៦ចំណុចជួយឲ្យនារីកាន់តែលេចធ្លោ និងទាក់ទាញក្នុងក្រសែភ្នែកមនុស្សប្រុស

2018-02-20 01:05:00
ចំនួនមតិ 0 | ចំនួនចែករំលែក 0

ចង់ឲ្យគេចាប់អារម្មណ៍ និងឲ្យតម្លៃខ្ពស់លើអ្នក ដំបូងអ្នកត្រូវមើលពីខ្លួនឯងសិន ថាខ្លួនសមនឹងភាពលេចធ្លោនោះឬនៅ? ៦ចំណុចខាងក្រោមនោះនឹងជួយឲ្យនារីកាន់តែលេចធ្លោ និងទាក់ទាញក្នុងក្រសែភ្នែកមនុស្សជាច្រើន ពិសេសមនុស្សប្រុសតែម្ដង ៖

១. បង្កើនតម្លៃខ្លួនឯងតាមសកម្មភាព

ត្រូវរៀនធ្វើអ្វីដែលបង្ហាញថាខ្លួនឯងមានតម្លៃខ្ពស់ ដូចជាធ្វើការងារដែលល្អៗ រៀនឲ្យបានពូកែ ឬមានភាពរីករាយឲ្យបានច្រើន។ នៅពេលដែលអ្នកមានតម្លៃកាន់តែល្អ មនុស្សដែលសម្លឹងមករកអ្នកក៏ជាមនុស្សដែលពិសេសៗដែរ។

រូបតំណាង

**២. មានទំនុកចិត្តលើខ្លួនឯង**

អ្នកត្រូវធ្វើជាមនុស្សស្រីដែលមានទំនុកចិត្តលើខ្លួនឯង ទាំងសម្រស់ ទាំងចំណេះដឹង និងបង្ហាញឲ្យគាត់ឃើញថាអ្នកមិនមែនជាមនុស្សដែលគេងាយបោកប្រាស់ ឬយកបានដោយស្រួលនោះឡើយ។ ម្យ៉ាងទៀតការមានភាពជឿជាក់លើខ្លួនឯង ក៏ធ្វើឲ្យគេកាន់តែចង់បានអ្នក។

៣. មានជីវិតផ្ទាល់ខ្លួន

ជាមនុស្សស្រីដែលមានជីវិតផ្ទាល់ខ្លួនគឺមើលទៅមានភាពពិសេសបំផុតព្រោះអ្នកមិនចាំបាច់ខ្វល់ខ្វាយច្រើនទៅលើរឿងផ្សេង។ ការរីករាយជាមួយគ្រួសារ ការកម្សាន្តជាមួយមិត្តភក្តិ និងពេលវេលាផ្ទាល់ខ្លួននៅតែជាអ្វីដែលអ្នកត្រូវតែមាន ព្រោះនេះបានបង្ហាញថាអ្នកមិនមែនជាមនុស្សស្រីដែលជំពាក់ជំពិនលើស្នេហាច្រើន។

រូបតំណាង

៤. រាប់អានមនុស្សល្អៗ

គ្រាន់តែមើលមនុស្សដែលអ្នករាប់អានក៏អាចអាចដឹងថាអ្នកជាមនុស្សបែបណាទៅហើយ ដូច្នេះការរាប់អានមនុស្សត្រូវតែប្រយ័ត្នប្រយែង។ ត្រូវចេះជ្រើសរើសរាប់អានមិត្តដែលល្អៗ មានប្រយោជន៍ហើយជាពិសេសអត្តចរិតល្អ។

៥. មានភាពរឹងមាំ

អ្នកត្រូវធ្វើជាមនុស្សស្រីដែលរឹងមាំ ជាពិសេសក្នុងរឿងស្នេហាតែម្ដង។ ត្រូវមានអ្វីដែលជារបស់ខ្លួនមិនមែនចាំតែតាមគេតាមឯងឡើយ ត្រូវរៀនធ្វើអ្វីដោយខ្លួនឯង ដោះស្រាយបញ្ហាដោយខ្លួនឯងដោយមិនបាច់ពឹងគេ។

៦. រៀបចំខ្លួនឲ្យបានសមរម្យ និងថ្លៃថ្នូរ

ការរៀបចំខ្លួនក៏ជាចំណុចពិសេសមួយដែរ ដូច្នេះអ្នកត្រូវចេះជ្រើសរើសសំលៀកបំពាក់ណាដែលសមសួន និងពាក់ជាប់ខ្លួនទៅស្រស់ស្អាត ថ្លៃថ្នូរ។ ម្យ៉ាងទៀតត្រូវដឹងថាពេលណាត្រូវស្លៀកពាក់អី ព្រោះបើខុសកាលៈទេសៈនោះ អ្នកអាចត្រូវបានគេគិតថាមិនដឹងពីសង្គមច្រើន។