ឆ្លងកាត់ពេលវេលាទាំង ៥នេះ ទើបមនុស្សអាចយល់អត្ថន័យជីវិតខ្លួនច្បាស់

2018-02-12 07:52:00
ចំនួនមតិ 0 | ចំនួនចែករំលែក 0

ការចំណាយចោលមួយថ្ងៃៗជាមួយរឿងរ៉ាវជាច្រើនជាបន្តបន្ទាប់ ធ្វើឲ្យពេលខ្លះយើងភ្លេចគិតគូរថាតើធ្វើយ៉ាងណាដើម្បីឲ្យជីវិតមួយនេះរស់មានន័យ។ ទីបំផុតដល់ពេលមួយដែលមិនអាចបកក្រោយបាន ទើបមានអារម្មណ៍ថាស្ដាយក្រោយ ហើយអ្វីដែលខ្លួនបានខិតខំចំណាយពេលរកមកស្ទើរមួយជីវិតនោះ ក៏ប្រែជាលែងមានន័យ។ សម្រាប់មនុស្សភាគច្រើន ទាល់តែធ្លាប់ជួបស្ថានភាពទាំង ៦នេះ ទើបពួកគេអាចយល់ពីជីវិតច្បាស់បំផុត៖

រូបតំណាង

**១. នៅពេលជួបទុក្ខលំបាក**

នៅពេលជួបទុក្ខលំបាក យើងនឹងបានដឹងថាអ្នកណាគឺជាមិត្តពិតប្រាកដ ហើយទៅថ្ងៃខាងមុខយើងនឹងដឹងថាគួរជ្រើសរើសសេពគប់មនុស្សប្រភេទណា។

២. ពេលធ្លាក់ខ្លួនឈឺ

ពេលធ្លាក់ខ្លួនឈឺ មនុស្សនឹងឲ្យតម្លៃលើរាងកាយរបស់ខ្លួននៅលំដាប់ទី១ ក្រៅពីនេះគឺគ្មានន័យទាំងអស់ ព្រោះថាបើរាងកាយប្រើការអ្វីលែងបានហើយ អ្វីដែលមានជាប់ខ្លួនក៏លែងមានន័យតទៅទៀតដែរ។

៣. នៅពេលចូលនិវត្តន៍

មិនថានៅពេលធ្វើការអ្នកមានតួនាទីតូច ឬធំ នៅថ្ងៃមួយអ្នកក៏ត្រូវក្លាយជាមនុស្សចាស់ដែលចូលនិវត្តន៍ដូចៗគ្នា។

៤. នៅពេលជាប់គុក

ធ្វើល្អបានល្អ ធ្វើអាក្រក់បានអាក្រក់ ប៉ុន្តែបើធ្វើល្អមិនទាន់បានល្អ ធ្វើអាក្រក់បែរមិនបានអាក្រក់ នោះគឺដោយសារបុណ្យ និងបាបពីអតីតកាលមិនទាន់អស់។ ថ្ងៃណាដែលបុណ្យនិងបាប ក្នុងអតីតកាលនោះអស់ បាបកម្មដែលខ្លួនធ្លាប់បានសាងនឹងត្រូវតបស្នងយ៉ាងស័ក្ដិសម។

៥. ពេលជិតដាច់ខ្យល់

កើតមកមិនយកអ្វីមកបាន ស្លាប់ទៅក៏យកអ្វីត្រលប់ទៅវិញមិនបានដូចគ្នា។ នៅពេលនោះ គ្រប់យ៉ាងដែលខំស្រវេស្រវារកមក ក៏ប្រៀបដូចជាទឹកសន្សើមដក់លើផ្កាស្មៅ ដែលត្រូវហួតហើរអស់ទៅវិញពេលព្រះអាទិត្យរះ។

ដូច្នេះមានជីវិត សូមគិតល្អ និយាយល្អ ធ្វើល្អ រស់នៅជាមួយបច្ចុប្បន្ន ថ្នាក់ថ្នមពេលវេលាដែលមាននៅពេលនេះដោយផ្ដល់ក្ដីសុខឲ្យជីវិតខ្លួនឯង និងមនុស្សជុំវិញខ្លួនខ្លះ ៕

ចុចអាន៖

ប្រភព៖ NusonBooks ប្រែសម្រួល៖ ស្វាយ វ៉ាន់ថន