សាកសេពគប់គ្នាជាសង្សារ ២-៣ ឆ្នាំសិន បើមានអារម្មណ៍ថាទាំងពីរនាក់មាន ៥ ចំណុច អាចរៀបការបាន

2018-03-22 08:00:00
ចំនួនមតិ 0 | ចំនួនចែករំលែក 0

មុននឹងរៀបការ គូស្នេហ៍នីមួយៗគួរតែរាប់អានគ្នាជាសង្សារឲ្យបាន ២-៣ ឆ្នាំសិន។ ព្រោះទាំងពីរនាក់នឹងស្គាលពីគ្នាកាន់តែច្បាស់ ហើយបើសេពគប់គ្នាយូរទៅៗគ្មានអារម្មណ៍ថាមាន ៥ ចំណុចនេះទេ គួរតែបញ្ឈប់ទៅ តែបើមានដល់ពេលត្រូវរៀបការហើយ៖

១.ចាត់ទុកដៃគូដូចគ្រួសារតែមួយ

មិនថាអ្នក ឬបងប្អូនឪពុកម្ដាយឡើយ បានស្គាល់ និងចាត់ទុកសង្សារជាមនុស្សក្នុងគ្រួសារតែមួយរួចទៅហើយ ទាំងមិនទាន់បានរៀបការ ហើយខាងគេក៏ដូចគ្នាទៀត។ ចំណុចនេះសំខាន់ណាស់ បើចុះសម្រុងគ្នាដល់ថ្នាក់ដូចគ្រួសារហើយ បានន័យថាជាការទទួលស្គាល់ឲ្យមករួមផ្ទះជាមួយបាន។

រូបតំណាង

**២.ដឹងពីទុក្ខលំបាកគ្នា**

ក្នុងអំឡុងពេលសេពគប់គ្នាជាសង្សារ បើទាំងពីរនាក់ចេះដឹងពីទុក្ខលំបាករបស់គ្នាដូចប្ដីប្រពន្ធហើយនោះ ជាសញ្ញាល្អដែលអាចឈានដល់អាពាហ៍ពិពាហ៍បាន។

៣.ស្គាល់ពីគ្នាច្បាស់

បើអ្នកដឹងថាដៃគូចូលចិត្តអ្វី មិនចូលចិត្តអ្វី ហើយដៃគូក៏ច្បាស់ពីអ្នកវិញនូវរឿងរ៉ាវបែបនេះ វាជាសញ្ញាល្អបង្ហាញថានាក់ទាំងពីរអាចរៀបការជាមួយគ្នាបាន។ ព្រោះពួកអ្នកអាចជៀសវាងធ្វើរឿងអ្វីដែលគូស្នេហ៍មិនសប្បាយចិត្តបាន។

៤.ជឿជាក់គ្នាគ្រប់ស្ថានការណ៍

ពេលរាប់អានគ្នាជាសង្សារ ធ្លាប់មានជនទី ៣ ចូលមកបំបែកបំបាក់នាក់ទាំងពីរ តែមិនបានផល ព្រោះថាពួកអ្នកមានភាពស្មោះត្រង់ និងជឿទុកចិត្តគ្នារហូត។ នោះបញ្ជាក់បានថា ទោះជាក្រោយរៀបការមានរឿងដែលគេចង់ធ្វើឲ្យគូស្នេហ៍អ្នកយល់ច្រឡំគ្នា ក៏ទៅមិនរួចដែរ។

៥.មិនបង្កបញ្ហាដាក់គ្នា

ពេលដឹងថាភាគីម្ខាងកំពុងរវល់ ភាគីម្ខាងទៀតសុខចិត្តនៅស្ងៀម ដោយមិនរករឿង ឬងរង៉ក់ឲ្យគេកំដរអ្វីឡើយ។ ព្រោះអ្នកទាំងពីរមិនចង់បង្កបញ្ហាដល់ដៃគូ បើទោះជាអផ្សុក និងធុញថប់ដល់កម្រិតណាក៏ដោយ៕