ចង់ធ្វើសមាធិឲ្យស្មារតី និងផ្លូវចិត្តបានស្ងប់ គួរហ្វឹកហាត់តាមជំហានស្រាលៗទាំងនេះ
- 2018-02-27 02:25:08
- ចំនួនមតិ 0 | ចំនួនចែករំលែក 0
ចង់ធ្វើសមាធិឲ្យស្មារតី និងផ្លូវចិត្តបានស្ងប់ គួរហ្វឹកហាត់តាមជំហានស្រាលៗទាំងនេះ
ការធ្វើសមាធិ គឺជាវិធីហ្វឹកហាត់ផ្នែកផ្លូវចិត្ត និងស្មារតីរបស់អ្នកឲ្យបានស្ងប់ ស្តាប់ទៅហាក់ដូចជាងាយស្រួល ប៉ុន្តែមិនមែនគ្រប់គ្នាសុទ្ធតែអាចធ្វើបានដោយជោគជ័យទេ។ ថ្ងៃនេះ កញ្ញា នឹងបង្ហាញពីជំហានស្រាលៗមួយចំនួន ដើម្បីឲ្យអ្នកអាចអនុវត្តលំហាត់ប្រាណផ្លូវចិត្តមួយនេះបានសម្រេច។
១. ស្លៀកសម្លៀកបំពាក់ស្រួលខ្លួន និងកន្លែងស្ងប់ស្ងាត់។
២. អង្គុយពែនភ្នែន ដាក់ដងខ្លួនឲ្យត្រង់ ហើយសម្រួលអារម្មណ៍។ មិនត្រូវដាក់សម្ពាធទៅលើដៃ ឬកាន់របស់អ្វីឡើយ (អាចដាក់ដៃផ្ងារលើគ្នាចន្លោះជើង ឬលាដៃទាំងសងខាងដាក់លើភ្លៅក៏បាន)។
៣. កំណត់ពេលសមាធិចាប់ពី ៣ទៅ ៥នាទី។
៤. ព្យាយាមដងដង្ហើមតាមច្រមុះ។ ចូរផ្តោតអារម្មណ៍ទៅលើដង្ហើមចេញចូលរបស់ខ្លួន ដកចេញ ហើតចូល ធ្វើបែបនេះដដែលៗបន្ត ប៉ុន្តែកុំដាក់សម្ពាធលើវាខ្លាំងពេក។ ដកចេញហើតចូលតាមលំនាំមួយៗឲ្យស្រួលខ្លួន ហើយបន្ធូរអារម្មណ៍។
៥. បើសិនជាអ្នកបែកអារម្មណ៍ទៅលើការងារ ឬត្រូវបានរំខានដោយបរិយាកាសខាងក្រៅ ចូរកុំបង្ខំខ្លួនឯងឲ្យបំភ្លេចវាអី គ្រាន់តែប្រមូលមកលើខ្យល់ដង្ហើមចេញចូលតាមច្រមុះទៅបានហើយ។
៦. ក្នុងដំណាក់កាលដំបូង អ្នកមិនគួរខំប្រឹងផ្ចង់អារម្មណ៍ខ្លាំងពេករហូតធ្វើឲ្យខ្លួនឯងជ្រួញចិញ្ចើមទេ គ្រាន់តែញញឹមសម្រួលអារម្មណ៍បន្តិច ដកដង្ហើមចេញចូលមួយៗ។
៧. ក្រោយ ៣ទៅ ៥នាទី ចូរបើកភ្នែកយឺតៗឡើងវិញ នោះអ្នកនឹងមានអារម្មណ៍ធូរស្រាលជាងមុនខ្លះ៕
ចុចអាន៖រឿងពិសេសទាំង ៥ លើដងខ្លួនមនុស្សស្រីដែលគ្រប់គ្នាមិនសូវដឹង