ដល់ថ្ងៃហ្នឹងអត់ខ្វល់អាលីង! ធ្វើបានតែ ១១ ចំនុចនេះដឹងតែស្រួលខ្លួនខ្លាំងហ្មង

2017-11-21 09:28:12
ចំនួនមតិ 0 | ចំនួនចែករំលែក 0

ទោះជាស្ត្រីគ្រប់រូបត្រូវតែមានរដូវម្តងរៀងរាល់ខែ តែភាគច្រើននៅតែមានអារម្មណ៍ថារំខានខ្លាំង និងពិបាកទម្លាប់ខ្លួន ព្រោះគេនៅតែមិនអាចទាយដឹងថារដូវនឹងមកម៉ោងណា ឬថ្ងៃណាឲ្យច្បាស់នោះទេ ។ ខ្លះដល់ថ្ងៃត្រូវទៅលេងសមុទ្យហើយ ស្រាប់តែមានរដូវក៏មាន ។ ទោះជាធុញទ្រាន់នឹងការមករដូវយ៉ាងក៏ដោយ អ្នកមិនអាចបញ្ឈប់វាបានឡើយ ដូច្នេះយល់ល្អគួរព្យាយាមសម្របខ្លួនក្នុងអំឡុងពេលមករដូវឲ្យបាល្អ ដោយការអនុវត្ថន៍ដូចខាងក្រោម ៖

១.ហាត់ប្រាណងាយៗ ស្រាលៗ៖ ស្ត្រីគួរធ្វើលំហាត់ប្រាណងាយៗ ក្នុងពេលមានរដូវដើម្បី ឲ្យបែកញើសស្រួលខ្លួន និងជួយឲ្យឈាមរដូវហូរបានល្អ កាត់បន្ថយការឈឺចាប់ តែកុំប្រឹងហាត់ឲ្យហួសកម្លាំងឲ្យសោះ។ លំហាត់ប្រាណស្រួលៗ មានដូចជា តម្រង់ និងលាតសន្ធឹងខ្លួន យូហ្គា ដើរ ជាដើម។ អំឡុងពេលមករដូវ ស្ត្រីមិនគួរអង្គុយយូរ ឬ ឈរយូរពេលនោះទេ ការធ្វើចលនាបានច្រើនកាន់តែល្អ ធ្វើឲ្យឈាមរដូវធ្លាប់មកអស់។

២.គួរប្រើខ្នើយកម្តៅកន្លែងចុករោយ ឬ ត្រង់ពោះ (Hug a Heating Pad)៖ បើស្ត្រីត្រូវរវល់នឹងការងារពេញមួយថ្ងៃ ពេលត្រលប់ចូលផ្ទះវិញ ស្រីគួរស្លៀកពាក់រលុងៗ ហើយសម្រាកលើសាឡុង ឬ គ្រែ អោប ឬ ស្អំខ្នើយកម្តៅដែលក្តៅឧណ្ហៗ នឹងមានអារម្មណ៍ថាស្រួលខ្លួនភ្លាម។ វាក៏មានប្រសិទ្ធភាពបំផុតក្នុងការកាត់បន្ថយការឈឺចាប់ ចុចរោយដែរ។

៣. ផឹកទឹកក្តៅឧណ្ហៗ ឲ្យញឹកញាប់៖ ការផឹកទឹកក្តៅល្អសម្រាប់សុខភាព ព្រោះវាជួយផ្តល់កម្តៅដល់រាងកាយ និងធ្វើចរន្តឈាមរដូវហូរបានល្អ ពិសេសវាធ្វើឲ្យបែកញើសស្រួលខ្លួនទៀត។

៤.ញុំាអាហារល្អ ចំពោះសុខភាព៖ ស្ត្រីគួរញុំាបន្លែ និងផ្លែឈើស្រស់ឲ្យបានច្រើន ។ ហើយកុំប៉ះឲ្យសោះ អាហារផ្អាប់ ជូរ និងមានជាតិប្រៃ ដែលអាចធ្វើឲ្យអាការៈឈឺចាប់ពេលមានរដូវរបស់អ្នកកាន់តែយ៉ាប់។

