ពេលប្រុសៗចង់រៀបការ នឹងបង្ហាញសញ្ញាទាំងនេះចេញមកឲ្យខាងស្រីដឹង
- 2018-03-30 03:04:59
- ចំនួនមតិ 0 | ចំនួនចែករំលែក 0
ពេលប្រុសៗចង់រៀបការ នឹងបង្ហាញសញ្ញាទាំងនេះចេញមកឲ្យខាងស្រីដឹង
ចូលដល់វ័យដែលសមល្មមនឹងរៀបការ មនុស្សប្រុសពិតជាគិតគូរខ្លាំង គ្រាន់តែគាត់មិនទាន់និយាយតែប៉ុណ្ណោះ។ ដូចនេះបើឃើញគាត់បង្ហាញសញ្ញាទាំងនេះ បញ្ជាក់ថាបានត្រៀមខ្លួនរួចរាល់ សម្រាប់ចូលរោងការហើយ៖
១.ផ្ដោតលើអ្នកខុសពីធម្មតា
គាត់រឹតតែទុកអ្នកសំខាន់ទៅៗ និងព្យាយាមបំពេញតាមចិត្តគ្រប់ពេលវេលា។ មួយវិញទៀត គាត់រឹតតែថែរក្សាអ្នកបានល្អជាងពេលណាៗទាំងអស់ នោះមកពីគាត់ចង់ឲ្យអ្នកស្រស់ស្អាត និងគ្មានទុក្ខព្រួយអ្វីមកជាប់ខ្លួន ដោយត្រៀមចាំតែពាក្យ «សុំរៀបការ» ពីគាត់។
២.រឹតតែខំធ្វើការ
មនុស្សប្រុសដែលចេះគិតគូរ គឺមិនចង់ពេលទៅឥតប្រយោជន៍ឡើយ។ គាត់ខិតខំរកប្រាក់ឲ្យកាន់តែបានច្រើន ដើម្បីត្រៀមសម្រាប់ថ្ងៃពិសេសខ្លួន និងមិនចង់ឲ្យមនុស្សដែលខ្លួនស្រលាញ់ត្រូវមកពិបាកចិត្តព្រោះតែរឿងលុយកាក់ចាត់ចែងកម្មវិធី។
៣.នាំអ្នកហាងលក់គ្រឿងអលង្ការ
នៅសុខៗគាត់បបួលអ្នកដើរផ្សារទំនើប ដែលមានលក់គ្រឿងអលង្ការផ្សេងៗ ហើយសួរនាំអ្នកពីចិញ្ចៀនដែលអ្នកគិតថាស្អាត និងចូលចិត្តបំផុត។ ព្រោះគាត់ចង់ទិញទុក ធ្វើឲ្យអ្នកភ្ញាក់ផ្អើលពេលសុំរៀបការ។
៤.គាត់ម៉ឺងម៉ាត់ជាងមុន
គាត់ចាប់ផ្ដើមម៉ឺងម៉ាត់ជាងពេលណាៗទាំងអស់ ព្រោះកំពុងតែគិតឲ្យល្អិតល្អន់ពីរឿងមង្គលការ។ ទាំងលុយកាក់ និងពេលវេលាមិនមែនចេះតែខ្ជីខ្ជា ឬបណ្ដោយឲ្យទៅមុខឥតប្រយោជន៍ទេ៕
Sabay ត្រូវការរើស Marketing Consultant។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/j3UhbY
ចុចអាន៖បុរសនឹងឲ្យតម្លៃខ្ពស់ ព្រមទាំងចង់គ្រងរក្សា បើនារីមានចំណុចពិសេសបែបនេះ