ប៉ូវកម្លាំងតែម្តង ជាមួយមុខម្ហូបឆាថ្លើមជ្រូកម្រេចខ្មៅ!
- 2018-03-27 06:09:08
- ចំនួនមតិ 0 | ចំនួនចែករំលែក 0
ប៉ូវកម្លាំងតែម្តង ជាមួយមុខម្ហូបឆាថ្លើមជ្រូកម្រេចខ្មៅ!
ថ្លើមជ្រូកសម្បូរទៅដោយប្រូតេអ៊ីន ព្រមទាំងវីតាមីនមួយចំនួនដូចជា វីតាមីន B1 និង B12 (ជួយកោសិកាឈាម និងខួរក្បាល) ជាតិដែក និងស៊ីលីស្យូម (ប្រឆាំងជំងឺ)។ល។ ដោយនឹកឃើញពីគុណសម្បត្តិរបស់វាហើយ ទើបបានជាថ្ងៃនេះ កញ្ញា ចង់លើកយកនូវរបៀបធ្វើមុខម្ហូបមួយដែលមានឈ្មោះថា ឆាថ្លើមជ្រូកម្រេចខ្មៅ តែម្តង។
គ្រឿងផ្សំ
ថ្លើមជ្រូក
ខ្ទឹមសចិញ្រ្ចាំ
ប្រេងខ្យង
ទឹកស៊ីអ៊ីវ
ស្ករស
ម្រេចខ្មៅម៉ដ្ឋ
ស្លឹកខ្ទឹម
របៀបធ្វើ
១. លាងថ្លើមជ្រូកឲ្យស្អាត ហើយហាន់វាជាចំនិតៗ។
២. ចាក់ប្រេងឲ្យក្តៅ ហើយដាក់ខ្ទឹមសចិញ្ច្រាំបំពងឲ្យឡើងពណ៌កន្លាត រួចស្រង់ខ្ទឹមនោះចេញ។
៣. ចាក់ថ្លើមជ្រូកក្នុងប្រេងដែលនៅសល់ រួចឆាត្រឡប់វាបន្តិច បន្ទាប់មកដាក់ប្រេងខ្យង ទឹកស៊ីអ៊ីវស្ករស និងម្រេចខ្មៅម៉ដ្ឋចូល។
៤. ឆាឲ្យឆ្អិនរួចដួសដាក់ចាន បន្ទាប់មករោយខ្ទឹមបំពង និងស្លឹកខ្ទឹមពីលើ ជាការស្រេច៕
ទស្សនាវីដេអូខាងក្រោម
ចុចអាន៖ឆាក្តាមសេះម្ទេសខ្ទឹមស ឃើញហើយស្រក់ទឹកមាត់!