ការមករដូវគឺជារឿងធម្មតារបស់ស្ត្រីស្រាប់ទៅហើយ។ ប៉ុន្តែតើអ្នកបានដឹងទេថា ក្នុងមួយខែអ្នកបានបាត់បង់ឈាមជាច្រើន ហើយរាងកាយក៏បាត់បង់វីតាមីន និងអំបិលរ៉ែផងដែរដូចជាកាល់ស្យូម, សារធាតុដែក និងស័ង្កសីដែលវាអាចធ្វើឱ្យអ្នកអស់កម្លាំង ឈឺក្បាល ធុញអាហារ និងក្រៀមក្រំ ។

ការជ្រើសរើសទទួលទានអាអាហារដែលសមស្រប និងប្រយោជន៍ចំពោះរាងកាយក្នុងអំឡុងនេះសំខាន់ណាស់ ដូចនេះអ្នកគួរជ្រើសរើសទទួលទានអាហារដែលបំប៉នឈាមឱ្យបានច្រើន ដូចជាគ្រឿងក្នុងសត្វ, ស៊ុតក្រហម, សណ្តែកដី និងបន្លែបៃតងខ្ចី ដូចជា ខាត់ណា សារ៉ាយ ជាដើម ព្រោះថាអាហារទាំងនេះនឹងផ្តល់សារធាតុដែកវីតាមីន B6, B12 និងអាស៊ីត ជាតិខ្លាញ់ខ្ពស់ចំពោះការបង្កើតឈាម។

៥. គេងឲ្យឆ្អែត៖ ការខ្វះដំណេកនឹងធ្វើស្ត្រីឆាប់អស់កម្លាំង និងធ្លាក់ខ្លួនឈឺ ហើយកាន់តែរហ័សជាងធម្មតាបើស្ត្រីខ្វះដំណេកអំឡុងពេលមកដូវ ។

៦.ងូតទឹកសម្អាតខ្លួននឹងទឹកក្តៅឧណ្ហៗ៖ ការងូតទឹកសម្អាតខ្លួនពិពិតជាសំខាន់មិនអាចខ្វះបានឡើយ ពិសេសសម្រាប់អំឡុកពេលមករដូវព្រោះ វាអាចជួយកម្ចាត់ក្លិនមិនល្អ ផ្តល់ភាពស្រស់ស្រាយ ដែលអាចជួយកាត់បន្ថយការតប់ប្រមល់ដែលតែងកើតមានឡើងក្នុងពេលនោះ។ ការងូតទឹកនឹងទឹកក្តៅឧណ្ហៗ នឹងធ្វើឲ្យអ្នកកាន់តែស្រួលខ្លួន ឈាមរត់បានល្អ ។

៧.ថ្នាក់ថ្នមស្បែក បង្ការការឡើងមុន៖ ជាធម្មតា ជាតិខ្លាញ់ និង ធូលីដីអាចកកក្នុងរន្ធញើសអំឡុងពេល ឬ មុនពេលអ្នកមករដូវ ។ ដូច្នេះ ការខាត់ស្បែកខ្លួន និងសម្អាតស្បែកមុខឲ្យបានល្អ អាចធ្វើឲ្យអ្នកជៀសផុតពីការកើតមុនបានយ៉ាងមានប្រសិទ្ធិភាព ។

៨.បំប៉នស្បែកអ្នកមានសំណើម៖ ស្បែករបស់អ្នកអាចនឹងងាយឈឺស្រកៀវ និងប្រើជាស្ងួតការប្រែប្រួលអរម៉ូន ខ្លះនៅក្នុងខ្លួន អំឡុងពេលមករដូវ ។ ដូច្នេះអ្នកគួរចេះថ្នមស្បែករបស់អ្នកដោយការលាបឡេផ្តល់សំណើមជាប្រចាំ និងជៀសវាងការប្រើប្រាស់សារធាតុដែលបំផ្លាញដល់ស្បែក ។

