ចង់ក្លាយជានារីចេះល្អិតល្អន់រឿងលុយកាក់ មុនទិញទំនិញគិត ៤ ចំណុចនេះសិន

2018-02-01 07:10:33
ចំនួនមតិ 0 | ចំនួនចែករំលែក 0

មនុស្សស្រីភាគច្រើនមានចំណង់ខាង shopping នេះតែម្ដង រហូតពេលខ្លះធ្វើឲ្យការចំណាយមានភាពខ្ជះខ្ជាយខ្លាំង និងធ្វើឲ្យបាត់បង់តុល្យភាពហិរញ្ញវត្ថុ។ ដូចនេះបើមិនចង់ឲ្យគេថា មិនចេះគិតគូរលុយកាក់ មុនទិញទំនិញត្រូវពិចារណាបញ្ហា ៤ យ៉ាងនេះសិន៖

១.ពេលមានរឿងមិនល្អកើតឡើងចំពោះអ្នក

ប្រសិនបើអ្នកបណ្ដោយឲ្យការទិញទំនិញពេលមានអារម្មណ៍មិនល្អ នោះអ្នកនឹងក្លាយជាមនុស្សស្រីមានទម្លាប់មិនល្អ។ ព្រោះមានតិចថ្ងៃណាស់ដែលមនុស្សមានអារម្មណ៍ល្អ ហើយថ្ងៃស៊យ ស្រ្តេស ឬរឿងមិនល្អកើតឡើងជាញឹកញាប់។ ពេលអារម្មណ៍មួម៉ៅអ្នកពិតជាចង់បញ្ចេញកំហឹង ដោយវិធីបែបនេះ តែគួរបញ្ឈប់ និងងាកមកសរសេរជាកំណត់ហេតុ ឬហាត់កីឡាវិញល្អជាង។

២.ឃើញថាជារបស់កម្រ

ទោះរបស់នោះជារបស់កម្រ ក៏ដោយបើមិនចាំបាច់ក្នុងជីវិតមិនត្រូវចំណាយលើវាទេ។ មនុស្សស្រីមួយចំនួនពេលទៅផ្សារ ឬឃើញគេផ្សព្វផ្សាយថាមានរបស់ល្អទើបមកដល់ព្រមទាំងបញ្ចុះតម្លៃ ហើយមានលក្ខណៈ brand ផងនោះ ពិតជាជ្រួលច្របល់ទៅទិញទុក ទាំងមិនមានតម្រូវការ។ គួរចងចាំទុកថា សម្ភារៈ ឬអាហារដែលក្នុងជីវិតអាចរស់បានដោយគ្មានវា មិនគួរទិញទេ។

៣.ដើម្បីប្រកួតប្រជែង

អ្នកខ្លះយកលុយទៅបំផ្លាញចោល ដោយសារការប្រកួតប្រជែងសម្ភារៈនិយម។ អ្នកត្រូវគិតថា ទោះសំលៀកបំពាក់ គ្រឿងអេឡិចត្រូនិកគឺវាចេញមិនចេះចប់ឡើយ ហើយបើអ្នកព្យាយាមដេញតាមវា នោះអ្នកនឹងមិនសល់អ្វីជាប់ខ្លួន។

៤.កុំចាំតែរបស់ថ្មី

របស់ខ្លះ ទោះជាវាចាស់ហើយក៏យើងអាចប្រើវាបានដែរ ទាល់តែខូចលែងដំណើរការចាំបោះបង់។ កុំចាំតែរបស់ថ្មីពេក ព្រោះពេលខ្លះមិនប្រាកដថាអាចប្រើបានដូចរបស់ចាស់ឡើយ៕

ចុចអាន៖

ប្រភព៖ Shape ប្រែសម្រួល៖ ទ្រី រ៉ាវី