ក្រោយបែកបាក់ស្នេហា ៥សញ្ញានេះបញ្ជាក់ថាអ្នកកំពុងត្រៀមបើកបេះដូងសាជាថ្មី

2018-03-29 04:03:40
ចំនួនមតិ 0 | ចំនួនចែករំលែក 0

ឆ្លងផុតភាពគ្រាំគ្រាក្រោយបែកគ្នាពីសង្សារចាស់ តើអ្នកមានអារម្មណ៍ថាធូរស្បើយខ្លះទេ? នៅពេលគ្រប់យ៉ាងប្រែមកជាប្រសើរឡើងវិញ វាដល់ពេលដែលអ្នកត្រូវចាប់ផ្តើមអ្វីមួយដែលថ្មីម្តងទៀត។ ខាងក្រោមនេះ គឺជាសញ្ញាទាំង ៥ដែលបញ្ជាក់ថាអ្នកត្រៀមខ្លួនរួចរាល់ ក្នុងការទទួលយកស្នេហាថ្មីហើយ!

១. មានគំនិតបើកចំហរចំពោះសារជាតិផ្សេងៗគ្នារបស់មនុស្ស

រូបតំណាង

មិនថាម្នាក់នោះមានចរិតល្អ ឬមិនសូវបានចរិតក៏ដោយ អ្នកនៅតែអាចទទួលស្គាល់ការពិតបានដោយគិតថា នោះហើយជាសារជាតិរបស់មនុស្ស។ បើនិយាយចំពោះស្នេហាចាស់ដែលកន្លងទៅវិញ អ្នកលែងឈឺក្បាលជាមួយភាពខុសឆ្គងកាលពីអតីតកាលទៀតហើយ បើគេក្បត់អ្នក អ្នកមានតែចាត់ទុកថាលែងមនុស្សមានសណ្តានក្បត់នោះទៅតាមកម្មពៀរចុះ។

២. ទទួលស្គាល់ថាជីវិតជៀសមិនផុតពីបញ្ហា

អ្នកចាប់ផ្តើមយល់ថា បញ្ហាក្នុងជីវិតគ្រាន់តែជាពពក វាហោះមកក៏អាចហោះទៅវិញបាន។ បញ្ហាស្មុគស្មាញដោយសារស្នេហាមុនធ្វើឲ្យអ្នកស្គាល់ពីមេរៀនជីវិត ការដោះស្រាយបញ្ហា ហើយក៏មានអារម្មណ៍ថាខ្លួនចាស់ទុំជាងមុន អាចមានលទ្ធភាពធ្វើឲ្យស្នេហាលើកក្រោយប្រសើរជាងមុនដែរ។

៣. ផ្តាច់ទំនាក់ទំនងឈឹងពីសង្សារចាស់

បើអ្នកមិនទាន់កាត់ផ្តាច់ទំនាក់ទំនងពីសង្សារចាស់ នៅតែចង់ឆាត ឬខលទៅគេ វាមិនទាន់ដល់ពេលឡើយដែលអ្នកអាចបើកចិត្តទទួលអ្នកថ្មីបាន។

រូបតំណាង

៤. អ្នកមើលថែខ្លួនឯងបានល្អពេលនៅម្នាក់ឯង

អំលុងពេលដែលគ្មានគេ អ្នកអាចមើលថែខ្លួនឯងបានល្អ ស្រឡាញ់ខ្លួនឯងច្រើន ធ្វើអ្វីដើម្បីឲ្យខ្លួនឯងរីកចម្រើនបានច្រើន ទាំងការសិក្សា ការងារ ឬអាជីវកម្ម។

៥. អ្នកត្រៀមខ្លួនសម្រាប់រឿងរ៉ាវដែលមិនបានដូចចិត្ត

ដោយសារតែអ្នកទទួលស្គាល់ថា សារជាតិមនុស្សខុសគ្នាមានទាំងសណ្តានល្អ និងសណ្តានអាក្រក់ ដូច្នេះហើយទើបអ្នកលែងមានអារម្មណ៍ប្លែកនៅពេលរឿងណាមួយកើតឡើងមិនដូចចិត្តអ្នក។ មានន័យថាអ្នកអាចសម្របបាននឹងភាពខុសប្រក្រតីរបស់មនុស្សដទៃ ព្រមទាំងដៃគូថ្មីដែលអ្នកកំពុងរាប់អានផងដែរ៕

ចុចអាន៖"ប្រុសពេញដីស្រីពេញនគរ" ឈឺចាប់ហើយនៅបកក្រោយទៅរកគេទៀត ហេតុអីទៅស្រីៗ?

ប្រភព៖ bestie ប្រែសម្រួល៖ អ៊ុង រ័ត្នបញ្ញា