៨ ស្នៀតក្នុងនាមជាកូនប្រសាធានាថាម្តាយក្មេកនឹងទន់ចិត្តស្តូក

2017-11-28 08:27:00
ចំនួនមតិ 0 | ចំនួនចែករំលែក 0

មិនឈ្លោះគ្នា មិនចាត់ទុកថាជាទំនាក់ទំនងដែលល្អពិតប្រាកដទេ៨ ស្នៀតជួយឱ្យទំនាក់ទំនងជាមួយម្តាយក្មេកកាន់តែស្អិតល្មួត ចុះទម្រាំរស់នៅជាមួយសាច់ថ្លៃទៀតតើនឹងពិបាកយ៉ាងណាទៅ? សម្រាប់អ្នកជាកូនប្រសាស្រីដែលរស់នៅជាមួយម្តាយក្មេក គួរគប្បីមានស្នៀតទាំង ៨ ខាងក្រោមនេះជាប់ខ្លួន ដើម្បីឱ្យទំនាក់ទំនងកាន់តែស្អិតល្មួត៖

១. គោរពតែមិនខ្លាចញ័រ

គាត់ជាមនុស្សដែលមានវ័យចំណាស់ជាងយើង ដូច្នេះយើងត្រូវមានការគោរពចំពោះគាត់វាជារឿងធម្មតាទេ ប៉ុន្តែក៏មិនមែនដល់ថ្នាក់ខ្លបខ្លាចញីញ័រពេកដែរ។

២. ស្វែងយល់ពីគាត់

គួរស្ទាបស្ទង់ពីអ្វីដែលគាត់ចូលចិត្ត និងអ្វីដែលគាត់មិនចូលចិត្ត ធ្វើបែបនេះអ្នកមិនបាច់បារម្ភខ្លាចរកវិធីផ្គាប់ចិត្តគាត់មិនបានទេ។

រូបតំណាង

**៣. មិនទើសច្រើន**

អ្វីដែលត្រូវចងចាំមួយទៀតគឺ មនុស្សចាស់តែងតែមានចរិតឯករាជ្យបន្តិចហើយ មានរឿងខ្លះអ្នកកុំទៅប្រកាន់ច្រើនពេកអី ធ្វើមិនដឹងមិនឮខ្លះទៅ។

៤. ស្តាប់ការទូន្មានរបស់គាត់

ទោះអ្នកគិតថារឿងនោះមិនសំខាន់ក៏ដោយ តែបើគាត់និយាយហើយអ្នកត្រូវតែត្រងត្រាប់ស្តាប់។ ពេលខ្លះការឱ្យដំបូន្មានរបស់គាត់ អាចជាគន្លឹះដើម្បីដោះស្រាយបញ្ហាជីវិតរបស់អ្នកនៅថ្ងៃណាមួយក៏ថាបាន។

រូបតំណាង

៥. រៀបចំការភ្ញាក់ផ្អើល

មនុស្សចាស់ចិត្តច្រើនណាស់ ឆាប់ងងក់ ហើយក៏ឆាប់អន់ចិត្តដែរ ដូច្នេះបើមានការរៀបចំភ្ញាក់ផ្អើលសម្រាប់គាត់ នោះគាត់នឹងគិតថាអ្នកទុកគាត់ជាមនុស្សពិសេសមិនខាន។

៦. ព្យាយាមនិយាយលេង

ត្រូវនិយាយលេងជាមួយគាត់ឱ្យបានច្រើនដើម្បីបង្កើនភាពស្និទ្ធស្នាល និងការយល់ចិត្តគ្នា យូរៗទៅអ្នកនឹងលែងមានអារម្មណ៍ទើសទាល់ជាមួយគាត់ហើយ។

៧. កុំព្យាយាមប្រៀបធៀប

ឧទាហរណ៍ថានៅពេលដែលមានការឈ្លោះទាស់គ្នា អ្នកកុំព្យាយាមប្រើពាក្យថា «ខ្ញុំហត់ ខ្ញុំរវល់ជាងម៉ាក់ឯងទៀត» ឱ្យសោះ។ និយាយបែបនេះមិនខុសពីយកសាំងទៅចាក់លើភ្លើងទេ ព្រោះតាមពិតទៅគាត់ក៏រវល់ជាមួយការងារផ្ទះមិនខុសពីយើងដែរ។

៨. ប្រើសម្តីផ្អែម

អាចនិយាយថាមនុស្សចាស់គឺស៊ីជោរបន្តិចហើយ តែបើអាចគួរតែឧស្សាហ៍ហៅគាត់ថា ម៉ាក់ ឱ្យផ្អែមរលួយជាញឹកញាប់ទៅ៕

ចុចអាន៖គូស្នេហ៍មានគម្រោងរៀបការ គួរពិភាក្សារឿងទាំងនេះឲ្យច្បាស់សិន

ប្រភព៖ Boldsky ប្រែសម្រួល៖ អ៊ុង រ័ត្នបញ្ញា