ចង់ឲ្យមិត្តប្រុសស្រលាញ់ រហូតនឹករលឹកមកតាមមើលមុខដល់ផ្ទះ គួរតែមាន ៦ ចំណុចនេះ

2018-03-21 10:30:00
ចំនួនមតិ 0 | ចំនួនចែករំលែក 0

តើអ្នកចង់ឲ្យមិត្តប្រុសនឹកអ្នកដែរទេ? នេះគឺជាវិធីសាស្ត្រ ៦ យ៉ាងដែលអាចទាក់ចិត្តមិត្តប្រុសប្រភេទនេះឲ្យងាកមកចង់នៅក្បែរអ្នក នឹកអ្នកដកចិត្តមិនរួចតែម្ដង៖

១.កុំផ្ញើសារទៅញឹកពេក

បើអ្នកចូលចិត្តផ្ញើសារ ឬមួយក៏ឆាតទៅគេមុនរហូតនោះ មិត្តប្រុសអ្នកនឹងមានអារម្មណ៍ថាសាំចិត្ត ហើយគិតថាអ្នកអត់អីធ្វើ។ ចឹងគួរតែកុំឆាតទៅពេក គាត់ច្បាស់ជាគិតថា អ្នករវល់ណាស់អត់មានពេលសូម្បីឆាត និងចាប់ផ្ដើមមានអារម្មណ៍មិនស្រួលក្នុងចិត្តធ្វើឲ្យគាត់នឹកដល់អ្នកជានិច្ច។

២. ត្រូវប្រកែកបើគេទើបតែខលមកប្រាប់ភ្លាមៗ ពេលចង់បបួលចេញក្រៅ

គាត់ធ្លាប់ចង់បបួលអ្នកចេញក្រៅភ្លាមៗ ពេលទើបនឹកឃើញ?ប្រាប់សង្សារអ្នកវិញទៅថាអ្នករវល់មានកិច្ចការចាំបាច់ត្រូវធ្វើចេញទៅមិនបានទេ។ ពេលនោះបុរសនឹងនឹកគិតថាអ្នកយកការងារជាធំ ហើយក្រោយៗគាត់នឹងចេះឲ្យតម្លៃអ្នក ដោយមានការណាត់ ឬរៀបគម្រោងជាមុនសិន ព្រោះខ្លាចមិនបានទៅទៀត។

៣.កុំខ្លាចក្នុងការនិយាយថាអ្នកស្រលាញ់គាត់ ទោះជាទាក់ទងគ្នាយូរក៏ដោយ

នេះគឺជាវិធីល្អបំផុតដែលអាចធ្វើឲ្យស្នេហាកាន់តែមានភាពផ្អែមល្ហែម និងយូរអង្វែង បាន ព្រមទាំងធ្វើឲ្យអ្នកនៅឆ្ងាយមានកម្លាំងចិត្តថែមទៀត។

៤.ធ្វើឲ្យដៃគូភ្ញាក់ផ្អើល

អ្នកអាចធ្វើឲ្យគាត់ភ្ញាក់ផ្អើល ដោយជ្រើសយកឈុតសម្លៀកបំពាក់ដែលគិតថាគាត់ចូលចិត្តបំផុត ហើយណាត់ជួបនៅកន្លែងសត្វចិញ្ចឹមណាមួយ បន្ទាប់មកច្រៀងចម្រៀងអ្នកស្រលាញ់ឲ្យគាត់ស្ដាប់។ វិធីនេះនឹងធ្វើឲ្យគាត់នឹកឃើញនូវអនុស្សាវរីយ៍ល្អៗបានសាងរួមគ្នា ពេលនៅឃ្លាតគ្នាយូរ។

៥.បាញ់ទឹកអប់ក្លិនខុសពីគេ

គ្មានអ្វីធ្វើឲ្យមិត្តប្រុសនឹកអ្នកជាងក្លិនទឹកអប់ដ៏ក្រអូបឈ្ងុយឈ្ងប់របស់អ្នកនោះទេ ដោយមានមានក្លិនប្លែកពីគេទៀត ធ្វើឲ្យគាត់នឹកឃើញដល់អ្នកគ្រប់ពេល។

៦.ត្រូវមានជីវិតផ្ទាល់ខ្លួនមួយ

ចេះបែងចែកពេលវេលាសម្រាប់ខ្លួនឯង និងចេញដើរលេងជាមួយមិត្តភ័ក្ដិខ្លះ ដោយមិនទៅណាមួយជំហានមានសង្សាររហូតនោះទេ។ មិនមែនឲ្យបោះបង់មិត្តប្រុសចោលទេ ប៉ុន្តែធ្វើឲ្យគេគិតថាយើងអាចប្រើពេលវេលាល្អៗ សប្បាយជាមួយមិត្តភ័ក្ដិបានដោយគ្មានគេ។ ពេលនោះហើយដែលធ្វើឲ្យគេគិតចង់មករកអ្នកដោយខ្លួនឯង៕

ចុចអាន៖៦មូលហេតុធ្វើឲ្យគេអស់ចិត្ត និងចាប់ផ្ដើមចង់ដើរចេញ គ្មានស្ដាយស្រណោះ

ប្រភព៖ Likelovequotes អត្ថបទ៖ដេត ឈុនអ៊ី