៥សញ្ញាបញ្ជាក់ថាវិបត្តិស្នេហាកំពុងបំផ្លាញសុខភាពអ្នកយ៉ាងធ្ងន់ធ្ងរ

2018-03-16 02:01:12
ចំនួនមតិ 0 | ចំនួនចែករំលែក 0

ស្នេហាគឺជាប្រភពនៃសុភមង្គល ប្រសិនអ្នកជួបដៃគូ ឬទំនាក់ទំនងដែលសមប្រកប។ ផ្ទុយទៅវិញ ប្រសិនអ្នកសំណាងអាក្រក់ ជួបស្នេហាដែលផ្ដល់ទុក្ខលំបាក ច្រើនជាងសេចក្ដីសុខ នោះអ្នកនឹងក្លាយជាមនុស្សដែលពោរពេញដោយភាពតានតឹង ធុញថប់ ជាក់ជាមិនខាន។ ហេតុនេះអ្នកត្រូវរួសរាន់ដោះស្រាយបញ្ហាសុខភាពដែលបង្កពីវិបត្តិនេះជាបន្ទាន់ ប្រសិនអាការៈទាំង៥ខាងក្រោមនេះលេចឡើង៖

១. ជំងឺក្រពះពោះវៀន

ភាពធុញថប់ មួម៉ៅរាល់ថ្ងៃ ធ្វើឲ្យអ្នកប្រឈមមុខជាមួយបញ្ហាក្រពះពោះវៀនដូចជា ឧស្សាហ៍ឈឺពោះ ក្អួតចង្អោរ ប្រពន្ធរំលាយអាហារដំណើរការមិនល្អ ឬប្រសិនដល់កម្រិតធ្ងន់ធ្ងរ អ្នកអាចកើតជំងឺដំបៅក្រពះជាដើម។

២. ញៀនថ្នាំ ឬគ្រឿងស្រវឹង

អ្នកជ្រើសរើសយកផ្លូវសប្បាយមួយពេលដោយការប្រើប្រាស់គ្រឿងញៀន ឬគ្រឿងស្រវឹង ដើម្បីបន្លប់ទុក្ខសោកមួយគ្រា។ ថ្នាំញៀន និងគ្រឿងស្រវឹងគ្រប់ប្រភេទ មិនត្រឹមតែបំផ្លាញសុខភាពអ្នក វាថែមទាំងបំផ្លាញអនាគតរបស់អ្នកទាំងមូលថែមទៀតផង។

៣. គេងមិនគ្រប់គ្រាន់

អ្នកមានបញ្ហាគេងមិនសូវលក់ តែងតែភ្ញាក់ញឹកញាប់ និងត្រូវបញ្ឈរភ្នែកទើសភ្លឺស្ទើររាល់យប់ ព្រោះតែអ្នកពិបាកចិត្តចំពោះរឿងស្មុគស្មាញគ្រប់បែបយ៉ាងនោះ។ នៅពេលថ្ងៃ អ្នកក៏ត្រូវអស់កម្លាំង ល្ហិតល្ហៃ ដោយសារតែរាងកាយរបស់អ្នកមិនបានសម្រាកគ្រប់គ្រាន់។

៤. ប្រពន្ធការពាររាងកាយចុះក្រោយ

មនុស្សដែលមានវិបត្តិផ្លូវចិត្ត ឧស្សាហ៍ឈឺខ្លាំងណាស់។ អ្នកមិនសូវនឹកនារឿងថែសុខភាព លំហាត់ប្រាណ ឬរបបអាហារប្រចាំថ្ងៃឲ្យបានហ្មត់ចត់ដូចពីមុនឡើយ ដូច្នេះនៅពេលដែលរាងកាយអ្នកខ្វះវីតាមីន ប្រពន្ធការពាររាងកាយអ្នកក៏ចុះខ្សោយដូចគ្នា។

៥. កើតមុន

ភាពតានតឹង ធុញថប់ ជំរុញឲ្យអ័រម៉ូនរបស់អ្នកផលិតខុសប្រក្រតី។ អ្នកនឹងសង្កេតឃើញផ្ទៃមុខរបស់អ្នកឡើងខ្លាញ់ច្រើន កើតមុន ព្រមទាំងមានស្នាមជាំលេចចេញច្រើនខុសពីធម្មតា។ លើសពីនេះទៅទៀត អ្នកប្រហែលជារំសាយអារម្មណ៍ដោយការកេស ឬញេចមុនទាំងនោះ រហូតធ្វើឲ្យស្ថានភាពរឹតតែយ៉ាប់ខ្លាំងឡើងៗ ៕

ចុចអាន៖

ប្រភព៖ powerofpositivity ប្រែសម្រួល៖ អូន បញ្ញា