៦ រឿងសំខាន់ៗដែលមនុស្សស្រីគួរតែធ្វើដើម្បីបុរសខ្លួនស្រឡាញ់

2018-02-28 03:30:00
ចំនួនមតិ 0 | ចំនួនចែករំលែក 0

មនុស្សពីរនាក់ស្រឡាញ់គ្នាការពិតសុទ្ធតែចង់បានអារម្មណ៍ល្អជាមួយគ្នា មិនមែនមានតែបុរសតែត្រូវធ្វើឲ្យនារីរីករាយឡើយ។ កុំគិតថាពេលអ្នកធ្វើរឿងដើម្បីគាត់អ្នកអន់នោះ តែនេះជាការតបស្នងគ្នាទៅវិញទៅមកដើម្បីរក្សាចំណងស្នេហាអ្នកឲ្យកាន់តែល្អប្រសើរ ៖

១. ឲ្យគាត់ដឹងថាគាត់សំខាន់ខ្លាំងសម្រាប់អ្នក

កុំអាងតែគាត់ស្រឡាញ់អ្នកហើយចាត់ទុកគាត់ដូចគ្មានតម្លៃសម្រាប់អ្នកនោះ កុំចាំតែគាត់មករកអ្នកអី អ្នកក៏គួរតែទៅរកគាត់មុនដែរ។ គាត់ក៏ចង់ទទួលបានអារម្មណ៍ល្អៗពីអ្នក ហើយចង់ឲ្យអ្នកស្រឡាញ់គាត់ដូចគាត់ស្រឡាញ់អ្នកអីចឹង។

រូបតំណាង

**២. ឲ្យតម្លៃលើការប្រឹងប្រែងរបស់គាត់**

កុំឃើញតែចំណុចអាក្រក់គាត់ គួរតែសម្លឹងមើលពីអ្វីដែលគាត់ខំប្រឹងប្រែងដើម្បីអ្នក និងលះបង់ដើម្បីអ្នក។ កុំដោយសារតែកំហុសតូចមួយ អ្នកលែងឃើញតម្លៃគាត់ ហើយចាត់ទុកគាត់ដូចអ្នកដទៃនោះ។ អ្នកត្រូវឲ្យភាពកក់ក្ដៅ ការលើកលែង ការសាទរ និងក្ដីស្រឡាញ់ចំពោះអ្វីដែលខំប្រឹងមកដល់ពេលនេះ។

៣. យកចិត្តទុកដាក់ និងបារម្ភពីគាត់

ភាពកក់ក្ដៅ ការបារម្ភ ការយកចិត្តទុកដាក់គឺមនុស្សប្រុសត្រូវការដូចគ្នា គ្រាន់តែពេលខ្លះគាត់មិនអាចហាមាត់ទាមទារដូចអ្នកទាមទារពីគាត់។ យកអារម្មណ៍អ្នកទៅដាក់ក្នុងអារម្មណ៍គាត់ ថាពេលគាត់ធ្វើព្រងើយកន្តើយដាក់អ្នក តើអ្នកមានអារម្មណ៍បែបណា? គាត់ក៏ដូចគ្នា។ គួរចំណាយពេលខ្លះដើម្បីគាត់ ឲ្យគាត់មានទទួលបានភាពកក់ក្ដៅដូចដែលអ្នកចង់បានពីគាត់។

រូបតំណាង

៤. គោរពគាត់

ទោះស្រឡាញ់គ្នាដឹងចិត្តគ្នាប៉ុណ្ណាក៏ដោយ ក៏ការគោរពគ្នានៅទេមាន។ កុំទម្លាប់ឲ្យចរិតព្រះនាងម្ចាស់ចូលខ្លួនហើយចាត់ទុកគាត់ជាខ្ញុំបម្រើអ្នកនោះ។ ត្រូវចេះគោរពគាត់ប្រើសម្ដីសម្ដៅឲ្យបានល្អ សមរម្យជាមួយគាត់ដូចជាមួយឪពុកម្ដាយអីចឹង។

៥. ធ្វើជា Fan ផ្កាប់មុខរបស់គាត់

ពេលគាត់ធ្វើអីមួយកម្លាំងចិត្តធំបំផុតដែលគាត់ចង់បាននោះគឺការគាំទ្រពីអ្នក ដូច្នេះអ្នកត្រូវធ្វើជាអ្នកគាំទ្ររបស់គាត់គ្រប់ពេល ទោះទៅដល់ទីណា ពេលណាក៏ដោយកុំភ្លេចផ្ដល់កម្លាំងចិត្តឲ្យគាត់ហើយនិយាយថា « I'm your Fan.»។

៦. ចម្អិនអាហារឲ្យគាត់ពេលខ្លះ

សាកល្បងធ្វើម្ហូបឲ្យគាត់ញ៉ាំពេលខ្លះមើល ដឹងតែគាត់ទទួលបានអារម្មណ៍ប្លែកហើយ គឺមានអារម្មណ៍ថាដូចប្រពន្ធរៀបចំបាយឲ្យគាត់អីចឹង។ មិនបាច់អីពិបាកទេ គ្រាន់តែបាយឆា សម្លតិចតួចហ្នឹងពិសេសពេកទៅហើយ។