ធ្វើឲ្យឆ្នាំ ២០១៨ ក្លាយជាឆ្នាំដ៏អស្ចារ្យបំផុតតាមវិធីសាស្រ្តទាំងនេះ

2018-01-04 03:12:37
ចំនួនមតិ 0 | ចំនួនចែករំលែក 0

មួយឆ្នាំៗមានរឿងជាច្រើនបានកើតឡើងក្នុងជីវិតយើងម្នាក់ៗ ឆ្នាំខ្លះក៏មានរឿងល្អច្រើន ហើយឆ្នាំខ្លះទៀតក៏ធ្វើឲ្យយើងឈឺចាប់ច្រើនដែរ។ ឆ្នាំថ្មីនេះ កញ្ញា ចង់ឲ្យអ្នកទាំងអស់គ្នាអាចមានភាពរីករាយ និងជោគជ័យច្រើន ហើយនឹងធ្វើឲ្យឆ្នាំ ២០១៨ ក្លាយជាឆ្នាំដ៏អស្ចារ្យបំផុតដោយចាប់យកវិធីសាស្រ្តទាំងនេះ ៖

១. នាំយកគោលដៅរបស់អ្នកទៅកាន់វគ្គបន្ទាប់

បើសិនជាឆ្នាំមុនអ្នកអាចចូលធ្វើការជាអ្នករត់តុ តែឆ្នាំនេះអ្នកមិនអាចធ្វើការងារនេះបន្តនោះទេ ត្រូវឡើងទៅវគ្គបន្ទាប់ជាអ្នកគិតលុយ ឬមានការងារណាល្អជាងនេះ។ បើអ្នកមិនបោះជំហានទៅមុខទេ គោលដៅជីវិតក៏មិនអានបន្តទៅកាន់តែខ្ពស់បានដែរ។

រូបតំណាង

**២. តឹងរឹងចំពោះការសន្សំលុយ**

ឆ្នាំថ្មី អ្នកក៏គួរមានផែនការសន្សំថ្មីដែរ ប្រសិនឆ្នាំមុនអ្នកមិនមានលុយសល់ច្រើននោះ ឆ្នាំនេះអ្នកត្រូវប្រាកដប្រជាជាមួយវា។ ផែនការដែលអ្នកគ្រោងនឹងធ្វើក្នុងឆ្នាំថ្មី គឺត្រូវចំណាយលុយ ដូច្នេះបើអ្នកលេងសើចជាមួយការចាយវាយផ្ដេសផ្ដាស ផែនការអ្នកក៏អាចនឹងរបូតទៅតាមហ្នឹងដូចគ្នា។

៣. បែងចែកពេលវេលាអ្នកឲ្យបានត្រឹមត្រូវបំផុត

គួររៀបចំកាលវិភាគពេលវេលាដ៏ច្បាស់លាស់មួយក្នុងមួយឆ្នាំថ្មីនេះ។ ជាក់ស្ដែង មួយថ្ងៃអ្នកត្រូវធ្វើអ្វីខ្លះ? ពេលសម្រាប់រៀន ធ្វើការ ជួបជុំមិត្តភក្តិ សម្រាប់ខ្លួនឯង សម្រាប់មនុស្សជាទីស្រឡាញ់ជាដើម។ ការបែងចែកពេលវេលាបែបនេះអ្នកជួយឲ្យអ្នកដឹងថាតើឆ្នាំថ្មីនេះ អ្នកអាចធ្វើអ្វីបានខ្លះ? តិច ឬច្រើនជាងឆ្នាំមុន?

រូបតំណាង

៤. ចែករំលែកក្ដីស្រឡាញ់ទៅមនុស្សគ្រប់គ្នា

បើឆ្នាំចាស់អ្នកធ្លាប់ស្អប់នរណាម្នាក់ខ្លាំង បំភ្លេចម្នាក់នោះទៅ។ បើមាននរណាធ្វើខុសចំពោះអ្នក អភ័យទោសឲ្យគេទៅ ហើយបើអ្នកមិនធ្លាប់ញញឹមដាក់អ្នកដែលមិនធ្លាប់ស្គាល់នោះ ក៏គួរតែសាកញញឹមដែរ។ ផ្ដល់ក្ដីស្រឡាញ់ទៅឲ្យគេ ទោះបីគេមិនបានផ្ដល់ឲ្យអ្នកវិញក៏ដោយ។

៥. បង្កើនចំណេះដឹង

ឆ្នាំមុនអ្នកជាមុនស្អប់ការអានសៀវភៅ ឆ្នាំនេះអ្នកគួរតែចាប់ផ្ដើមកាន់សៀវភៅអានឲ្យបានរាល់ថ្ងៃ។ ឆ្នាំមុនអ្នកបានបញ្ចប់ការសិក្សាថ្នាក់បរិញ្ញាបត្រ ឆ្នាំថ្មីនេះអ្នកគួរបន្តរៀនយកអនុបណ្ឌិតទៀតព្រោះចំណេះដឹងគ្មានថ្ងៃសាបសូន្យនោះឡើយ កាន់តែរៀនអ្នកកាន់តែខ្លាំង។