អ្នកនឹងភ្ញាក់ផ្អើលរឿង ៥ យ៉ាងនេះ បន្ទាប់ពីឈប់រិះថាំសន្សំលុយទុក

2018-02-02 07:00:00
ចំនួនមតិ 0 | ចំនួនចែករំលែក 0

មិនប្រាកដថាការព្យាយាមសន្សំលុយ អ្នកអាចទទួលបានជោគជ័យទេរហូតទេ។ ផ្ទុយទៅវិញអ្នកខ្លះរឹតតែអស់ក៏មានដែរ ដូចនេះបើបញ្ឈប់ឥឡូវនេះអ្នកនឹងភ្ញាក់ផ្អើលចំពោះរឿង ៥ យ៉ាងនេះ៖

១.នៅពេលអ្នកព្យាយាមកាន់តែខ្លាំង ប៉ុន្តែអ្នកមិនអាចទទួលជោគជ័យ

នៅពេលមានប្រាក់ អ្នកទុកវាទាំងអស់ មិនហ៊ានចាយវាយឡើយ។ សំណួរសួរវាថាតើអ្នកបានអ្វីញ៉ាំ? នៅពេលគ្មានប្រាក់ក្នុងខ្លួនសោះ អ្នកប្រាកដជាទៅដកលុយទាំងនោះមកចាយវិញ ហើយការដកម្ដងម្ដងបន្តិចនេះ គឺអស់គ្មានសល់តែម្ដង។ វិធីល្អត្រូវចេះបែងចែកប្រាក់ទុកពេលមានអាសន្ន ២០ ភាគរយនៃប្រាក់ដែលរកបានជាប្រចាំខែ។

រូបតំណាង

**២.មិនអាចមានប្រាក់សល់**

អ្នកខ្លះព្យាយាមរិះថាំ ដើម្បីទុកប្រាក់សន្សំវិញ។ ព្រោះតែការរិះថាំមិនហ៊ានទទួលទានអ្វីដែលមានជីវជាតិល្អ ធ្វើឲ្យសុខភាពចុះខ្សោយ ហើយជំងឺរួមរឹតពេញខ្លួន ពេលនោះលុយដែលសន្សំបានតិចតួចផង ត្រូវចំណាយមើលជំងឺអស់គ្មានសល់ ហើយអ្នកខ្លះអាចឈានដល់ការខ្ចីគេបន្ថែមទៀត។ អ្នកគួរតែទុកលុយ សម្រាប់ញ៉ាំអាហារដែលល្អផ្ដល់កម្លាំងដល់រាងកាយ ពេលនោះប្រាក់នឹងសល់ដោយខ្លួនឯង។

៣.អាចគេងគ្រប់គ្រាន់ឡើងវិញ

អ្នកខ្លះខិតខំគិតពីការធ្វើរបៀបណាឲ្យសល់លុយ រហូតគេងមិនលក់។ តែបើអ្នកឈប់គិតដោយគ្រាន់តែចេះបែងចែកការចំណាយឲ្យមានរបៀប នោះអ្នកអាចគេងលក់បានដោយស្កប់ស្កល់វិញបាន។ កាលណាដំណេកបានល្អ នោះវាជួយឲ្យអ្នកមានខួរក្បាលភ្លឺស្វាងល្អ គិតអ្វីក៏ឃើញ និងអាចរកចំណូលអ្វីថ្មីបន្ថែមការងារចាស់ ពេលនោះប្រាក់នឹងនៅដោយឯងៗ។

៤.លែងមានសម្ពាធផ្លូវចិត្ត និងកាយ

មនុស្សដែលព្យាយាមសន្សំលុយភាគច្រើនតែងទទួលរងសម្ពាធ ព្រោះពួកគេព្យាយាមធ្វើបែបណាឲ្យសល់ប្រាក់។ ទង្វើបែបនេះវាប៉ះពាល់ដល់ខួរក្បាល និងផ្លូវចិត្ត ហើយសុខភាពក៏ថមថយទៅដាមនោះដែរ។ តែពលអ្នកឈប់វានឹងលេងមានសម្ពាធមកគ្រប់គ្រងអារម្មណ៍ ក៏ដូចជាធ្វើឲ្យអ្នកមានជីវិតរីករាយឡើងវិញ។

៥.ការរស់នៅសមសួនជាងមុន

ក្រោយពេលអ្នកឈប់ព្យាយាមរិះថាំ ជីវិតអ្នកនឹងមានពន្លឺជាងមុន ហើយរូបសម្រស់ក៏ប្រែប្រួលទៅតាមនោះដែរ។ អ្វីដែលត្រូវចងចាំគឺអ្នកធ្វើអ្វីដែលអាចជួយដល់រាងកាយជាមុនសិន ចាំគិតពីប្រាក់តាមក្រោយ។