អត្ថន័យ​​នៃ​កាយ​វិការ​ ៥​របស់​ទារក​ ដែល​អ្នក​ម្តាយ​គ្រប់​រូប​គួរ​ដឹង

  • 2018-03-23 07:36:27
  • ចំនួនមតិ 0 | ចំនួនចែករំលែក 0

មនុស្ស​ធំ​ទូទៅ​អាច​ប្រើ​ភាសា​និយាយ​ដើម្បី​យល់​ចិត្ត ​និង​ប្រាស្រ័យ​ទាក់ទង​គ្នា​បាន ​តែ​ខុស​គ្នា​ពី​ទារក​តូច​ ពួ​កគេ​មិន​អាច​ឡើយ​ពោល​គឺ​បាន​ត្រឹម​តែ​យំ​ឬ​ធ្វើ​កាយ​វិការ​ប៉ុណ្ណោះ។ ខាង​ក្រោម​នេះ​ជា​កាយ​វិការ​ទាំង​ ៧​របស់​ទារក​ ដែល​អ្នក​ម្តាយ​គ្រប់​រូប​គួរ​ដឹង៖

១. ទាត់​ជើង​ទាំង​សង​ខាង​ខ្វៃ​ៗ៖ បញ្ជាក់​ថា​ទារក​កំពុង​រីករាយ ​ជា​ពិសេស​ទារក​ដែល​ចូលចិត្ត​ទឹក ​គេ​នឹង​បង្ហាញ​កាយវិការ​នេះ​ពេល​កំពុង​ងូត​ទឹក ​ឬ​ម្យ៉ាង​ទៀត​ពេល​ដែល​គេ​បាន​កាន់​របស់​លេង​ដែល​ពេញ​ចិត្ត។

២. ពត់​ខ្នង៖ បញ្ជាក់​ថា​ទារក​កំពុង​ពិបាក​ក្នុង​ខ្លួន ​ឬ​មាន​ឈឺ​ត្រង់​កន្លែង​ណា​មួយ។ ពេល​ខ្លះ​ទារក​ក៏​បង្ហាញ​កាយវិការ​នេះ​នៅ​ពេល​គេ​បៅ​ឆ្អែត​ពេក​ផង​ដែរ។

៣. យក​ដៃ​ទាញ​ត្រចៀក៖ បញ្ជាក់​ថា​គេ​កំពុង​សប្បាយ​ចិត្ត​ តែ​ទាញ​ត្រចៀក​ហើយ​យំ​ គេ​ប្រហែល​ជា​ឈឺ​ត្រចៀក​ ឬ​មួម៉ៅ។

៤. ក្តាប់​ដៃ៖ ទារក​កំពុង​ឃ្លាន​បៅ។

៥. បោះ​ដៃ​ឡើង​លើ៖ ភាគ​ច្រើន​ទារក​ធ្វើ​កាយ​វិការ​នេះ​ពេល​កំពុង​គេង ​គេ​កំពុង​ប្រាប់​យើង​ថា​ មាន​អ្វី​មួយ​មក​រំខាន​ការ​គេង​អាច​ជា​សម្លេង ​ឬ​គេ​កំពុង​យល់សប្តិ​ជា​ដើម។ ប៉ុន្តែ​បើ​គេ​បោះ​ដៃ​ឡើង​លើ​ពេល​ភ្ញាក់​ពី​គេង​វិញ ​មាន​ន័យ​ថា​គេ​គេង​បាន​ឆ្អែត​ ហើយ​ត្រូវ​ការ​ឲ្យ​អ្នក​បី​គេ​ឡើង៕

ចុចអាន៖បើ​ចូល​ដល់​អាយុ​៣-៤​ខែ​ហើយ កូន​មិន​ទាន់​ចេះ​រឿង​ទាំង​នេះ អ្នក​ម្ដាយ​កុំ​គិត​ថា​អត់​អី!

ប្រភព៖ momjunction ប្រែ​សម្រួល៖ អ៊ុង រ័ត្នបញ្ញា

អត្ថបទពេញនិយម