គន្លឹះខ្លីៗមួយចំនួន សម្រាប់ឲ្យបុរសយល់ដឹងបានខ្លះមុនថ្ងៃអាពាហ៍ពិពាហ៍

2017-11-27 06:30:00
ចំនួនមតិ 0 | ចំនួនចែករំលែក 0

ដើម្បីឲ្យថ្ងៃមង្គលខ្លួនគ្មានភាពសៅហ្មង កូនកំលោះក៏គួរតែត្រៀមខ្លួន និងរៀបចំគន្លឹះមួយចំនួនទុកដែរ។ កញ្ញា សូមបង្ហាញពីគន្លឹះខ្លីៗមួយចំនួន សម្រាប់បុរសមុនពេលរៀបអាពាហ៍ពិពាហ៍ ដោយមិនមែនពឹងផ្អែកលើខាងស្រីទាំងស្រុងឡើយ៖

១.យល់ចិត្តអនាគតកូនក្រមុំឲ្យច្បាស់

ត្រូវតែច្បាស់ក្នុងចិត្តថា អ្នកពិតជាបានយល់ពីចិត្តកូនក្រមុំអ្នកច្បាស់លាស់អស់ហើយ ដើម្បីត្រៀមខ្លួនជាស្វាមីដ៏ល្អ និងពូកែដឹងចិត្តភរិយា ក្រោយរៀបការហើយ។

២.សាច់ញាតិ

ត្រូវរៀនស្គាល់ពីសាច់ញាតិខាងស្រីឲ្យបានច្រើនសិន មុនពេលរៀបការ ទើបអ្នកនឹងក្លាយជាសមាជិកថ្មី ដែលគួរឲ្យស្រលាញ់។ ម្យ៉ាងទៀតការស្គាល់បងប្អូនខាងកូនក្រមុំមុនខ្លះៗ គឺជារឿងល្អសម្រាប់ខ្លួន ព្រោះស្រួលបត់បែនឥរិយាបថ។

៣.យកឈ្នះចិត្តអនាគតម្ដាយក្មេក

ម្ដាយគឺមានភាពហត់នឿយច្រើនក្នុងពេលរៀបការអ្នក ដូចនេះគួរតែចេះយល់ចិត្តគាត់ជាមុន ដោយមានរបស់របរផ្គាប់ចិត្តខ្លះ។ ទើបដល់ថ្ងៃការ គាត់មិនរអ៊ូរឿងហត់នឿយ ឬការចំណាយច្រើន។

៤.សំលៀកបំពាក់

នៅពេលនិយាយពីសំលៀកបំពាក់ អ្នកប្រាកដជាគិតថា នោះគឺជាតួនាទីខាងស្រី និងសម្អាងការប៉ុណ្ណោះ។ តែនោះជាគំនិតខុសទៅវិញទេ ខាងប្រុសក៏គួរតែចេះរៀបចំខោអាវខ្លះៗសម្រាប់ស្លៀកពាក់ក្រោយចប់ភារកិច្ចផ្នួង ហើយបើអ្នកចេះរៀបចំរបស់ខ្លួនឯងខ្លះ ក៏ជាការកាត់បន្ថយភាពហត់នឿយរបស់កូនក្រមុំដែរ៕

ចុចអាន៖ពាក្យ ៥ឃ្លាដែលប្រពន្ធគ្រប់រូបចង់ឮបំផុតចេញពីមាត់ប្តីរបស់ខ្លួន

អត្ថបទ៖ ទ្រី រ៉ាវី