲ្យគ្នាបានប៉ុណ្ណា? ដើម្បីកុំឲ្យមានបញ្ហានៅថ្ងៃក្រោយ។

គិតគូរមុនជាការប្រសើរព្រោះយ៉ាងហោចណាស់ក៏អ្នកបានត្រៀមខ្លួន និងរៀបចំមុននឹងជីវិតគ្រួសារមកដល់៕

ចុចអាន៖មាន ៧ចំណុចនេះ បង្ហាញថាអ្នកពិតសំណាងខ្លាំងដែលមានគាត់ជាសង្សារ

ប្រភព៖ marriage ប្រែសម្រួល៖ ផេង ផលធិតា