បែកបាក់ស្នេហាមិនមែនជាបញ្ហាសម្រាប់នារីឡើយ តែរឿង ៥ យ៉ាងនេះទើបធ្វើឲ្យឈឺចាប់
- 2018-01-09 02:28:37
- ចំនួនមតិ 0 | ចំនួនចែករំលែក 0
បែកបាក់ស្នេហាមិនមែនជាបញ្ហាសម្រាប់នារីឡើយ តែរឿង ៥ យ៉ាងនេះទើបធ្វើឲ្យឈឺចាប់
ពេលបែកបាក់ស្នេហាភាគីណាក៏ឈឺចាប់ដែរ តែខាងនារីតែងតែធ្ងន់ធ្ងរជាងជានិច្ច។ តាមពិតភាពប្រេះឆាមិនមែនជាបញ្ហាឡើយ តែព្រោះរឿង ៥ យ៉ាងនេះទៅវិញទេ ទើបធ្វើឲ្យមានសភាពទ្រុឌទ្រោមខ្លាំង៖
១.ស្ដាយពេលវេលា
ប្រាកដណាស់ថាបែកគ្នា រឿងដំបូងដែលបណ្ដាលឲ្យអ្នកយំសោកបោកខ្លួនខ្លាំងនោះ គឺជាការស្ដាយពេលចំណាយជាមួយអតីតដៃគូច្រើនលើសលប់។ ពេលខ្លះនឹកឃើញរឿងធ្វើជាមួយគេ ទាំងភ្លេចគិតពីអ្នកជុំវិញខ្លួន រឹតតែសោកស្ដាយថែមទៀត។
**២.នឹកឃើញអនុស្សាវរីយ**
ពេលនឹកដល់គ្រាដែលធ្លាប់ផ្អែមល្ហែម ទឹកភ្នែកអ្នកនឹងហូរមកដោយឯងៗ។ ជាពិសេសពេលបានឆ្លងកាត់កន្លែងដែលធ្លាប់ទៅណាមកណាជាមួយគ្នាទៀតនោះ រឹតតែក្ដុកក្ដួលថែមមួយកម្រិតទៀត។
៣.ត្រូវអ្នកដទៃសួរនាំ
ក្រោយបែកមនុស្សស្រីអាចធ្វើចិត្តបានហើយ តែមកពីមានមិត្តភ័ក្ដិ ឬសាច់ញាតិសួរនាំ ឬរំលឹកឈ្មោះគេឲ្យអ្នកឮ ធ្វើឲ្យការឈឺចាប់រឹតតែកើនទ្វេ។ ស្រីៗក្រោយបែកហើយ គឺឆាប់ធ្វើចិត្តបានណាស់ គ្រាន់តែមិនទាន់ដាច់ស្រឡះទាំងស្រុងតែប៉ុណ្ណោះ តែក្រោយពេលមានអ្នកមកសួរនាំពីបញ្ហានោះម្ដងទៀត ទើបអាការៈរើឡើងវិញ។
៤.ការចង់ឈ្នះ
អ្នកខ្លះក្រោយបែកគ្នាបែរជាមានគំនិតចង់ឈ្នះ ចង់ចាញ់ជាមួយអតីតសង្សារ រហូតយកអ្នកថ្មី ដើម្បីបញ្ឈឺចិត្ត។ វិធីបែបនេះ មានតែធ្វើឲ្យអ្នកកាន់តែអាឡោះអាល័យគេទៅវិញទេ។
៥. គេចវេះពីការពិត
នារីខ្លះគាត់មិនហ៊ានប្រឈមមុខនឹងបញ្ហា ទើបចេះតែគេចវេះមិនព្រមទទួលស្គាល់ការពិតថា អ្នកទាំងពីរបែកគ្នា។ អ្នកមានសភាពបែបនេះច្រើនតែចូលចិត្តសម្ងំលាក់ខ្លួនម្នាក់ឯង និងរំលឹករឿងកន្លងដែលធ្លាប់មានជាមួយគ្នា៕
ចុចអាន៖យល់ល្អពេលនៅជាសង្សារកុំទាន់ Show off ពេកអី ព្រោះនឹងអាចប្រឈមនឹងរឿងនេះ