អាថ៌កំបាំង៧យ៉ាងក្លាយជានារីសិចស៊ីក្នុងភ្នែកបុរស
- 2018-02-19 09:46:13
- ចំនួនមតិ 0 | ចំនួនចែករំលែក 0
អាថ៌កំបាំង៧យ៉ាងក្លាយជានារីសិចស៊ីក្នុងភ្នែកបុរស
មនុស្សភាគច្រើនតែងយល់ច្រលំថា ពាក្យសិចស៊ីសំដៅលើការពាក់អាវវាលខ្លាំង ខោដល់ថ្នាក់ជែងម៉ូដជាមួយខោក្នុង។ តែអត់ទេ សិចស៊ីនៅទីនេះមិនមានន័យថាអាក្រាតទេណា៎! វាសំដៅលើភាពអស្ចារ្យ ឡូយឆាយដែលពិបាកដកចិត្ត ហើយភាគច្រើនពាក្យសិចស៊ីនេះច្រើននិយាយពីនារីឬបុរសដែលមានមន្តស្នេហ៍កប់ជ្រៅ រហូតអ្នកណាឃើញពិបាកហាមចិត្តស្រលាញ់មិនបាន។ ដើម្បីក្លាយជានារីសិចស៊ី មានចំណុចមួយចំនួនដែលនារីគួរពិចារណា និងធ្វើឱ្យបានជាមុនសិន។
១-ទំនុកចិត្ត
ដើរមើលទៅ តើមាននារីណាម្នាក់ដែលស្អាតហើយខ្វះទំនុកចិត្ត គេហៅថាស្អាតនោះ? មុនពេលអ្នកដទៃអាចផ្ដោតលើយើង យើងត្រូវទុកចិត្តខ្លួនឯង ហើយមុនទុកចិត្តខ្លួនឯងបានត្រូវតែដឹងពីវីធីដែលធ្វើឱ្យពេលចេញទៅក្រៅ ពោរពេញដោយទំនុកចិត្ត។
២-មានជំនឿចិត្ត
មនុស្សស្រីពេញដោយជំនឿចិត្ត គឺជានារីដែលដឹងថាខ្លួនឯងកំពុងទៅណា ជួបមនុស្សបែបណា ហើយគួរស្លៀកពាក់បែបណា? និយាយស្ដីបែបណាដើម្បីបង្កើនភាពលេចធ្លោ? ហើយគួរលេងសើចក្នុងកម្រិតណា?
៣-បង្កើនភាពទាក់ទាញដោយការនិយាយស្ដី
មនុស្សស្រីស្អាត សិចស៊ីអាងលើស្នាមញញឹម សំឡេង និងទឹកដមនៃវាចា។ ពេលខ្លះយើងត្រូវចេញឌឺតិចតួច តែរក្សាស្នាមញញឹមសុភាពរមទម្យ ហើយមានរលកសំឡេងស្រាលៗ តែមិនញ័រ ពេញដោយអំណាចនឹងនរ។
៤-មានចំណេះដឹង
បើយើងគិតពីខាត់ស្បែក ហើយត្អូញថារៀនបានតិចនិយាយស្ដីមិនដល់គេ ម៉េចមិនយកពេលទៅរៀនបន្ថែម? ការអានសៀវភៅ ការនិយាយជាមួយអ្នកដែលគេចេះដឹងច្រើន ការមើលទូរទស្សន៍រករឿងណាដែលមានប្រយោជន៍ ទាំងអស់នេះអាចធ្វើឱ្យយើងចូលសង្គមចុះ ហើយក្លាយជានារីពេញដោយទំនុកចិត្ត។
៥-ការតុបតែង
វាមិនដែលហួសពេលទេក្នុងការតុបតែងខ្លួន កុំឱ្យតែវាហួសហេតុដល់ថ្នាក់ក្មេងច្រឡំថា យក្ខិណីសល់ពីរោងល្ខោន។ សម័យនេះ ក្នុង Internet មានច្រើនណាស់ វិធីផាត់មុខធម្មជាតិ តែងសក់ និងជ្រើសសម្លៀកបំពាក់។
៦-ប្រាក់កាស
នារីមានទំនុកចិត្ត ជានារីមានផែនការច្បាស់លាស់ទៅអនាគត។ នាងមិនដេកចាសំណាង ចាំរាជបុត្រសេះសទេ។ នារីឧស្សាហ៍ព្យាយាម មានជំនាញ មានមុខរបរ មានផែនការអនាគត មានគំនិតមារយាទ ចាត់ទុកថា "Sexy” ក្នុងភ្នែកបុរសៗហើយ។
៧- ស្នេហា
ដល់ចំណុចសំខាន់ហើយ! នារីសិចស៊ីមិនមែនមកពីនាងដោះអាវ ហើយថតផ្ញើទៅមនុស្សប្រុសទេ។ នារីសិចស៊ីដែលប្រុសៗ គ្រប់គ្នាចង់បាន គឺនារីដែលចេះរក្សាខ្លួនប្រាណ ឱ្យតម្លៃខ្លួនឯង និងរក្សាភាពថ្លៃថ្នូរ រហូតដល់ប្រុសៗមិនអាចទ្រាំអត់ធន់បានក្នុងការយកឈ្នះបេះដូងរបស់នាងបាន។
ស្តាប់ លោក ម៉េង ប៊ុនឡូ និយាយរឿងនេះ នៅលើកម្មវិធី Soyo ដោយឥតគិតថ្លៃ!
➡ទាញយកម្មវិធី Soyo ឥឡូវនេះដើម្បីទស្សនារឿងថ្មីៗជាច្រើនឥតគិតថ្លៃនៅលើ Soyo រហូតដល់ថ្ងៃទី២៨ ខែកុម្ភៈ ឆ្នាំ២០១៨។
ទាញយកកម្មវិធី Soyo ដោយឥតគិតថ្លៃឥឡូវនេះតាមរយៈ៖
App Store: https://goo.gl/Fzx11s
Play Store: https://goo.gl/fgJbtB