មករៀនវិធីចម្អិនបង្គារបំពងខ្ទឹមសសម្រាប់មុខម្ហូបថ្ងៃនេះ

មិត្តនារីដែលជាស្ត្រីមេផ្ទះបានរកនឹកមុខម្ហូបសម្រាប់ថ្ងៃនេះហើយឬនៅ? បើនៅ អាចសាកល្បងធ្វើបង្គារបំពងខ្ទឹមសវិញមើល ងាយៗដូចកញ្ញានឹងបង្ហាញជូនខាងក្រោមនេះ៖

គ្រឿងផ្សំ

-បង្គារស្រស់១គីឡូក្រាម

-ឫសជីង៉ាំង៉ូវ

-ខ្ទឹមស៦កំពិស

-ម្រេចម៉ត់១ស្លាបព្រា

-អំបិល១ស្លាបព្រា

-ម្សៅបំពង

-ប្រេងសម្រាប់បំពង

វិធីធ្វើ

-ដំបូងយកបង្គារមកលាងទឹកឱ្យស្អាត វះយកសរសៃខ្មៅៗនៅខាងខ្នងចេញ បន្ទាប់មកយកទៅប្រឡាក់នឹងម្សៅបំពងឱ្យជាប់តិចៗបានហើយ។

-ដាក់ប្រេងក្នុងខ្ទះឱ្យក្ដៅ សឹមយកបង្គារប្រឡាក់ម្សៅទៅដាក់បំពងឱ្យឡើងក្រហម ដួសទុកមួយអន្លើ។

-យកឫសជីង៉ាំង៉ូវ ខ្ទឹមស បុកចូលគ្នា និងរោយម្រេចពីលើបន្តិចផង។

-យកខ្ទះដែលសល់ពីការបំពងបង្គារមកដាក់ឱ្យក្ដៅឡើងវិញ រួចចាក់គ្រឿងដែលបុកចូលគ្នាខាងលើចូលឱ្យក្រៀម សឹមចាក់បង្គារបំពងរួចចូលច្របល់ឱ្យសព្វជាការស្រេច៕

ប្រភព៖ wongnai ប្រែសម្រួល៖ សរ សុគន្ធី

ពាក្យទាក់ទង

អត្ថបទសំខាន់ ម្ហូបពិសេស វិជ្ជាមេផ្ទះ

ភ្ជាប់ទំនាក់ទំនងជាមួយ Kanha

អត្ថបទពេញនិយម

អត្ថបទថ្មី