គេចាកចេញក៏ល្អ! នេះជាហេតុផលដែលត្រូវអរគុណ ពេលគេដើរចេញពីអ្នក

2018-03-06 02:41:27
ចំនួនមតិ 0 | ចំនួនចែករំលែក 0

ស្នេហាពិបាកយល់ណាស់ ពេលខ្លះស្រឡាញ់គ្នាសុខៗ គ្រាន់តែទាស់ចិត្តតិចតួចក៏បែកបាកគ្នា ឬពេលខ្លះទៀតអស់អារម្មណ៍ម្ខាងៗរហូតដើរចេញដោយគ្មានរឿងអីសោះ។ បើអ្នកកំពុងតែស្ថិតក្នុងស្ថានភាពដែលគេកំពុងបែរខ្នងដើរចេញហើយនោះ គួរតែកុំឃាត់គេអី ហើយគួរតែអរគុណទៅទៅវិញទើបត្រូវ ព្រោះ៖

១. ចាំបាច់ខ្ជះខ្ជាយពេលវេលាជាមួយគេយូរ

ពេលវេលាកាន់តែយូរកាន់តែពិបាក ព្រោះកាន់តែមានការចងចាំច្រើន។ រឿងដែលត្រូវមកគង់តែមក ដូច្នេះវាជាការល្អដែលគាត់ចាកចេញពីអ្នកណៅពេលពេលនេះ ព្រោះមិនបាច់ឲ្យអ្នកចំណាយពេលកាន់តែយូរជាមួយមនុស្សដែលគង់តែចាកចេញទៅ។

រូបតំណាង

**២. ស្គាល់ពីស្នេហាកាន់តែច្បាស់ជាងមុន**

បន្ទាប់ពីការចាកចេញរបស់គេអ្នកអាចទទួលបានបទពិសោធន៍ស្នេហាកនា់តែទូលាយជាងមុន។ ការឈឺចាប់ដែលអ្នកទទួលបានពីការបាត់បង់ស្នេហាធ្វើឲ្យអ្នកយល់ច្បាស់អ្វីដែលហៅថាស្នេហា? មានរសជាតិបែបណា? ហើយការឈឺចាប់វាខ្លាំងប៉ុណ្ណា? ដូច្នេះមានលើកក្រោយទៀតអ្នកអាចមើលយល់ពីស្នេហាដែលអ្នកកំពុងមាន។

៣. មើលដឹងពីមនុស្សកាន់តែច្បាស់

ជួបស្នេហាមិនសមបំណង ក៏អាចបង្រៀនអ្នកឲ្យចេះមើលមនុស្សកាន់តែធ្លុះជាងមុនដែរ។ ដូច្នេះពេលក្រោយៗអ្នកអាចមានលទ្ធភាពមើលដឹង ថាមនុស្សប្រុសនោះបែបណា? ដូចអ្នកមុនឬក៏អត់? អាចគ្រប់គ្រងចិត្តខ្លួនឯងបានពេលអ្នកជួបមនុស្សប្រភេទដូចអ្នកមុនទៀត។

៤. ដឹងពីចំណុចអាក្រក់ដែលអ្នកមានក្នុងស្នេហា

ពេលដែលគាត់ចាកចេញពីអ្នក វាអាចមានហេតុផលច្រើន ប៉ុន្តែអ្នកក៏អាចមើលឃើញពីកំហុសអ្នកដែរ ដូច្នេះទៅថ្ងៃមុខអ្នកអាចនឹងកែប្រែវាចេញ ដើម្បីកុំឲ្យមានរឿងបែបហ្នឹងម្ដងទៀត។

រូបតំណាង

៥. រឹងមាំជាងមុន

រឿងដែលអ្នកត្រូវប្រឈមមុខពេលដែលបែកបាក់ស្នេហាអាចធ្វើឲ្យអ្នករឹងមាំជាងមុន និងធ្វើឲ្យអ្នកយល់ពីតម្លៃរបស់ខ្លួនឯងជាងមុន។ បន្ទាប់ពីខូចចិត្ត បន្ទាប់ពីសម្ងំយំ ចិត្តអស់ពេលជាយូរនោះ អ្នកនឹងមានអារម្មណ៍ថាខ្លួនឯងខ្លាំងជាងមុន អាចប្រឈមមុខនឹងរឿងឈឺចាប់បានច្រើនជាងមុន ហើយមិនទន់ជ្រាយដូចពីមុនឡើយ។

៦. អាចរីករាយជាមួយជីវិតម្នាក់ឯង

អ្នកកាន់តែដឹងថាការរស់នៅតែឯង គឺស្រស់ស្រាយ និងមានសេរីភាពប៉ុណ្ណា ទោះបីពេលខ្លះឯកាមែន ប៉ុន្តែអ្នកមិនចាំបាច់ត្រូវមានអារម្មណ៍ឈឺចាប់ដូចពេលដែលមានស្នេហា។

៧. មានឱកាសជាថ្មីក្នុងស្វែងរកមនុស្សដែលល្អជាងគេ

បើគេមិនបែកពីអ្នកទេអ្នកក៏មិនអាចមានឱកាសអាចរកឃើញមនុស្សល្អជាងគេដែរ ដូច្នេះគួរតែអរគុណគេដែលព្រមបើកផ្លូវឲ្យអ្នកជួបមនុស្សដែលសក្ដិសមម្នាក់។

៨. មានពេលសម្រាប់ខ្លួនឯង

វាជាការល្អហើយដែលអ្នកបាត់បង់គេព្រោះអ្នកអាចមានពេលសម្រាប់ខ្លួនឯងកាន់តែច្រើន ហើយមិនចាំបាច់ឃុំខ្លួនឯងដោយសារតែគេ។ អ្នកអាចទៅណាដោយរីករាយ ដោយសេរីភាព ហើយចង់ទាក់ទងអ្នកណាក៏បានដោយមិនបាច់ទើសទាល់ដូចពេលមានស្នេហា។