គ្រោះថ្នាក់ ៦យ៉ាងនៃការលង់ស្រឡាញ់មិត្តភក្ដិខ្លួនឯង

2018-01-08 04:02:53
ចំនួនមតិ 0 | ចំនួនចែករំលែក 0

ក្រៅពីគុណសម្បត្តិ ការផ្លាស់ប្ដូរពីមិត្តភាពមកស្នេហាក៏មានផលវិបាកមួយចំនួន គួរឲ្យគត់សម្គាល់ផងដែរ។ តើអ្នកត្រៀមខ្លួនក្នុងការទទួលយកវាបានហើយឬនៅ? វាជាការសម្រេចចិត្តដ៏ធំមួយ ព្រោះអ្នកទាំងពីរត្រូវប្រឈមមុខជាមួយការបាត់បង់មិត្តល្អម្នាក់ ប្រសិនបើទំនាក់ទំនងថ្មីនេះបរាជ័យ។ បើចង់ដឹងច្បាស់ ថាតើគ្រោះថ្នាក់ ឬគុណវិបត្តិនៃការស្រឡាញ់មិត្តភក្ដិខ្លួនឯងមានអ្វីខ្លះ ខាងក្រោមនេះជា០៦ចំនុចដែលអ្នកគួរតែសិក្សាស្វែងយល់៖]

១. ហានិភ័យនៃការបដិសេធ

វាអាចជាអារម្មណ៍របស់អ្នកតែម្ខាង។ ពេលខ្លះគេគិតចំពោះអ្នកត្រឹមតែជាមិត្តល្អ ហើយអ្នកម្នាក់ឯងដែលយល់ច្រឡំ។ ប៉ុន្តែពេលខ្លះទាល់តែអ្នកហ៊ានសារភាពទើបអ្នកអាចប្រាកដចិត្ត ស្រួលមិនស្រួលគេអាចស្រឡាញ់អ្នកដូចគ្នា។ ប្រសិនលទ្ធផលអវិជ្ជមាន ជឿថាអ្នកប្រាកដជាមិនអាចត្រឡប់ទៅរកទំនាក់ទំនងល្អដូចពីមុនបានទៀតទេ។

រូបតំណាង

**២. មិនសូវមានអាថ៌កំបាំង**

អ្នកទាំងពីរស្គាល់គ្នាច្បាស់ ដូច្នេះអ្នកនឹងបាត់បង់ឧកាសទទួលបានអារម្មណ៍រំភើប រំជើបរំជួល ដូចគូស្នេហ៍ដែលទើបតែរៀនស្គាល់គ្នា នៅក្នុងដំណាក់កាលស្នេហាដំបូងៗ។

៣. ការផ្លាស់ប្ដូរ៣៦០ដឺក្រេ

ជាមិត្តនិងគ្នាយូរពេល ដល់ពេលចាប់ផ្ដើមធ្វើសកម្មភាពគូស្នេហ៍ជាមួយគ្នា បែរជាមានអារម្មណ៍អៀន ឆ្គង មិនស្រួលក្នុងខ្លួន ខុសពីអ្វីដែលខ្លួនរំពឹងទុកពីមុន។

៤. ដឹងអំពីប្រវត្តិស្នេហ៍ចាស់ៗ

អ្នកទាំងពីរធ្លាប់ចែករំលែក រឿងរ៉ាវប្រវត្តិស្នេហាចាស់ៗ ក៏ដូចជារឿងអាម៉ាស់រវាងគ្នានិងគ្នាជាច្រើន ដែលអ្នកអាចនឹងស្តាយក្រោយក្នុងការប្រាប់ក្រោយចាប់ផ្ដើមទំនាក់ទំនងថ្មី។

រូបតំណាង

៥. ឃើញមួយផ្នែកទៀតរបស់គេ

ពេលជាមិត្ត អ្នកទាំងពីរត្រូវគ្នាណាស់ តែដល់ពេលក្លាយជាគូស្នេហ៍ គេអាចប្រែប្រួលពីបាតដៃមកខ្នងដៃ។ ជំលោះ ការខកចិត្តអាចកើតឡើងនៅពេលគេប្រែប្រួលលើសពីអ្វីដែលអ្នករំពឹងទុក ឬខុសពីមិត្តដែលអ្នកធ្លាប់ស្គាល់ពីមុនខ្លាំង។

៦. បាត់បង់មនុស្សសំខាន់

បាត់បង់ទាំងមិត្ត បាត់បង់ទាំងគូស្នេហ៍ពិតជារឿងដែលខូចចិត្តបំផុត។ ពាក្យចាស់ពោលថា មិត្តអាចក្លាយជាស្នេហា ប៉ុន្តែស្នេហាមិនអាចក្លាយជាមិត្តគឺពិតជាត្រឹមត្រូវ ព្រោះអ្នកទាំងពីរឆ្លងកាត់រឿងរ៉ាវជាមួយគ្នាច្រើនពេល ដូច្នេះវាពិបាកក្នុងការត្រឡប់ទៅរកចំនុចដើមវិញបានណាស់៕