មេដឹកនាំ ៤ ប្រភេទ ដែលទទួលបានជោគជ័យបំផុតក្នុងជីវិតការងារ

2018-01-04 09:26:32
ចំនួនមតិ 0 | ចំនួនចែករំលែក 0

មានអ្នកដឹកនាំជាច្រើនប្រភេទ នៅក្នុងជីវិតការងារ ហើយអ្នកទាំងនោះអាចនាំភាពជោគជ័យតាមរបៀបផ្សេងៗគ្នា។ មិនថាអ្នកជានិយោជក ឬនិយោជិកទេ អ្នកគឺជាមេដឹកនាំរួចហើយ បើចង់ក្លាយជាអ្នកដឹកនាំជោគជ័យបំផុតក្នុងជីវិតការងារ គួរតែជា ៤ ប្រភេទខាងក្រោម៖

១.ជាគ្រូបង្វឹកផង អ្នកដឹកនាំផង

នេះគឺជាផ្នែកមួយនៃរចនាប័ទ្មដ៏ល្អបំផុតនៃភាពជាអ្នកដឹកនាំគេ។ ហេតុអ្វីគ្រាន់តែជាគ្រូបង្វឹកផង អ្នកដឹកនាំផង អាចទទួលបានជោគជ័យក្នុងជីវិត? ព្រោះអ្នកនៅក្រោមឱវាទ ទំនងជាខិតខំធ្វើការជាមួយមនុស្សប្រភេទនេះ ជាង ដោយពេលខ្លះពេលគេមិនយល់ហើយអ្នកដឹកនាំដាក់ខ្លួនទៅពន្យល់ ទើបគេសប្បាយចិត្តនឹងធ្វើការ។ មេដឹកនាំផង គ្រូបង្វឹកផង ជួយក្រុមរបស់ពួកគេឲ្យរៀន និងរីកចម្រើន។ ត្រូវចាំថា អ្នកដឹកនាំមិនដែលឈប់រៀនខ្លួនឯង ហើយចង់ចែករំលែកចំណេះដឹងរបស់ពួកគេទៅអ្នកដទៃឡើយ តែគេរៀនបណ្ដើរ ហើយចែករំលែកបណ្ដើរ។

រូបតំណាង

**២.ថ្នាក់ដឹកនាំដែលមានអំណាច**

ថ្វីបើអ្នកដឹកនាំប្រភេទនេះត្រូវបានចាត់ទុកជាប្រភេទនៃអ្នកដឹកនាំដ៏អាក្រក់បំផុតក៏ដោយ តែពួកគេមានអំណាច និងដឹងពីរបៀបប្រើ ដើម្បីសម្រេចគោលដៅ។ ពួកគេអាចព្យាករណ៍ពីបញ្ហាប្រឈមបានជាមុន ហើយធ្វើអ្វីៗដើម្បីជៀសវាង ឬទប់ទល់នឹងបញ្ហាពេលមកដល់។ វិន័យគឺជាអាទិភាពសម្រាប់ពួកគេ។ ថៅកែមានអំណាច និងមានកេរ្តិ៍ឈ្មោះដ៏អាក្រក់ ប៉ុន្តែពួកគេគឺជាអ្នកជួយឲ្យអ្នកឈានដល់ភាពជោគជ័យរបស់អ្នកនៅក្នុងជីវិត។

៣.អ្នកដឹកនាំប្រជាធិបតេយ្យ

ធ្វើការនៅក្រោមអ្នកដឹកនាំប្រជាធិបតេយ្យធ្វើឲ្យខ្លួនឯងបានបើកចំហគំនិតថ្មី និងមានលទ្ធភាពបញ្ចេញមតិយោបល់ឆ្លើយឆ្លងទៅថ្នាក់លើខ្លួន។ ពួកគេមានជំនាញក្នុងការស្ដាប់ដ៏អស្ចារ្យ និងវិធីធ្វើឲ្យសមាជិកក្រុមទាំងអស់គោរពគេ។ ប្រសិនបើនរណាម្នាក់នៅក្នុងក្រុម មានចំណេះដឹងច្រើនជាងខ្លួន ពួកគេពិតជាសប្បាយរីករាយជាងការខកចិត្ត។ ម្យ៉ាងទៀតអ្នកដឹកនាំប្រជាធិបតេយ្យ គឺមានភាពបត់បែន និងជួយឲ្យក្រុមមានសកម្មភាពច្រើន។

៤.អ្នកដឹកនាំមានអ្វីថ្មីជានិច្ច

ការបំផុសគំនិត គឺជាផ្នែកមួយនៃភាពជោគជ័យ និងជាការលើកទឹកចិត្តខ្ពស់បំផុតសម្រាប់ក្រុម។ មេដឹកនាំប្រភេទនេះនៅជាប់នឹងសមាជិកក្រុមនីមួយៗ ហើយព្យាយាមធ្វើជាគំរូ ដើម្បីបង្កើនកម្រិតផលិតភាពសរុបនៅក្នុងការិយាល័យ។ ចរិតអ្នកដឹកនាំប្រភេទនេះមិនចេះបន្ទោសកូនក្រុមឡើយ តែបង្រៀនការងារ និងដំណោះស្រាយដល់អ្នកខុសទៅវិញ៕