ស្រលាញ់គឺត្រូវលះបង់ តើសម័យនេះហើយនៅត្រូវទៀតអត់?

2018-03-26 04:13:45
ចំនួនមតិ 0 | ចំនួនចែករំលែក 0

រឿងលះបង់ក្នុងមនោសញ្ចេតនាគឺត្រូវតែកើតឡើងដោយចិត្តខ្លួនឯង មិនមែនមកពីការបង្ខំនោះទេ។

គេតែងនិយាយថាលះបង់សម្រាប់ស្នេហាគឺជារឿងធម្មតា ព្រោះស្រលាញ់គ្នាត្រូវតែលះបង់ ទាំងរឿងសម្ភារៈ និងមនោសញ្ចេតនា។ ហើយនៅពេលដែលស្នេហាមានការលះបង់ ទើបជាស្នេហាពិតប្រាកដ។

ប៉ុន្តែការពិតមិនមែនដូចនេះនោះឡើយ។ លះបង់ស្ដាប់ទៅដូចជាខ្ពង់ខ្ពស់ខ្លាំងណាស់ ដូចឪពុកម្ដាយលះបង់ឲ្យកូនជាដើម តែបើសង្សារលះបង់ឲ្យគ្នាដូចជារាងបង្ខំពេកហើយ។ អ្វីគ្រប់យ៉ាងដែលយើងធ្វើក្នុងស្នេហាគួរដុសចេញពីចិត្ត ហើយត្រូវសប្បាយចិត្តទាំងសងខាង ទើបមិនហត់ចិត្ត។ បើមិនដូចនោះទេ មានអ្នកណាទៅទ្រាំលះបង់បានរហូតនោះ?

ទោះបីជាមនោសញ្ចេនាជ្រាលជ្រៅប៉ុណ្ណា តែយើងមិនស្ដាយទេឬ បើសិនជាមានតែភាគីយើងម្ខាងជាអ្នកលះបង់នោះ មិនថាពេលវេលា ឬលុយកាក់។

រីឯខ្ញុំមានគំនិតមួយទៀតនោះគឺ ការលះបង់គឺជាការឲ្យទៅដែលមិនហ៊ានរំពឹងថានឹងអាចយកមកវិញបាន។ ដូចនេះ បើអ្នកណាជ្រុលលះបង់សម្រាប់ស្នេហាហើយ បើសិនជាថ្ងៃលទ្ធផលមិនដូចដែលខ្លួនប្រាថ្នា គឺមិនអាចបន្ទោសគេបានឡើយ មានតែបន្ទោសខ្លួនឯងដែលស្រលាញ់គេខ្លាំងដល់ថ្នាក់នេះ។

រូបតំណាង

អាស្រ័យហេតុនេះ នៅពេលដែលលះបង់ឲ្យគេហើយ កុំគិតថាគេត្រូវធ្វើដូចនោះសម្រាប់យើងវិញ ព្រោះក្នុងកំឡុងពេលដែលយើងធ្វើដូចនេះ យើងមានជម្រើសដើម្បីបញ្ឈប់តើ មានអ្នកណាហាមឃាត់។ តែបើយើងគិតថា គេស័ក្ដិសមនឹងទទួលការលះបង់នេះនោះ ក៏បន្តទៀតទៅ ហើយក៏អត់មានអ្នកណាថាអីដែរ ព្រោះបើទោះបីជាមានគេថា ក៏យើងតែបន្តដដែលហ្នឹង៕

ចុចអាន៖គេចាប់ផ្ដើមប្លែកបន្តិចម្ដងៗ រហូតសឹងតែក្លាយជាមនុស្សផ្សេងដែលខ្ញុំមិនដែលស្គាល់