មនុស្សស្រី ៧ប្រភេទដែលគ្រាន់តែស្គាល់ភ្លាម គេចង់រត់ប្រាសអាយុគ្រប់គ្នា

2018-02-25 05:25:12
ចំនួនមតិ 0 | ចំនួនចែករំលែក 0

ទោះបីជាស្រស់ស្អាតយ៉ាងណាក្ដី តែបើអ្នកជាប្រភេទមនុស្សដូចខាងក្រោម ក៏គ្មានអ្នកណាចង់រាប់រកដែរ ព្រោះល្អបានតែរូប។ ប្រសិនជាគិតថាខ្លួនស្ថិតនៅក្នុងចំណោមមនុស្សទាំងនេះ គួរកែចេញមុនហួសពេល។

១. ផ្ដោតតែសម្រស់ខាងក្រៅ តែខាងក្នុងរលួយបាត់ហើយ

ការរស់នៅកាន់តែប្រថុចញ៉ុច គ្មានអ្នកណាមានពេលនៅចាំមើលអត្តចរិតយើងទេ ដូចនេះនារីជាច្រើនបានខំប្រឹងធ្វើឲ្យខ្លួនយើងស្អាតជាងមុន។ តែរូបសម្បត្តិក៏គ្រាន់តែជារបស់ក្រៅខ្លួនតែប៉ុណ្ណោះ មិនអាចស្ថិតស្ថេរបានរហូតនោះឡើយ គួរណាស់ផ្ដោតអារម្មណ៍លើអត្តចរិតខ្លួនឯងផង។

២. តែងច្រណែនឈ្នានីសជាមួយមិត្តភ័ក្ដិដូចសត្រូវ

បើសិនជាយើងពូកែជាងគេមែន បង្ហាញឲ្យមនុស្សគ្រប់គ្នាគេឃើញទៅ ចាំបាច់ទៅផ្គើនគេធ្វើអី ពេលឃើញគេបានអីល្អជាងយើង។ បើចាត់ទុកគ្នាជាមិត្តភ័ក្ដិពិតមែន គួរអបអរគេដែលគេទទួលបាននូវអ្វីដែលស័ក្ដិសមនឹងគេ។

៣. ធ្វើចរិតលាក់ពុត

ចរិតពុតត្បុតគឺគ្មានអ្នកណាពូកែលេងដូចដូចពួកគាត់ទេ។ និយាយពីថា ពីមុខយើងឲ្យផ្សេងទៅ តែពីក្រោយខ្នងវិញ ដូចមនុស្ស១ទៀតអីចឹង តាមមិនទាន់ទេព្រះអើយ។

៤. ចរិតទ្រគោះបោះបោក

មិនដឹងថាមកពីគាត់ធំឡើងក្នុងត្រកូលអ្នកមាន ហើយត្រូវបានគេតាមចិត្តឡើងទម្លាប់ឬយ៉ាងម៉េចក៏មិនដឹង តែឲ្យធ្វើអ្វីទើសចិត្តគាត់បន្តិច ដឹងតែគាត់បោះបោកអីវ៉ែអីវ៉ាន់អស់ហើយ លក្ខណៈមិនអាចនិយាយស្ដីបានទេ គឺត្រូវប្រើអំពើហិង្សាតែម្ដង។

៥. ធ្វើដូចមួយពិភពលោកមានតែឯង

ទៅណាមកណាគឺគាត់ត្រូវទាក់ទាញចំណាប់អារម្មណ៍មនុស្សគ្រប់គ្នាទើបគាត់អស់ចិត្ត។ បើគាត់មិនបានធ្វើអ្វីលេចធ្លោឲ្យគេចាប់អារម្មណ៍ទេ គឺគាត់នៅមិនសុខឡើយ។

៦. មួយថ្ងៃៗ បង្ហោះរូប និង status លើបណ្ដាញសង្គមចង់មួយរយប៉ុស្តិ៍

ក្នុងរយៈពេលតែ២៤ម៉ោង បណ្ដាញសង្គមរបស់គាត់គឺពោរពេញទៅដោយ status ដ្រាម៉ា ហើយរូបច្រើនរាប់មិនអស់។ មានអ្វីតែបន្តិចក៏គាត់អាចបង្ហោះបានដែរ។

៧. ខ្ចីលុយហើយដាក់មេប្រូចបាត់

ពេលខ្ចីលុយគេ និយាយពីថាផ្អែមល្ហែមឲ្យស្អិតល្មួត ដល់ពេលខ្ចីបានហើយ មិនបាច់រកទេ សូម្បីតែស្រមោលក៏មិនឃើញដែរ។ ឯអ្នកខ្លះខ្ចីលុយឯងហើយឌឺឯងទៀត ចូលសុទ្ធតែហាងកាលីបៗរួចបង្ហោះលើបណ្ដាញសង្គម រីឯលុយខ្ចីគេវិញមិនខ្ចីសង ៕