ជៀសវាងមានរឿង ៧យ៉ាងនេះគូស្នេហ៍ត្រូវប្រកាន់ខ្ជាប់ពេលផ្ដើមរស់នៅជាមួយគ្នា
- 2017-12-25 02:06:55
- ចំនួនមតិ 0 | ចំនួនចែករំលែក 0
ជៀសវាងមានរឿង ៧យ៉ាងនេះគូស្នេហ៍ត្រូវប្រកាន់ខ្ជាប់ពេលផ្ដើមរស់នៅជាមួយគ្នា
ការចាប់ផ្ដើមរស់នៅជាមួយគ្នាដំបូង មិនមែនជារឿងងាយស្រួលប៉ុន្មានទេ ទោះបីជាអ្នកទាំងពីរជាគូស្នេហ៍ដែលស្រឡាញ់គ្នាយូរមកហើយក្ដី។ ភាពចម្រូងចម្រាស ការខ្វែងគំនិតគ្នា ជម្លោះ ការអន់ចិត្តអាចកើតឡើងគ្រប់ពេល ប្រសិនបើអ្នកទាំងពីរមិនបានពិភាក្សាគ្នាឲ្យបានច្បាស់លាស់ពីតួនាទី ភារកិច្ចរបស់ភាគីនីមួយៗឲ្យបានហ្មត់ចត់។ ដូច្នេះហើយខាងក្រោមនេះជាវិន័យចាំបាច់មួយចំនួនដែលអ្នកត្រូវតែប្រកាន់ភ្ជាប់ ពេលចាប់ផ្ដើមការរស់នៅក្រោមដំបូលផ្ទះតែមួយរួមគ្នា៖
១. បែងចែកការងារផ្ទះ
កាលពីមុនប្រពន្ធភាគច្រើនត្រូវនៅផ្ទះ ហើយប្ដីជាអ្នករកស៊ីចិញ្ចឹម ប៉ុន្តែសម័យឥឡូវមនុស្សស្រីក៏ធ្វើការក្រៅផ្ទះដែរ ដូច្នេះទម្លាប់ចាស់ត្រូវបំបាត់ចោល។ អ្នកទាំងពីត្រូវកំណត់ បែងចែក ការងារផ្ទះឲ្យដាច់ អ្នកណាត្រូវលាងបន្ទប់ទឹក អ្នកណាត្រូវលាងចានជាដើម។ អ្នកអាចជួយធ្វើជំនួសតែពេលម្នាក់ទៀតឈឺ ឬរវល់ខ្លាំងប៉ុណ្ណោះ។ បែបនេះទើបម្នាក់ៗអាចមានពេលខ្លះ ដើម្បីរីករាយជាមួយចំណូលចិត្តប្រចាំថ្ងៃរបស់ខ្លួនបាន។
២. កុំចូលគេង ទាំងកំហឹង
ហេតុផលរបស់វាគឺសាមញ្ញបំផុត។ ប្រសិនអ្នកមានកំហឹង ហើយចូលគេងដោយមិនបានសម្រុះ សម្រួលគ្នាទេ អ្នកប្រាកដជាគេងមិនស្កប់ មួម៉ៅ ពិបាកចិត្ត ឆ្ងល់ថាហេតុអ្វីគេមិនលួង មិន ឱបអ្នកដូចមុខ។ ពេលព្រឹកឡើង អ្នកនឹងមានកំហឹងលើសដើមទៅទៀត។
៣. តុបតែងផ្ទះជាមួយគ្នា
ទោះបីជាអ្នកស្រឡាញ់គាត់ ប៉ុន្តែមិនប្រាកដថាអ្នកនឹងពេញចិត្តនូវរសនិយមរបស់គាត់ទាំងអស់នោះទេ។ វាក៏ជាផ្ទះរបស់អ្នក ដូច្នេះអ្នកក៏មានសិទ្ធិក្នុងការចូលរួមតុបតែងវាតាមចំណង់ចំណូលចិត្តរបស់ខ្លួនដែរ។ ការតុបតែងផ្ទះជាមួយគ្នា ក៏ជារឿងផ្អែមល្ហែម របស់ប្តីប្រពន្ធថ្មោងថ្មីផងដែរ។
៤. ប្រើពាក្យសម្ដីសមរម្យ
អ្នកមិនត្រូវប្រើពាក្យសម្ដីចម្អេះចំអាស ឬសុជីវធម៌ជាមួយគ្នាឡើយ ទោះបីជាពេលខឹងខ្លាំង ឬគ្រាន់តែជាការលេងសើចធម្មតាៗក៏ដោយ។ ការគោរព ឲ្យតម្លៃចំពោះគ្នាគឺជារឿងចាំបាច់ ដូច្នេះអ្នកមិនត្រូវលេងសើចជ្រុល រហូតហួសដែនកំណត់ជាដាច់ខាត។
៥. ផ្ដល់ពេលវេលាផ្ទាល់ខ្លួន
មិនថាអ្នកទាំងពីរមានរឿងត្រូវធ្វើជាមួយគ្នាច្រើនប៉ុណ្ណា ប៉ុន្តែអ្នកនៅតែត្រូវការពេលវេលាផ្ទាល់ខ្លួនខ្លះ ដើម្បីធ្វើរឿងដែលខ្លួនចូលចិត្ត ឬចាំបាច់តែម្នាក់ឯង។ ដូច្នេះអ្នកទាំងពីរត្រូវគោរព សិទ្ធិ និងចេះយោគយល់ចំពោះរឿងមួយនេះដូចគ្នា ទើបគ្មានជម្លោះ។
៦. ទំនាក់ទំនងល្អ
បង្កើតទំនាក់ទំនងមួយដែលរឹងមាំ និងមានប្រសិទ្ធភាព ដូច្នេះអ្នកទាំងពីរប្រាកដជាអាច និយាយគ្រប់រឿងរ៉ាវក្នុងចិត្ត និងបង្ហាញភាពស្មោះត្រង់ឲ្យគ្នាបានយ៉ាងល្អ។ ពេលមានរឿងពិបាកចិត្ត ភាពតានតឹង អ្នកត្រូវនិយាយប្រាប់ដៃគូ ដើម្បីរកដំណោះស្រាយរួម។ ហាមដាច់ខាត ការជះកំហឹងដាក់គ្នាដោយគ្មានហេតុផល។
៧. រក្សាភាពរ៉ូមែនទិក
កុំគិតថាពេលនៅជាមួយគ្នារាល់ថ្ងៃគ្រប់គ្រាន់ ហើយអ្នកមិនបាច់ធ្វើរឿងផ្អែមល្ហែម ឬរ៉ូមែនទិកដូចពីមុន។ អ្នកត្រូវឧស្សាហ៍ណាត់គ្នា ញ៉ាំអាហារឆ្ងាញ់ មើលកុន ឬដើរកំសាន្តកន្លែងឆ្ងាយៗដូចពីមុន បែបនេះទើបភ្លើងស្នេហ៍របស់អ្នកទាំងពីរមិនងាយរលត់ ៕
ចុចអាន៖