ទម្លាប់ ៦យ៉ាងនេះនឹងជួយឲ្យអ្នកអភិវឌ្ឍខ្លួនឯងបានយ៉ាងអស្ចារ្យ

2018-02-20 02:54:12
ចំនួនមតិ 0 | ចំនួនចែករំលែក 0

ការអភិវឌ្ឍខ្លួនគឺចាំបាច់ណាស់សម្រាប់មនុស្សម្នាក់ៗ ព្រោះបើយើងចេះតែនៅមួយកន្លែងមិនរីកចម្រើននោះជីវិតក៏មិនបានល្អប្រសើរនឹងគេដែរ។ អ្នកត្រូវចេះមានទម្លាប់ល្អៗក្នុងការរស់នៅ ក៏ដូចជាហ្វឹកហាត់ខ្លួនឲ្យជោគជ័យ។ ទម្លាប់ ៦យ៉ាងខាងក្រោមនេះនឹងជួយឲ្យអ្នកមានការអភិវឌ្ឍខ្លួនឯងបានយ៉ាងអស្ចារ្យ ៖

១. មិនធ្វើរឿងអីដែលរញ៉េរញ៉ៃ

បើអ្នកចង់ធ្វើអីមួយត្រូវចាប់ផ្ដើមផែនការភ្លាម ថាអ្នកចង់បានអី? ត្រូវផ្ដោតលើគោលដៅដែលអ្នកចង់បាន ដោយមិនរេរាតាមពាក្យរបស់អ្នកផ្សេង។ មិនច្របូកច្របល់លើអ្វីដែលអ្នកត្រូវធ្វើ ព្រោះអាចឲ្យគោលដៅអ្នកគ្មានបានអីឡើយ។

រូបតំណាង

**២. មានសកម្មភាពក្នុងការដណ្ដើមភាពជោគជ័យ**

មានតែគម្រោង មានតែផែនការ ហើយគ្មានសកម្មភាពនោះវាគឺស្មើនឹងសូន្យ។ វាមិនខុសគ្មានអីនៅពេលដែលអ្នកស្រែកទឹកអ្នកត្រូវទៅរកទឹកមកផឹកនោះទេ ដូច្នេះបើអ្នកចង់បានអ្វីមួយនោះ ត្រូវដើរទៅរកវាមិនមែនអង្គុយតែចង់បានឡើយ។

៣. ស្ដាប់យោបល់អ្នកដទៃ យកមកវិភាគ

ត្រូវចេះស្ដាប់គំនិតរបស់អ្នកដទៃ ហើយយកមកពិចារណាថាមួយណាដែលអ្នកត្រូវយកបាន បើគំនិតគេល្អត្រូវទទួលយកមកធ្វើ តែបើមិនល្អទេនោះច្រានចោលទៅ។ មនុស្សជោគជ័យភាគច្រើនគឺស្ដាប់ច្រើនជាងនិយាយ ដូច្នេះទើបពួកគេមានគំនិតទូលាយក្នុងការសម្រេចគោលដៅ។

រូបតំណាង

៤. ចំណាយពេលទៅលើរឿងដែលសំខាន់ៗ

ត្រូវចំណាយពេលវេលាឲ្យត្រូវទៅតាមអ្វីដែលអ្នកចង់បាន និងរឿងសំខាន់ៗដែលចាំបាច់សម្រាប់គោលដៅអ្នក។ បើអ្នកចង់ចេះធ្វើជា Photographer អ្នកត្រូវចំណាយពេលជាមួយអ្វីដែលទាក់ទងនឹងវា ទើបអ្នកចេះ។

៥. ប្រើខួរក្បាលក្នុងការធ្វើការ មិនមែនអារម្មណ៍

ត្រូវប្រើខួរក្បាល បើបញ្ញាមកធ្វើការនោះទើបការងារល្អ តែបើចូលចិត្តប្រើអារម្មណ៍ធ្វើការវិញគឺមិនប្រសើរឡើយ។ កុំធ្វើការល្អព្រោះអ្នកអារម្មណ៍ល្អ បើទុកការងារចោល ឬធ្វើឲ្យរួចតែពីដៃព្រោះអ្នកមិនសប្បាយចិត្ត។

៦. លើកទឹកចិត្តខ្លួនឯងបានគ្រប់ពេល

ពេលដែលខ្លួនឯងចាប់ផ្ដើមជួបរឿងមិនល្អ ត្រូវមានការលើកទឹកចិត្តខ្លួនឯង ព្រោះបើអ្នកក៏បោះបង់ខ្លួនឯងដែរនោះគ្មានអ្នកណាអាចមកជួយលើកអ្នកឡើងវិញបានទេ។ ត្រូវចាំថាថាមពលគឺនៅលើខ្លួនយើង ត្រូវផ្ដល់ថាមពលឲ្យខ្លួនឯងជារៀងរាល់ថ្ងៃនោះគ្រប់យ៉ាងនឹងល្អជាមិនខាន។