ធ្វើយ៉ាងណាទើបអាចកែប្រែខ្លួនឯង? ៤ ជំហាននេះអាចជួយផ្លាស់ប្ដូរអ្នកបាន

2018-01-03 10:00:00
ចំនួនមតិ 0 | ចំនួនចែករំលែក 0

ក្នុងឆ្នាំថ្មីមនុស្សប្រាកដជាចង់ផ្លាស់ប្ដូរជីវិតខ្លួនឯងឲ្យកាន់តែប្រសើរ។ តែបញ្ហាទាស់ត្រង់ថា ធ្វើយ៉ាងណាទើបអាចកែប្រែខ្លួនឯងបានទៅ? កញ្ញា នឹងបង្ហាញពីវិធីកែប្រែខ្លួនឯងនៅខាងក្រោមនេះ៖

១.បង្កើតសមិទ្ធផលឲ្យបាន

បើអ្នកពិតជាចង់កែប្រែពិតមែន ត្រូវដាក់កំហិតខ្លួនឯងឲ្យតឹងរ៉ឹង ដោយអាចបង្កើតសមិទ្ធផលអ្វីថ្មីយ៉ាងហោចណាស់ ៣ ក្នុងឆ្នាំនេះ។ ពេលអាចបង្កើតអ្វីបានហើយ នោះអ្នកនឹងមានទម្លាប់ខំរកអ្វីថ្មីមកបន្ថែមទៀត។

២.ស្វែងយល់ពីគំនិតបុគ្គលជោគជ័យ

គួរតែអានសៀវភៅដែលសរសេរឡើងដោយបុគ្គលជោគជ័យមួយចំនួន ព្រោះគំនិតជ្រៅជ្រះរបស់ពួកគេអាចជួយឲ្យអ្នកមកកែប្រែខ្លួនឯងបាន។

៣.ព្យាយាមរកបទពិសោធន៍ថ្មីៗ

បើអ្នកគិតថាការងាររាល់ថ្ងៃនេះលែងផ្ដល់ចំណេះដឹងហើយ គួរតែស្វែងរកការងារថ្មីមួយទៀត ដើម្បីជំរុញខ្លួនឯងឈានទៅដល់រកអ្វីបានប្លែក។ បើអ្នកនៅស្រលាញ់កន្លែងការងារចាស់ មិនបាច់ប្ដូរក៏បានដែរ តែគួរចុះឈ្មោះរៀនវគ្គខ្លីៗទាក់ទងនឹងចំណង់ចំណូលចិត្ត។

៤.ជឿជាក់លើខ្លួនឯង

ចង់ឲ្យខ្លួនឯងផ្លាស់ប្ដូរ ត្រូវតែមានការតាំងចិត្ត ហើយបន្ទាប់ពីតាំងចិត្តគឺត្រូវជឿជាក់ចំពោះខ្លួនឯង ថាអាចធ្វើរឿងថ្មីបាន៕

ចុចអាន៖ចូល ២០១៨ ហើយ ដូច្នេះមនុស្សគ្រប់រូបគួរតែចាប់ផ្ដើមទម្លាប់ល្អ ៥ យ៉ាងនេះ!

ប្រភព៖ Careergirldaily ប្រែសម្រួល៖ ទ្រី រ៉ាវី