ស្រីៗមិនគួរធ្វើរឿង ៥ យ៉ាងដាច់ខាត ពេល Ex ផ្ញើសារមក
- 2018-02-20 02:33:35
- ចំនួនមតិ 0 | ចំនួនចែករំលែក 0
ស្រីៗមិនគួរធ្វើរឿង ៥ យ៉ាងដាច់ខាត ពេល Ex ផ្ញើសារមក
បែកគ្នាហើយ អ្វីៗសុទ្ធតែជាអតីតកាលទាំងអស់។ ដូចនេះហើយអ្នកមិនគួររំលឹក ឬជួប Ex ទៀតទេ ហើយបើគេផ្ញើសារមក អ្នករឹតតែមិនគួរធ្វើរឿង ៥ យ៉ាងនេះដាច់ខាត៖
១.កុំឆ្លើយតបភ្លាមៗ
ការឆ្លើយតបភ្លាមៗអាចត្រូវបានគេវាយតម្លៃថា អ្នកជាមនុស្សស្រីងាយស្រួលរកនៅពេលណាដែលគាត់នឹកឃើញ មិនថាអតីតសង្សារផ្ញើមកក្នុងគោលបំណងអ្វីឡើយ ដាច់ខាត់កុំបើកមើល។ ព្រោះបើមានការបន្ទាន់អ្វីមួយគេប្រាកដជាតេមកមិនខាន។ ប្រសិនបើអ្នកចង់ឆ្លើយតប គួរតែទុកចោលយ៉ាងហោចណាស់ ៥ ទៅ ១០ នាទីដែរ។
២.កុំរំភើប ហើយផ្ញើសារទៅ Ex វិញដូចកាលនៅជាសង្សារ
អ្នកគួរតែគិតអំពីមូលហេតុដែលអតីតមិត្តប្រុសផ្ញើសារទៅអ្នក ឬក៏ព្រោះតែគាត់ទើបតែបែកបាក់ស្នេហាជាមួយអ្នកថ្មី? អ្នកមិនអាចដឹងចម្ងល់ទាំងនេះបានទេ តែអ្វីត្រូវហាមគឺចិត្តខ្លួនឯងកុំឲ្យទៅរំភើបញាប់ញ័រ ហើយតមសារទៅវិញធ្វើដូចនៅជាសង្សារនឹងគ្នា ព្រោះ Ex នឹងគិតថាអ្នកមិនទាន់ ដាច់អាល័យពីគេ។
៣.កុំភ្លេចពីមូលហេតុដែលធ្វើឲ្យអ្នកទាំងពីរបែកគ្នា
អ្នកគួររំលឹកខ្លួនឯងជានិច្ចនូវមូលហេតុដ៏ឈឺចាប់ ដែលគាត់បានចាកចេញពីអ្នកទៅ។ ដូចនេះពេលចងចាំរឿងធ្វើឲ្យអ្នកទាំងពីរបែកគ្នា អ្នកគ្មានចិត្តត្រេកអរនឹងឆ្លើយតបសារ ឬអាចនឹង block លេខ Ex កុំឲ្យមករំខានអ្នកលើកក្រោយទៀតក៏មាន។
៤.កុំផ្ដល់សង្ឃឹមដល់ Ex
ប្រសិនបើអ្នកឆ្លើយតបទៅ ហើយគាត់ព្យាយាមសន្ទនាជាមួយដោយពាក្យផ្អែមល្ហែម ដើម្បីចង់ត្រូវគ្នាវិញ អ្នកគួរតែកុំផ្ដល់អ្វីដែលជាក្ដីសង្ឃឹមកសាងទំនាក់ទំនងឡើងវិញអី។ ការស្រលាញ់គ្នាម្ដងទៀតវាជារឿងងាយស្រួល តែអ្វីដែលពិបាកគឺរក្សាចំណងស្នេហ៍ឲ្យរឹងមាំ និងគង់វង្សយូរអង្វែង។
៥.កុំឲ្យសារនោះមានឥទ្ធិពលលើអ្នក
សូមគិតពិចារណាឡើងវិញពីខ្លឹមសារដែលគាត់ផ្ញើមក បើគ្រាន់តែពាក្យ "សួស្ដី" ពីរម៉ាត់ ហើយក៏បាត់សូន្យ ធ្វើឲ្យអ្នកមានអារម្មណ៍ច្របូកច្របល់ពេញមួយថ្ងៃ។ ពេលខ្លះគេគ្រាន់តែចង់សាកល្បងចិត្តអ្នកថា នៅស្រលាញ់គេទៀតទេ បើគេដឹងថាអ្នកនៅស្រលាញ់ នោះពេលគាត់ខូចចិត្តនឹងស្នេហាថ្មីចាំត្រឡប់មករកអ្នកមួយគ្រាប៉ុណ្ណោះ៕
ចុចអាន៖បើធ្លាប់ខកចិត្ត ឬស្រពិចស្រពិលរឿងស្នេហា សៀវភៅមួយក្បាលនេះអាចជួយអ្នកបាន