បើមានអារម្មណ៍ថា «ហួសពេលនឹងរកជោគជ័យក្នុងជីវិត» គួរតែងាកមកគិតរឿងទាំងនេះ

2018-01-02 04:32:53
ចំនួនមតិ 0 | ចំនួនចែករំលែក 0

ជីវិតគឺមិនអាចល្អគ្រប់យ៉ាងទេ ការឈឺចាប់ ការខកចិត្តត្រូវតែមានជានិច្ច។ យ៉ាងណាមិញបើអ្នកបរាជ័យរហូតដល់ថ្នាក់មានអារម្មណ៍ថា យឺតពេលក្នុងជីវិត នោះមានន័យថាអ្នកឈានជិតដល់ចំណុចទាបបំផុតក្នុងជីវិតហើយ តែអ្វីដែលអ្នកត្រូវធ្វើនោះមិនមែនទន្ទេញពាក្យនេះទេ គឺត្រូវគិតពីរឿងនេះវិញ ៖

១. គេមើលមកអ្នកថាអ្នកយ៉ាងម៉េចជារឿងរបស់គេ

ពាក្យសម្ដីមនុស្សគឺអាចសម្លាប់ទឹកចិត្តមនុស្សបាន ប៉ុន្តែយ៉ាងណាក៏ដោយអ្នកមិនអាចគិតតាមមាត់គេនិយាយនោះទេ តែត្រូវធ្វើឲ្យគេភ្លឺភ្នែកបានត្រូវ។ បើគេថាអ្នកជាមនុស្សចោលម្សៀត អ្នកត្រូវធ្វើខ្លួនជាមនុស្សដែលសង្គមត្រូវការជាចាំបាច់។

រូបតំណាង

**២. គិតថាការលំបាកដែលអ្នកជួបជាតេស្ដ ក្នុងជីវិតតែប៉ុណ្ណោះ**

មុនអ្នកបញ្ចប់ការសិក្សាអ្នកត្រូវប្រឡង អ្នកត្រូវធ្វើតេស្ដ ហើយជីវិតក៏ដូចគ្នា ការលំបាក ការបាក់ទឹកចិត្ត ការបរាជ័យ គឺសុទ្ធតែជា តេស្ដក្នុងជីវិតយើងប៉ុណ្ណោះ។ អ្វីដែលសំខាន់គឺយើងអ្នកតស៊ូឆ្លងកាត់វាបានកម្រិតណា នោះជោគជ័យក៏យើងអាចទទួលបានប៉ុណ្ណឹងដែរ។

៣. កុំបោះបង់ចោលទៅតាមការឈឺចាប់ដែលអ្នកជួប

ជួបការឈឺចាប់កាន់តែច្រើន អ្នកកាន់តែត្រូវរឹងមាំ មិនមែនទន់ជ្រាយឲ្យភាពឈឺចាប់នោះគ្របសង្កត់ឡើយ។ ត្រូវចាំថាបើអ្នកបណ្ដោយខ្លួន អ្នកនឹងរស់នៅជាមួយវាអស់មួយជីវិត។

រូបតំណាង

៤. មើលពីកំហុសដែលនាំឲ្យអ្នកបរាជ័យ

ស្វែងរកកត្តាដែលនាំអ្នកឲ្យធ្លាក់ខ្លួនបែបនេះ មើលថាតើអ្នកបានធ្វើអ្វីខ្លះហើយខុសអីខ្លះ ដើម្បីធ្វើការកែប្រែចេញ។ បើអ្នកខ្ជីខ្ជា អ្នកត្រូវកែប្រែឲ្យក្លាយជាមនុស្សម៉ត់ចត់វិញ ហើយបើអ្នករាប់អានមនុស្សខុសអ្នកត្រូវចោលមិត្តភាពនោះជាដាច់ខាត។

៥. ហ៊ានជម្នះរឿងដែលអ្នកភ័យខ្លាច មិនធ្លាប់ធ្វើ

អ្នកបានធ្វើរឿងនោះហើយឬនៅ? បើអ្នកខ្លាចក្នុងការនិយាយជាមួយមនុស្សថ្មីៗ អ្នកត្រូវតែសាកល្បងនិយាយ បើអ្នកខ្លាចក្នុងការរកស៊ី អ្នកត្រូវតែប្រថុយធ្វើ។ ទាំងអស់នេះនឹងបង្រៀនអ្នកឲ្យផ្លាស់ប្ដូរខ្លួនឯងក្លាយជាមនុស្សដ៏រឹងមាំម្នាក់។