៩.ស្លៀកពាក់រលុងៗ៖ ពេលមករដូវទោះមិនសូវស្រួលខ្លួន តែស្ត្រីតែងរៀងឡើងគីឡូ ដូច្នេះមិនគួរស្លៀកពាក់តឹងណែន ឬ រឹបៗពេកទេ អាចធ្វើឲ្យមិនស្រួលខ្លួន និងធុញធប់អារម្មណ៍ ។ ទោះមិនចូលចិត្តគួរព្យាយាមពាក់ដែរពិសេសពេលសម្រាកនៅផ្ទះ ។

១០. កត់ចំណាំថ្ងៃមករដូវ៖ ស្ត្រីគួរទម្លាប់ខ្លួនឯង កត់ត្រាឲ្យច្បាស់ពីថ្ងៃមករដូវ ដូចជា មកថ្ងៃណា ពេលណា ប៉ុន្មានថ្ងៃ និងអស់នៅថ្ងៃណា ដើម្បីឲ្យអ្នកកាន់តែងាយស្រួលក្នុងការទាយថ្ងៃមករដូវបន្ទាប់ និងតាមដានសុខភាពប្រចាំខែ ។

១១.ត្រូវប្រើសំឡីអនាម័យឲ្យត្រឹមត្រូវ៖ ស្ត្រីត្រូវប្រើសំឡីអនាម័យពេលថ្ងៃ និង ពេលយប់ឲ្យបានត្រឹមត្រូវ។ សំឡីសម្រាប់ពេលថ្ងៃ ច្រើនតែស្តើងខ្លី ដែលទាមទារឲ្យស្ត្រីត្រូវប្តូរថ្មីរៀងរាល់ ៣ ទៅ ៤ម៉ោងម្តងដើម្បី រក្សារបានអារម្មណ៍ស្រស់ស្រាយ ។ សម្រាប់ពេលយល់ស្ត្រីត្រូវប្រើប្រភេទធំបន្តិច និងវែង ដើម្បីធានាបានថាពេលគេង មិនមានការហៀរប្រលាក់ពូក ឬ ត្រូវងើបកណ្តាលមកផ្លាស់ប្តូនោះទេ ។

កញ្ញា សូមណែនាំសំឡីអនាម័យ Bamboo Anion ដែលជាប្រភេទសំឡីជួយដល់សុខភាពមាត់ស្បូនស្ត្រី ព្រោះវាមានស្រទាបបៃតង Anionនៅក្នុងសំឡីដែលអាចកំចាប់មេរោគ និងក្លិនមិនល្អបានយ៉ាងមានប្រសិទ្ធភាព ។ ក្នុងប្រអប់ធំមួយរបស់ Bamboo Anion មានសំឡីដល់ទៅ ៤៨បន្ទះ ដោយក្នុងនោះមាន៣ ប្រភេទផ្សេងគ្នា គឺ សំឡីប្រើពេលមករដូវពេលថ្ងៃ ពេលយប់ពេលគេង និង សំឡីប្រើប្រចាំថ្ងៃពេលមិនទាន់មានរដូវ ដែលវាអាចជួយថែរក្សាសុខភាពមាត់ស្បូនពីមេរោគបាន ១០០% ។

ការជ្រើសរើសសំឡីគុណភាពល្អ ងាយស្រួលប្រើ ស្រួលខ្លួន ពិតជាសំខាន់ព្រោះស្ត្រីនឹងមិនមានអារម្មណ៍ទើសទាល់ ឬ រំខានខ្លាំងឡើយពេលចង់ធ្វើសកម្មភាពដូចថ្ងៃដែលគ្មានរដូវ ៕